Lənkəran Rayon Məhkəməsi Qətnamə — İş №2(049)-2525/2022

Azərbaycan Respublikası adından QƏTNAMƏ Lənkəran şəhəri İş № 2(049)-2525/2022 26.08.2022 LƏNKƏRAN RAYON MƏHKƏMƏSİ Lənkəran Rayon Məhkəməsinin hakimi Aslanov Murad Şamxal oğlu iddiaçı SOUND.AZ MMC-nin Cavabdeh qarşı pul tələbinə dair kiçik iddialara dair işlər üzrə sadələşdirilmiş icraat qaydasında ərizəsinə və ona əlavə edilmiş sənədlərə baxaraq, müəyyən etdi: İddiaçı SOUND.AZ MMC-nin Cavabdeh qarşı pul tələbinə dair kiçik iddialara dair işlər üzrə sadələşdirilmiş icraat qaydasında ərizə ilə məhkəməyə müraciət edərək, xx.xx.2018ci il tarixli müqaviləsinə əsasən RİA BTE 13 100 markalı eşitmə aparatı üçün Cavabdeh 136,4 manat ödənilməmiş hissə, 14,00 manat cərimə ümumilikdə cəmi 150,4 manat borcun və 30 manat məbləğində ödənilmiş dövlət rüsumunun alınaraq, SOUND.AZ MMCnin hesabına ödənilməsi barədə qətnamə çıxarılmasını xahiş etmişdir. Məhkəmə tərəfindən SOUND.AZ MMC-nin kiçik iddialara dair işlər üzrə sadələşdirilmiş icraat qaydasında ərizəsi üzrə Cavabdeh bildiriş göndərilmiş, bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilmişdir. Cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə təqdim etməmişdir. İddiaçı SOUND.AZ MMC kiçik iddialara dair işlər üzrə sadələşdirilmiş icraat qaydasında ərizəsini onunla əsaslandırmışdır ki, Cavabdeh SOUND.AZ MMC–dən 12 ay müddətinə, hər ayda 62,00 manat, ilkin ödəniş olaraq 43,00 manat ödəmək şərti ilə alqısatqı qiyməti 787,00 manat olan RİA BTE 13 100 markalı eşitmə aparatını nisyə əldə etmişdir. Cavabdeh müqavilə üzrə ödənişlər etməmiş, yəni onun cəmi ödədiyi məbləğ 650,60 manat olmuşdur. Son ödəniş tarixi xx.xx.2019-cu il tarixdə olmuşdur. Cavabdehin SOUND.AZ MMC-yə yekun olaraq 150,4 manat məbləğində manat borcu qalmışdır. Buna görə də xx.xx.2018-ci il tarixli müqaviləsinə əsasən RİA BTE 13 100 markalı eşitmə aparatı üçün Cavabdeh 136,4 manat ödənilməmiş hissə, 14,00 manat cərimə ümumilikdə cəmi 150,4 manat borcun və 30,00 manat məbləğində ödənilmiş dövlət rüsumunun alınaraq, SOUND.AZ MMC-nin hesabına ödənilməsi barədə qətnamə çıxarılmasını xahiş etmişdir. İş materiallarında olan xx.xx.2018-ci il tarixli müqavilədən görünür ki, Cavabdeh hissə-hissə ödəmək şərti ilə 787,00 manat məbləğində RİA BTE 13 100 markalı eşitmə aparatı əldə etmiş, müqaviləyə əsasən həmin vəsaiti 12 ay müddətinə, hər ayda 62,00 manat, ilkin ödəniş olaraq 43,00 manat ödəmək şərti ilə öhdəsinə götürmüşdür. Məhkəmə, iş materiallarında olan subutlara obyektiv, qərəzsiz, hərtərəfli və tam qiymət verərək belə qənaətə gəlir ki, SOUND.AZ MMC-nin kiçik iddialara dair işlər üzrə sadələşdirilmiş icraat qaydasında ərizəsi təmin edilməlidir. Belə ki, SOUND.AZ MMC-nin kiçik iddialara dair işlər üzrə sadələşdirilmiş icraat qaydasında ərizəsindən və ona əlavə edilmiş sənədlərdən müəyyən olunur ki, xx.xx.2018ci il tarixli müqavilədən görünür ki, Cavabdeh hissə-hissə ödəmək şərti ilə SOUND.AZ MMC-dən RİA BTE 13 100 markalı eşitmə aparatı əldə etmiş, müqaviləyə əsasən həmin vəsaiti 12 ay müddətinə, hər ayda 62,00 manat, ilkin ödəniş olaraq 43,00 manat ödəmək şərti ilə ödəməyi öhdəsinə götürmüş, lakin, öhdəliyi lazımınca icra etməmiş, onun SOUND.AZ MMC-yə xx.xx.2018-ci il tarixli müqaviləsinə əsasən 136,4 manat ödənilməmiş hissə, 14,00 manat cərimə, ümumilikdə cəmi 150,4 manat borcu qalmışdır. İşin göstərilən halları iddia ərizəsi və iş materiallarında olan digər sübutlarla tam təsdiq olunur. Azərbaycan Respublikasının Mülki Məcəlləsinin 600.1 və 600.4-cü maddələrinə görə alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Həmin Məcəllənin 427.3-cü maddəsinə əsasən əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. Göründüyü kimi cavabdeh bağlanmış nisyə alqı-satqı müqaviləsi üzrə müəyyən edilən vəzifəsini icra etməyərək almış olduğu malın dəyərini satıcıya razılaşdırılmış müddətdə tam ödəməmiş və buna görə iddiaçının ondan verilmiş malın ödənilməsini tələb etmək hüququ yaranmışdır. Azərbaycan Respublikasının Mülki Məcəlləsinin 442-ci maddəsinə əsasən Öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Azərbaycan Respublikasının Mülki Məcəlləsinin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Azərbaycan Respublikasının Mülki Məcəlləsinin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Azərbaycan Respublikasının Mülki-Prosessual Məcəlləsinin 119.1 və 119.2-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Buna görə məhkəmə hesab edir ki, iş üzrə iddiaçı tərəfindən kiçik iddialara dair işlər üzrə sadələşdirilmiş icraat qaydasında ərizənin verilməsi ilə əlaqədar ödənilmiş dövlət rüsumu cavabdehə aid edilməlidir. Qeyd olunanları nəzərə alaraq və qanunvericiliyin göstərilən müddəalarını rəhbər tutaraq məhkəmə belə nəticəyə gəlir ki, kiçik iddialara dair işlər üzrə sadələşdirilmiş icraat qaydasında ərizə təmin edilməli, xx.xx.2018-ci il tarixli müqaviləsinə əsasən RİA BTE 13 100 markalı eşitmə aparatı üçün Cavabdeh 136,4 manat ödənilməmiş hissə, 14 manat cərimə ümumilikdə cəmi 150,4 manat borcu və 30 manat məbləğində ödənilmiş dövlət rüsumu alınaraq, SOUND.AZ MMC-nin hesabına ödənilməlidir. Azərbaycan Respublikasının Mülki-Prosessual Məcəlləsinin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Azərbaycan Respublikasının Mülki-Prosessual Məcəlləsinin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Azərbaycan Respublikasının Mülki-Prosessual Məcəlləsinin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam təmin və ya qismən təmin və ya rədd edilməsi haqqında qətnamə qəbul edilir. Azərbaycan Respublikasının Mülki-Prosessual Məcəlləsinin 284-6.2-ci maddəsinə əsasən məhkəmə qətnaməsindən bu Məcəllə ilə nəzərdə tutulmuş qaydada apellyasiya şikayəti verilə bilər. Göstərilənlərə əsasən və Azərbaycan Respublikasının Mülki-Prosessual Məcəlləsinin 216-220, 233 və 360-cı maddələrini rəhbər tutaraq, məhkəmə qət etdi: İddia təmin edilsin. xx.xx.2018-ci il tarixli müqaviləsinə əsasən RİA BTE 13 100 markalı eşitmə aparatı üçün Cavabdeh 136,4 manat ödənilməmiş hissə, 14 manat cərimə ümumilikdə cəmi 150,4 manat borcu və 30 manat məbləğində ödənilmiş dövlət rüsumu alınaraq, SOUND.AZ MMC-nin hesabına ödənilsin. Qətnamədən, onun rəsmi qaydada verildiyi gündən 1 (bir) ay müddətində Lənkəran Rayon Məhkəməsi vasitəsi ilə Şirvan Apellyasiya Məhkəməsinə apelyasiya şikayəti verilə bilər. Hakim Murad Aslanov