Masallı Rayon Məhkəməsi Qərardad — İş №2(050)-2225/2023

Azərbaycan Respublikası adından QƏRARDAD Masallı rayonu İş № 2(050)-2225/2023 05.06.2023 MASALLI RAYON MƏHKƏMƏSİ Masallı Rayon Məhkəməsinin hakimi Quliyev Ceyhun Əmir oğlu, İddiaçı Cavabdeh qarşı pul tələbinə dair şikayətinə və ona əlavə edilmiş sənədləri nəzərdən keçirərək, məhkəmə müəyyən etdi: İddiaçı Cavabdeh qarşı pul tələbi barədə şikayət ilə məhkəməyə müraciət edərək, Cavabdeh barəsində yazdığı yalan məlumatlara görə üzr istəyərək həmin məlumatları təkzib etməsi, ondan vurulmuş maddi və mənəvi ziyana görə 5000 manat məbləğində pulun, eləcə də iddia qaldırarkən ödənilmiş 100 manat dövlət rüsumunun alınıb ona verilməsinə dair qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin: 149.2. Ərizədə aşağıdakılar göstərilməlidir: 149.2.2. iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda - iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) 149.2.3. iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb Məhkəməyə təqdim edilmiş şikayətdən görünür ki, İddiaçı xüsusi ittiham qaydasında şikayət ilə məhkəməyə müraciət edərək Cavabdeh yalan məlumaların yayılmasına görə 5000 manat məbləğində ziyan tələb edir, barəsində şikayət verilmiş şəxsin cinayət məsuliyyətinə cəlb edilməsini xahiş etmir. Şikayət vermiş şəxsin tələbindən görünür ki, onun tələbi mülki tələbdir. Belə vəziyyətdə o, iddia ərizəsi ilə məhkəməyə müraciət etməli, iddia ərizəsində tərəflər kimi “iddiaçı” və “cavabdeh” göstərməlidir. MPM-nin 150.3-cü maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. MPM-nin 152.1 və 152.1.1-ci maddələrinə əsasən iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. Həmçinin, məhkəmə şikayət vermiş şəxsə izah edir ki, o, özünə vurulmuş zərərə görə pul tələb etsədə, şikayəti Masallı rayon Musaküçə Bələdiyyəsinin adından vermişdir. Yuxarıda göstərilənlərə və Azərbaycan Respublikası MPM-nin 152-ci maddəsinə əsasən, məhkəmə qərara aldı: İddiaçı Cavabdeh qarşı pul tələbi barədə şikayəti və ona əlavə edilmiş sənədlər geri qaytarılsın. Şikayətin qaytarılmasına səbəb olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində Masallı Rayon Məhkəməsinə şikayət verə bilər. Hakim Ceyhun Quliyev