Masallı Rayon Məhkəməsi Qərardad — İş №2(050)-1003/2023

Azərbaycan Respublikası adından QƏRARDAD Masallı rayonu İş № 2(050)-1003/2023 03.04.2023 MASALLI RAYON MƏHKƏMƏSİ Hakim Bəhmənov Habil Xanoğlan oğlunun sədrliyi, Məhkəmə iclasının katibi Kərimli Nəzrin Fikrət qızının katibliyi ilə, İddiaçı Cavabdeh Yavər oğlunun iştirakları ilə. İddiaçı Cavabdeh Yavər oğluna qarşı pul tələbinə dair mülki işə, məhkəmənin inzibati binasında, açıq məhkəmə hazırlıq iclasında baxaraq, məhkəmə müəyyən etdi: İddiaçı Cavabdeh Yavər oğluna qarşı pul tələbinə məhkəməyə müraciət etmişdir. İddiaçı məhkəmə baxışı iclasında ərizə təqdim edərək, iddiadan imtina etdiyini, cavabdehlə barışdıqlarını, məhkəmə hazırlıq iclasında pulunun ona ödənilməsini bildirərək, iş üzrə icraata xitam verilməsini xahiş etmişdir. Azərbaycan Respublikası Mülki Prosessual Məcəlləsinin 52.1. və 52.5.-ci maddələrinə əsasən iddiaçı iddiadan imtina edə bilər. İddiadan imtina etmə yazılı formada ifadə edilməlidir. İddiaçının iddiadan imtina etməsi, iddianın cavabdeh tərəfindən etiraf edilməsi və tərəflərin barışıq sazişi qanuna zidd olarsa və ya hər hansı bir şəxsin hüquqlarını və qanunla qorunan mənafeyini pozarsa, məhkəmə belə hərəkətləri qəbul etmir. Belə hallarda məhkəmə mübahisəyə mahiyyəti üzrə baxır. Azərbaycan Respublikası MPM-nin 261.0.4.-cü maddəsinə görə iddiaçı iddiadan imtina etmişsə və bu imtina məhkəmə tərəfindən qəbul olunmuşsa hakim iş üzrə icraata xitam verir. Məhkəmə iddiaçının tələbdən imtina etməsini qəbul edərək hesab edir ki, mülki iş üzrə icraata xitam verilməlidir. Belə ki, iddiadan imtina edilməsi ilə başqa şəxslərin hüquq və mənafelərinin pozulması halı müəyyən olunmur. Göstərilənlərə əsaslanaraq və Azərbaycan Respublikası Mülki Prosessual Məcəlləsinin 261, 263-268, 396-cı maddələrini rəhbər tutaraq, məhkəmə Qərara aldı: İddiaçı Cavabdeh Yavər oğluna qarşı pul tələbinə dair mülki iş üzrə icraata xitam verilsin. Qərardad rəsmi qaydada verildikdən 10 gün müddətində Masallı rayon məhkəməsinə şikayət verilə bilər. Sədrlik edən: Habil Bəhmənov