Mingəçevir Şəhər Məhkəməsi Qərardad — İş №2(051)-1249/2020

Azərbaycan Respublikası adından QƏRARDAD Mingəçevir şəhəri İş № 2(051)-1249/2020 01.07.2020 MİNGƏÇEVİR ŞƏHƏR MƏHKƏMƏSİ Hakim Kərimova Məhburə Kərim qızının sədrliyi, x1 katibliyiilə x2 Kredit Təşkilatı “xxxxxxxx” MMC-nin cavabdehlər Cavabdeh1 və Cavabdeh2 qarşı kiçik iddialara dair işlər üzrə sadələşdirilmiş icraat qaydasında verilmiş kredit borcun ödənilməsi tələbinə dair iddia ərizəsinə və ona əlavə edilmiş sənədlərə baxaraq Müəyyən etdi: x2 Kredit Təşkilatı “xxxxxxxx” MMC cavabdehlər Cavabdeh1 və Cavabdeh2 qarşı kiçik iddialara dair işlər üzrə sadələşdirilmiş icraat qaydasında kredit borcun ödənilməsi tələbinə dair iddia ərizəsi ilə məhkəməyə müraciət etmişdir. x2 Kredit Təşkilatı “xxxxxxxx” MMC-nin iddia ərizəsində Cavabdeh1 02 noyabr 2016-cı il tarixli kredit müqaviləsinə əsasən 2745 manat verildiyi göstərilsə də, iddia ərizəsinə cavabdehə qeyd edilən məbləğdə kredit verilməsini təsdiq edən sənəd (kassa məxaric orderi, və sair) əlavə olunmamışdır. Azərbaycan Respublikası Mülki Prosessual Məcəllənin 284-4.1 və 284-4.1.3-cü maddələrinə əsasən verilmiş tələbi təsdiq edən sənədlər təqdim olunmamışdırsa məhkəmə kiçik iddialara dair işlərə sadələşdirilmiş qaydada baxılması ilə əlaqədər ərizənin qəbul olunmasından imtina edir. Göstərilənlərə əsasən iddia ərizəsinin qəbul edilməsindən imtina olunmalıdır. Mülki Prosessual Məcəlləsinin 284-4.2-ci maddəsinə görə ərizəni qəbul etməkdən imtina barədə qərardaddan şikayət verilə bilməz. Azərbaycan Respublikası Mülki Prosessual Məcəlləsinin 263-ci və 264-ci maddələrinə rəhbər tutub, məhkəmə Qərara aldı: x2 Kredit Təşkilatı “xxxxxxxx” MMC-nin cavabdehlər Cavabdeh1 və Cavabdeh2 qarşı kiçik iddialara dair sadələşdirilmiş icraat qaydasında kredit borcun ödənilməsi tələbinə dair ərizənin qəbul olunmasından imtina olunsun. Qərardaddan şikayət verilə bilməz. Sədrlik edən : Məhburə Kərimova