Masallı Rayon Məhkəməsi Qətnamə — İş №2(050)-2527/2023

Azərbaycan Respublikası adından QƏTNAMƏ Masallı rayonu İş № 2(050)-2527/2023 14.08.2023 MASALLI RAYON MƏHKƏMƏSİ Masallı rayon məhkəməsinin hakimi Bəhmənov Habil Xanoğlan oğlu, İddiaçı Cavabdeh qarşı pul tələbinə dair üzrə mülki işə kiçik iddialara dair işlər üzrə sadələşdirilmiş icraat qaydasında baxaraq, müəyyən etdi: İddiaçı ilə kiçik iddialara dair işlər üzrə sadələşdirilmiş icraat qaydasında məhkəməyə müraciət edərək Cavabdeh 30 sentyabr 2022-ci il tarixli, M132411 saylı alqısatqı müqaviləsinin ödənişi üzrə 800 manat əsas borcun, faiz borcu üzrə 106.64 manat və ödənilmiş 30 dövlət rüsumunun, cəmi 936.64 manat borcun alınıb ona verilməsi barədə qətnamə çıxarılmasını xahiş etmişdir. İddia ərizəsi üzrə tələb onunla əsaslandırılmışdır ki, Masallı şəhəri, H.Əliyev prospekti “Xan Çinar” ticarət mərkəzində elektrik avadanlıqları satışı dükanının müdiri işləyir. Qanunvericilikdə nəzərdə tutulmuş qaydada azad sahibkarlıqla məşğul olur. 30 sentyabr 2022-ci il tarixdə Masallı rayonu, Çaxırlı kənd sakini Cavabdeh mağazaya müraciət edərək kredit şərti ilə ona qiyməti 850 manat olan bir ədəd “Samsung UE 43 00 AUXRU” markalı televizor verilməsini xahiş etmişdir. Həmin tarixdə ilkin ödəniş 50 manat ödəməklə, yerdə qalan 800 manat məbləğinə M132411 saylı, 30 sentyabr 2022-ci il tarixli, alqı-satqı müqaviləsi üzrə illik 20% olmaqla, 12 ay müddətinə 960 manat dəyərində, 1009.80 manat kredit məbləği ilə ona bir ədəd “Samsung UE 43 00 AUXRU” markalı televizor verilmişdir. Cavabdehə kredit müqaviləsi üzrə aylıq 80 manat kredit öhdəliklərini yerinə yetirilməsi vəzifəsi izah edilmişdir. Cavabdeh 30 sentyabr 2022-ci il tarixli, M132411 saylı kredit müqaviləsi üzrə götürülmüş olduğu öhdəlikləri icra etmədiyindən 30 dekabr 2022-ci il tarixdən 02 aprel 2023-cü il tarixədək hər ay üçün 13.33 manat olmaqla 66.65 manat faiz borcu yaranmışdır. Odur ki, həmin məbləğin cavabdehdən tutulması xahiş olunur. Cavabdeh Azərbaycan Respublikası MPM-in 284-5.2.-ci maddəsinə əsasən iddiaya qarşı əsaslandırılmış etirazlarını göndərmək barədə məlumat verilməsinə baxmayaraq, iddaya qarşı etirazlarını məhkəməyə göndərməmişlər. İşdə olan 30 sentyabr 2022-cu il tarixli, 132411 saylı alqı-satqı müqaviləsinin surətindən görünür ki, İddiaçı ilə Cavabdeh arasında kredit müqaviləsi bağlanmış, müqavilə üzrə illik 20 faiz olmaqla 12 ay müddətinə 329 manat dəyərində, 960 manat kredit məbləği ilə 1 ədəd “Samsung UE 43 00 AUXRU” markalı televizor verilmişdir. Ödəniş cədvəlindən görünür ki, Cavabdeh hər ay 80 manat olmaqla 12 ay müddətinə borcunu ödəməlidir. İşdə olan ödəniş qəbzindən görünür ki, İddiaçı məhkəmədə iddia qaldırmaq üçün 30 manat dövlət rüsumu ödəmişdir. İşdə olan bildirişdən görünür ki, İddiaçı Cavabdeh borcun ödənilmədiyi tədqirdə məhkəməyə müraciət olunacağı barədə xəbərdarlıq etmişdir. Məhkəmə iş materiallarını tədqiq edib, iş üzrə təqdim edilmiş sübutlara obyektiv, qərəzsiz, hərtərəfli və tam baxdıqdan sonra onların məcmusuna hüquqi qiymət verərək, hesab edir ki, iş üzrə mübahisəli hal yoxdur, tərəflərin izahatlarının alınmasına zərurət yoxdur, iddia əsaslıdır, ona görə də təmin edilməlidir. Azərbaycan Respublikası Mülki Məcəlləsinin 385.1-ci maddəsinə əsasən borclu kreditorun xeyrinə müəyyən hərəkətlər etməli, məsələn pul ödəməli, əmlak verməli, iş görməli, xidmət göstərməli, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 386.1-ci maddəsinə əsasən öhdəliyin zərər vurulması, əsassız varlanma və ya bu Məcəllədə nəzərdə tutulmuş digar əsaslar əmələ gəlməsi halları istisna olmaqla, öhdəlyin əmələ gəlməsi üçün onun iştirakçıları arasında müqavilə olmalıdır. Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Azərbaycan Respublikası Mülki Məcəllənin 600.1.-ci maddəsinə əsasən alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427ci maddəsinə uyğun müəyyənləşdirilmiş müddətdə həyata keçirməlidir. İş materillarında olan və tədqiq edilmiş mötəbər, təkzibolunmaz sübutlarla təsdiq olunur ki, Cavabdeh “Xan Çinar” ticarət mərkəzində elektrik avadanlıqları satışı mağazasına müraciət edərək kredit şərti ilə ona qiyməti 850 manat olan 1 ədəd “Samsung UE 43 00 AUXRU” markalı televizor verilməsini xahiş etmişdir. Həmin tarixdə ilkin ödəniş 50 manat ödəməklə, qalan 800 manat məbləğinə M132411 saylı, 30 sentyabr 2022-ci il tarixli, alqısatqı müqaviləsi üzrə illik 20% olmaqla, 12 ay müddətinə 960 manat dəyərində, 1009.80 manat kredit məbləği ilə ona bir ədəd “Samsung UE 43 00 AUXRU” markalı televizor verilmişdir. Cavabdehə kredit müqaviləsi üzrə aylıq 80 manat kredit öhdəliklərini yerinə yetirilməsi vəzifəsi izah edilmişdir. Cavabdeh 30 sentyabr 2022-ci il tarixli, M132411 saylı kredit müqaviləsi üzrə götürülmüş olduğu öhdəlikləri icra etmədiyindən 30 dekabr 2022-ci il tarixdən 02 aprel 2023-cü il tarixədək hər ay üçün 13.33 manat olmaqla 66.65 manat faiz borcu yaranmışdır. Azərbaycan Respublikası Mülki Prosessual Məcəlləsinin 4.1.-ci maddəsinə əsasən bütün fiziki və hüquqi şəxslər özlərinin qanunla qorunan hüquq və azadlıqlarını, eləcə də maraqlarını qorumaq və təmin etmək məqsədi ilə qanunla müəyyən edilmiş qaydada məhkəmə müdafiəsindən istifadə etmək hüququna malikdir. Azərbaycan Respublikası Mülki Prosessual Məcəlləsinin 14.2.-ci maddəsinin tələbinə görə, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikası Mülki Prosessual Məcəlləsinin 119-cu maddəsinə əsasən məhkəmə xərcləri ödənilmiş tələblərin münasib olaraq işdə iştirak edən şəxslərə aid edilir. Azərbaycan Respublikası Mülki Prosessual Məcəlləsinin 217.4-cü maddəsinin tələbinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Azərbaycan Respublikası Mülki Prosessual Məcəlləsinin 284-1.-ci maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.3.-cü maddəsinə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1.-ci maddəsinə əsasən işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Göstərilənlərə əsasən və Azərbaycan Respublikası Mülki Prosessual Məcəlləsinin 216-220, 222, 233, 284.1-285-6-cı maddələrini rəhbər tutaraq, məhkəmə qət etdi: İddia təmin edilsin. Cavabdeh 800 manat əsas borc, 106.64 manat faiz borcu və dövlət rüsumuna ödənilmiş 30 manat, cəmi 936,64 manat pul alınaraq İddiaçı ödənilsin. Qətnamə rəsmi qaydada verildiyi gündən tərəflər bir ay müddətinə Masallı Rayon Məhkəməsi vasitəsilə Şirvan Apelyasiya Məhkəməsinə apelyasiya şikayəti verə bilərlər. Hakim: Habil Bəhmənov