Masallı Rayon Məhkəməsi Qərardad — İş №2(050)-2729/2023

Azərbaycan Respublikası adından QƏRARDAD Masallı rayonu İş № 2(050)-2729/2023 25.07.2023 MASALLI RAYON MƏHKƏMƏSİ Masallı Rayon Məhkəməsinin hakimi Quliyev Ceyhun Əmir oğlu, İddiaçı cavabdeh X2 qarşı pul tələbi barədə iddia ərizəsini və ona əlavə olunmuş sənədləri nəzərdən keçirərək, müəyyən etdim: İddiaçı X2 qarşı pul tələbi barədə iddia ərizəsi ilə məhkəməyə müraciət edərək, cavabdehdən 10255 ABŞ dollarının alınıb ona verilməsi barədə qətnamə çıxarılmasını xahiş etmişdir. Məhkəmə iddia ərizəsini və ona əlavə olunmuş sənədləri nəzərdən keçirərək hesab edir ki, iddianın yolverilməzliyinə görə iddia ərizəsini qəbul etməkdən imtina olunmalıdır. Belə ki, Azərbaycan Respublikasının Mülki Prossesual Məcəlləsinin 153.2.2-ci maddəsinə əsasən eyni tərəflər arasında, eyni predmet barəsində və eyni əsaslar üzrə mübahisəyə dair məhkəmənin qanuni qüvvəyə minmiş qətnaməsi və ya iddiaçının iddiadan imtina etməsi ilə əlaqədar iş üzrə icraata xitam edilməsi və ya tərəflərin barışıq sazişinin təsdiq edilməsi haqqında məhkəmənin qərardadı olarsa iddianın yolverilməzliyinə görə iddia ərizəsini qəbul etməkdən imtina olunmalıdır. İş materiallarında olan Masallı Rayon Məhkəməsinin 14 may 2010-cü il tarixli, 2(050)-150/2023 saylı qiyabi qətnaməsindən görünür ki, X1 12775 ABŞ dolları pul alınaraq İddiaçı verilməsi qət edilmişdir. Həmin qiyabi qətnamədən görünür ki, hazırda tələb edilən 10255 ABŞ dolları ilə bağlı mübahisəyə Masallı Rayon Məhkəməsinin 14 may 2010-cü il tarixli, 2(050)-150/2023 saylı qiyabi qətnaməsi ilə qiymət verilmişdir. Görünüdüyü kimi, eyni tərəflər arasında, eyni predmet barəsində və eyni əsaslar üzrə mübahisəyə dair məhkəmənin qanuni qüvvəyə minmiş qətnaməsi vardır. Həmin Məcəllənin 153.3-cü maddəsinə əsasən hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında və ya mülki məhkəmə icraatı qaydasında baxılmalı deyildirsə, iddiaçının hansı orqana və ya məhkəməyə müraciət etməli olmasını orada göstərir. İş materiallarında olan 16 avqust 2010-cu il tarixli “İcra edilməyən və qismən icra edilən icra sənədinin məhkəməyə və ya digər orqana qaytarılması haqqında” qərardan görünür ki, Masallı Rayon Məhkəməsinin 14 may 2010-cu il tarixli, 2(050)-150/2023 saylı icra sənədi Masallı Rayon Məhkəməsinə qaytarılmışdır. Məhkəmə iddiaçıya izah edir ki, icra sənədinin yenidən icraya yönəldilməsi ilə bağlı məhkəməyə müraciət edə bilər. Həmin Məcəllənin 153.4-cü maddəsinə əsasən ərizəni qəbul etməkdən imtina haqqında qərardad ərizəyə əlavə olunmuş bütün sənədlərlə birlikdə ərizəçiyə rəsmi qaydada verilməlidir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 153, 263, 264, 267 və 268-ci maddələrini rəhbər tutaraq, məhkəmə qərara aldı: İddiaçı cavabdeh X2 qarşı pul tələbi barədə iddia ərizəsinin qəbul olunmasından imtina edilsin, ərizə və ona əlavə edilmiş sənədlər iddiaçıya qaytarılsın. Məhkəmə iddiaçıya izah edir ki, icra sənədinin yenidən icraya yönəldilməsi ilə bağlı Masallı Rayon Məhkəməsinə müraciət edə bilər. Qərardad rəsmi qaydada verildikdən sonra 10 (on) gün müddətində ondan Masallı Rayon Məhkəməsinə şikayət verilə bilər. Hakim Ceyhun Quliyev