Lənkəran Rayon Məhkəməsi Qətnamə — İş №2(049)-979/2023

Azərbaycan Respublikası adından QƏTNAMƏ Lənkəran şəhəri İş № 2(049)-979/2023 28.02.2023 LƏNKƏRAN RAYON MƏHKƏMƏSİ Mən, Lənkəran Rayon Məhkəməsinin hakimi Pənahov Anar Elman oğlu iddiaçı "xxxx" MMC-nin Cavabdeh Firdovsi oğluna qarşı borcun ödənilməsi tələbi barədə kiçik iddialara dair mülki işlər üzrə sadələşdirilmiş icraat qaydasında ərizəsinə və ona əlavə edilmiş sənədlərə baxaraq, M Ü Ə Y Y Ə N E T D İ M: İddiaçı "xxxx" MMC -nin Cavabdeh Firdovsi oğluna qarşı borcun ödənilməsi barədə kiçik mübahisələr üzrə ərizə ilə məhkəməyə müraciət edərək, Cavabdeh Firdovsi oğlu arasında bağlanmış xx.xx.2021-ci il tarixli, 00259-0298-01 saylı kredit müqaviləsi üzrə 1048,5 manat əsas borcun, 105,56 manat faiz borcunun, 0,00 manat cərimə borcunun, xx.xx.2023-cü il tarixinə ümumi olaraq 1154,06 manat borcun və 31,55 manat dövlət rüsumunun alınaraq, onun xeyrinə tutulmasını xahiş etmişdir. İddiaçı "xxxx" MMC iddia ərizəsini onunla əsaslandırmışdır ki, xx.xx.2021-ci il tarixində Cavabdeh Firdovsi oğlu (AZE 0******* Lənkəran ŞRPŞ xx.xx.2010-cu il) İsmayıl Kredit İttifaqı Məhdud Məsuliyyətli Cəmiyyətinə (bundan sonra "xxxx" MMC) ərizə ilə müraciət edərək, istelak krediti üçün 1500 manat məbləğində kredit verilməsini xahiş etmişdir. "xxxx" MMC ilə Cavabdeh Firdovsi oğlu arasında xx.xx.2021-ci il tarixdə kredit verilməsi haqqında 00259-0298-01 saylı kredit müqaviləsi bağlanmış və həmin müqaviləyə əsasən "xxxx" MMC tərəfindən Cavabdeh Firdovsi oğluna illik 30 faiz ödənilməsi şərti ilə 12 ay müddətinə 1500 manat kredit verilmişdir. Lakin, borclu şəxs Cavabdeh Firdovsi oğlu öz üzərinə götürdüyü kredit öhdəliklərini lazımınca icra etməmiş və bunun nəticəsində onun "xxxx" MMC-yə 1048,5 manat əsas borcu, 105,56 manat faiz borcu, 0,00 manat cərimə borcu, xx.xx.2023-cü il tarixinə ümumi olaraq 1154,06 manat borcu vardır. Tərəflər arasında yaranmış mübahisənin məhkəmədənkənar qaydada həll edilməsi barədə danışıqlar aparılmış, lakin, bu danışıqların (pretenziya qaydasında həll olunma) heç bir fayda verməmişdir və kreditor "xxxx" MMC öz tələbinin məhkəmə yolu ilə həll edilməsi üçün məhkəməyə ərizə ilə müraciət edərək bu hüququndan istifadə etmək qərarına gəlmişdir. Azərbaycan Respublikasının Mülki Məcəlləsinin 385.1-ci maddəsinə əsasən, kreditorun borcludan vəzifəsinin icrasını tələb etmək hüququ vardır. Bu səbəbdən iddiaçı "xxxx" MMC Cavabdeh Firdovsi oğlu arasında bağlanmış xx.xx.2021-ci il tarixli, 00259- 0298-01 saylı kredit müqaviləsi üzrə 1048,5 manat əsas borcun, 105,56 manat faiz borcunun, 0,00 manat cərimə borcunun, xx.xx.2023-cü il tarixinə ümumi olaraq 1154,06 manat borcun və 31,55 manat dövlət rüsumunun alınaraq, onun xeyrinə tutulmasını xahiş etmişdir. Azərbaycan Respublikasının Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə müvafiq olaraq, hazırki iş üzrə cavabdehə rəsmi qaydada bildiriş göndərilmiş, bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilmişdir. Lakin, qanunvericilikdə nəzərdə tutulmuş müddətdə cavabdeh tərəfindən məhkəməyə iddiaçının tələbinə dair etiraz daxil olmamışdır. Həmin Məcəllənin 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə, ərizəni və işə əlavə edilmiş sənədləri nəzərdən keçirib belə hesab edir ki, kiçik mübahisələr üzrə iddia tələbinin təmin edilməsi barədə qətnamə çıxarılmalıdır. Belə ki, Azərbaycan Respublikasının Mülki Məcəlləsinin 739.1. və 739.2. maddələrindən görünür ki, kredit müqaviləsinə əsasən borc verən pula mülkiyyət hüququnu borc alana keçirməyi, borc alan isə aldıqlarını müvafiq olaraq pul şəklində borc verənə qaytarmağı öhdəsinə götürür. İş materiallarına əlavə edilmiş xx.xx.2021-ci il tarixli ərizədən görünür ki, Lənkəran rayonu, Kərgəlan kəndində yaşayan Cavabdeh Firdovsi oğlu "xxxx" MMC-dən istehlak məqsədi ilə oğluna illik 30 faiz ödənilməsi şərti ilə 12 ay müddətinə 1500 manat məbləğində kredit istemişdir. İş materiallarına əlavə edilmiş xx.xx.2021-ci il tarixli, 00259-0298-01 saylı kredit müqaviləsinin surətindən görünür ki, Cavabdeh Firdovsi oğluna illik 30 faiz ödənilməsi şərti ilə 12 ay müddətinə 1500 manat məbləğində kredit verilmişdir. İş materiallarına əlavə edilmiş xx.xx.2021-ci il tarixli, 00259-0298-01 saylı kredit müqaviləsinə əlavə olan ödəniş qrafikindən görünür ki, Cavabdeh Firdovsi oğlunun illik 30 faiz ödənilməsi şərti ilə 12 ay müddətinə 1500 manat məbləğində kredit borcu vardır. İş materiallarına əlavə edilmiş arayışdan görünür ki, iddiaçı "xxxx" MMC ilə Cavabdeh Firdovsi oğlu arasında bağlanmış xx.xx.2021-ci il tarixli, 00259-0298-01 saylı kredit müqaviləsinə əsasən cavabdehə illik 30 faiz ödənilməsi şərti ilə 12 ay müddətinə 1500 manat məbləğində kredit verilmiş və Cavabdeh Firdovsi oğlunun "xxxx" MMC-yə xx.xx.2021-ci il tarixli, 00259-0298-01 saylı kredit müqaviləsinə əsasən 1048,5 manat əsas borcu, 105,56 manat faiz borcu, 0,00 manat cərimə borcu, xx.xx.2023-cü il tarixinə ümumi olaraq 1154,06 manat borcu vardır. İş materiallarına əlavə edilmiş xx.xx.2022-ci il tarixli, 14.11. 2022-ci il tarixli, 12.12. 2022-ci il tarixli bildirişdən görünür ki, Cavabdeh Firdovsi oğluna borclu olduğu və 10 gün müddətində gecikdirilmiş borcunun ödənilməsi barədə rəsmi qaydada bildirilmişdir. Azərbaycan Respublikasının Mülki Məcəlləsinin 425.1. maddəsində göstərilir ki, tərəflərdən hər biri öz hüquqlarını həyata keçirərkən və vəzifələrini icra edərkən şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə hərəkət etməlidir. Həmin Məcəllənin 427.3. maddəsində göstərilir ki, öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. Həmin Məcəllənin 741 və 742.1. maddələrinin mənasından görünür ki, əgər tərəflər arasındakı müqavilədə borcun qaytarılmasına dair müddət nəzərdə tutulmuşdursa, borclu aldığı kredit məbləğini faizləri ilə birlikdə həmin müddət bitənədək qaytarmalıdır. Həmin Məcəllənin 449.4-cü maddəsinin tələbinə görə, özgə vəsaitindən istifadə üçün faizlər, əgər müqavilədə faizlərin hesablanması üçün daha qısa müddət müəyyənləşdirilməyibsə, həmin vəsait məbləğinin kreditora ödənildiyi günə qədər tutulur. İş materiallarından görünür ki, Cavabdeh Firdovsi oğlu müqavilə şərtlərinə əməl etməyərək üzərinə düşən öhdəlikləri lazımınca yerinə yetirməmiş, nəticədə onun "xxxx" MMC-yə 1048,5 manat əsas borcu, 105,56 manat faiz borcu, xx.xx.2023-cü il tarixinə ümumi olaraq 1154,06 manat borcu vardır. Azərbaycan Respublikasının Mülki Məcəlləsinin 442-ci maddəsinin tələbinə görə öhdəliyin icra edilməməsi dedikdə onun pozulması və ya lazımınca icra edilməməsi başa düşülür. Həmin Məcəllənin 443.1-ci maddəsinə əsasən, öhdəliyini icra etməyən borclu kreditora dəymiş zərərin əvəzini ödəməyə borcludur. Həmin Məcəllənin 448.2-ci maddəsinə əsasən, borclu öz öhdəliklərinin hər bir təqsirli pozuntusu (hərəkət və hərəkətsizlik) üçün məsuliyyət daşıyır. Beləliklə, işin müəyyən edilən hallarına əsasən cavabdeh kredit müqaviləsi üzrə öhdəliklərini lazımınca yerinə yetirməmiş, nəticədə isə iddiaçı müqavilə bağlanarkən ümid etməyə haqqı çatanlardan xeyli dərəcədə məhrum olmuşdur. Azərbaycan Respublikasının Mülki Məcəlləsinin 428.4. və 743-cü maddələrinin tələbindən görünür ki, əgər borclu ödəniş qabiliyyətini itirərsə və ya şərtləşdirilmiş təminatı azaldarsa, yaxud ümumiyyətlə, belə təminat verə bilməzsə, kreditor dərhal icranı tələb edə bilər. İş materiallarına əlavə edilmiş xx.xx.2023-cü il tarixli, Ref **********/549158208 saylı qəbzdən görünür ki, iddiaçı tərəfindən kiçik mübahisələr üzrə iddia ərizəsinin verilməsi üçün 31,95 manat məbləğində dövlət rüsumu ödənilmişdir. «Dövlət rüsumu haqqında» Azərbaycan Respublikasının Qanununun 8.1.2. maddəsinin tələbinə əsasən iddia qiyməti 1.000 manatadək olduqda, məhkəməyə verilən iddia ərizələrindən 30 manat məbləğində dövlət rüsumu tutulur. Azərbaycan Respublikasının Mülki Prosessual Məcəlləsinin 119.1. maddəsinin tələbinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə, Azərbaycan Respublikasının Mülki Prosessual Məcəlləsinin qeyd olunan maddəsinin tələbini nəzərə alaraq hesab edir ki, iddiaçı tərəfindən dövlət büdcəsinə ödənilmiş 31,95 manat məbləğində dövlət rüsumu cavabdehdən iddiaçının xeyrinə tutulmalıdır. Azərbaycan Respublikasının Mülki Prosessual Məcəlləsinin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Həmin Məcəllənin 217.4. maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə, məhkəmə, yuxarıda göstərilənləri ümumiləşdirərək hesab edir ki, iddia tələbi təmin edilməli, Cavabdeh Firdovsi oğlu arasında bağlanmış xx.xx.2021-ci il tarixli, 00259-0298-01 saylı kredit müqaviləsi üzrə 1048,5 manat əsas borc, 105,56 manat faiz borcu, xx.xx.2023-cü il tarixinə ümumi olaraq 1154,06 manat borc və 31,55 manat dövlət rüsumu alınaraq, iddiaçı "xxxx" MMC xeyrinə tutulmalıdır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 227, 233, 360-cı maddələrini rəhbər tutaraq, məhkəmə Qətetdi: İddia tələbi təmin edilsin. İddiaçı "xxxx" MMC-nin xeyrinə Cavabdeh Firdovsi oğlu arasında bağlanmış xx.xx.2021-ci il tarixli, 00259-0298-01 saylı kredit müqaviləsi üzrə 1048,5 manat əsas borc, 105,56 manat faiz borcu, xx.xx.2023-cü il tarixinə ümumi olaraq 1154,06 manat borc və 31,55 manat dövlət rüsumu tutulsun. Qətnamədən 1 (bir) ay müddətində Lənkəran rayon məhkəməsi vasitəsilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Hakim Anar Pənahov