Mingəçevir Şəhər Məhkəməsi Qərardad — İş №2(051)-1187/2022

Azərbaycan Respublikası adından QƏRARDAD Mingəçevir şəhəri İş № 2(051)-1187/2022 29.04.2022 MİNGƏÇEVİR ŞƏHƏR MƏHKƏMƏSİ Mingəçevir şəhər məhkəməsinin hakimi Hüseynov Ələkbər Məmmədtağı oğlu, məhkəmə iclas katibi X2 iştirakı ilə, İddiaçı cavabdeh X1 qarşı borcun ödənilməsi tələbinə dair iddia ərizəsinin icraata qəbul olunmasının mümkünlüyü məsələsinə baxaraq müəyyən e t d i m: İddiaçı cavabdeh X1 qarşı borcun ödənilməsi tələbinə dair qətnamə çıxarılmasını xahiş etmişlər. Ərizə və ona əlavə olunmuş sənədlərlə tanış olaraq hesab edirəm ki, aşağıdakılara əsasən iddia ərizəsi geri qaytarılmalıdır. Azərbaycan Respublikası Mülki Prosessual Məcəllənin 149.2.3-cü maddəsinə əsasən ərizədə iddiaçının tələbi, onun öz tələblərini əsaslandırdığı hallar göstərilməlidir. Azərbaycan Respublikası Mülki Prosessual Məcəllənin 89.3-cü maddəsinə əsasən məhkəməyə lazımı sübutların əsli və ya notariat qaydada təsdiqlənmiş sürətləri təqdim edilir. Lakin İddiaçı X1 qarşı borcun ödənilməsi tələbinə dair iddia ərizəsiylə məhkəməyə müraciət etmiş, mübahisənin məhkəməyə qədər (pretenziya qaydasında) nizama salınmasına dair tələblərə riayət etməmiş. Bundan əlavə iddia ərizəsinə əlavə olunmuş pretenziya məktubundan görünür ki, pretenziya məktubu qanunla müəyyən olunmuş qaydada tərtib edilməmiş, iddiaçının özü tərəfindən tərtib edilmiş, özü tərəfindən imzalanmış lakin cavabdehin qeyd olunan pretenziya məktubundan məlumatlı olmaması müəyyən edilmişdir. Belə olan halda iddia ərizəsinə icraata qəbul edilməsi məqsədə müvafiq deyildir. Mülki Prosessual Məcəllənin 151.1-ci maddəsinə görə iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Həmin Məcəllənin 152.1.1-ci maddəsinə görə iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə olunmuş sənədləri geri qaytarır. Həmin Məcəllənin 152.4-cü maddəsində göstərilmişdir ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası MPM-nin 152.1, 152.1.6, 152.2-152.4, 263, 264, 267 və 268-ci maddələrini rəhbər tutaraq qərara aldım: İddiaçı cavabdeh X1 qarşı borcun ödənilməsi tələbinə dair iddia ərizəsi və ona əlavə olunmuş sənədlər geri qaytarılsın. Qərardaddan surəti rəsmi qaydada verildikdən sonra 10 (on) gün müddətində (Elektron Məhkəmə İnformasiya Sistemində yaradılan elektron kabinetdən istifadə edilməklə) Mingəçevir şəhər məhkəməsinə şikayət verilə bilər. HAKİM: Ələkbər Hüseynov