Mingəçevir Şəhər Məhkəməsi Qətnamə — İş №2(051)-1328/2020

Azərbaycan Respublikası adından QƏTNAMƏ Mingəçevir şəhəri İş № 2(051)-1328/2020 08.09.2020 MİNGƏÇEVİR ŞƏHƏR MƏHKƏMƏSİ Hakim Kərimova Məhburə Kərim qızının sədrliyi, Hacıyev Fəzail Hacı oğlunun katibliyi İddiaçı və Cavabdeh iştirakı ilə, İddiaçı Cavabdehqarşı alimentin miqdarının artırılması tələbinə dair işə Mingəçevir Şəhər Məhkəməsinin binasında açıq məhkəmə iclasında baxaraq Müəyyən etdi : İddiaçı Cavabdeh qarşı alimentin miqdarının artırılması tələbinə dair iddia ərizəsi ilə məhkəməyə müraciət etmişdir. Məhkəmə iclasında İddiaçı iddianı müdafiə edərək izahatında bildirdi ki, Cavabdeh ilə faktiki nikah münasibətinə girməklə ailə qurmuş, nikahlarını 2009-cu il tarixdə rəsmiləşdirmişlər. Birgə nikahlarından xx xxxxxx 2009-cu il təvəllüdlü Ruslan adlı bir nəfər uşağı doğulmuşdur. Cavabdehlə xasiyyətlərinin uyğun gəlməməsi səbəbindən aralarında olan nikah 2010-cu ildə məhkəmə qaydasında pozulmuşdur. Cavabdeh uşağın saxlanmasında ona köməklik göstərmədiyinə görə alimentlə bağlı məhkəməyə müraciət etmiş və Mingəçevir şəhər məhkəməsinin xx xxxxx 2019-cu il tarixli 2(051)-867/2019 saylı qətnaməsinə əsasən cavabdehdən Ruslan adlı uşağın yetkinlik yaşına çatana kimi saxlanması üçün hər ay 120 manat alimentin tutulması müəyyən edilmişdir. Artıq uşağı böyüyür, tələbatları daha da artır. Müəyyən edilmiş aliment hazırda uşağın saxlanması üçün yetərli deyil, həmin məbləğlə uşağı saxlamaqda çətinlik çəkir. Müəyyən edilmiş alimentdən başqa cavabdeh uşağa hər hansı bir maddi kömək göstərmir. Ona görə də müəyyən edilmiş alimentin miqdarının artırılmasını, xx xxxxxx 2009-cu il təvəllüdlü X3 yetkinlik yaşına çatana kimi saxlanması üçün hər ay 170 (bir yüz yetmış) manat məbləğdə alimentin Cavabdeh alınıb ona verilməsini xahiş edir. Cavabdeh iddianı qəbul etməyərək məhkəmə iclasında izahatında bildirdi ki, o, uşağına baxmaqdan imtina etmir, lakin tələb olunan qədər aliment ödəməyə maddi imkanı yoxdur. “xxxxxxxxxxxxxxxxxxxxxxxxxxxxxxxx” ASC-də qaynaqçı peşəsində işləyir. Əmək haqqı 250 manatdır. Hər ay maaşından vaxtlı-vaxtıda 120 manat aliment tutulub iddiaçıya verilir. İkinci dəfə ailə həyatı qurmuş və həmin nikahdan iki uşağı var. Nicat adlı uşağı “Daun sindromu konyuktivit” diaqnozu ilə xəstədir. Həmin uşağın da müalicəsi ilə bağlı xeyli xərc tələb olunur.Tələb olunan qədər aliment ödəməyə maddi imkanı yoxdur. Məhkəmə tərəfləri dinləyib, iş materialını araşdırıb hesab edir ki, iddia qismən təmin olunmalıdır. İşə əlavə edilmiş doğum haqqında şəhadətnamənin surətindən görünür ki, xx xxxxxx 2009cu il təvəllüdlü X3 valideynləri Cavabdeh və X1r. İşə əlavə edilmiş nikahın pozulması haqqında şəhadətnamənin surətindən görünür ki, tərəflərin nikahı xx xxx 2011-ci ildə ləğv edilmişdir. İşə əlavə edilmiş Mingəçevir şəhər Məhkəməsinin 2(051)-867/2019 saylı xx xxxxx 2019cu il tarixli qətnaməsindən görünür ki, Cavabdeh xx xxxxxx 2009-cu il təvəllüdlü X3 yetkinlik yaşına çatana kimi saxlanması üçün hər ay 120 manat aliment tutulub, İddiaçı verilməsi qət edilmişdir. İşdə olan “xxxxxxxxxxxxxxxxxxxxxxxxxxxxxxxx” ASC tərəfindən verilmiş xx xxxxxx 2020-ci il tarixli 01/56 saylı arayışdan görünür ki, Cavabdeh “xxxxxxxxxxxxxxxxxxxxxxxxxxxxxxxx” ASC-də qaynaqçı peşəsində işləyir və aylıq əmək haqı 250 manat təşkil edir. Cavabdehin təqdim etdiyi nikahın bağlanması və doğum haqqında şəhadətnamələrin surətlərindən görünür ki, Cavabdeh ilə X7 arasında nikah xx xxxxxxxx 2012-ci il tarixdə qeydə alınmışdır. xx xxxxxxx 2013-cü il təvəllüdlü X5 və xx xxxxxx 2015-ci il təvəllüdlü X2 valideynləri Cavabdeh və X4r. Azərbaycan Respublikası Konstitusiyasının 34-cü maddəsinin İV bəndinə əsasən uşaqlara qayğı göstərmək, onları tərbiyə etmək valideyinlərin həm hüququ, həm də borcudur. “Uşaq hüquqları haqqında” Qanunun 19-cu maddəsinə görə uşağın maddi və mənəvi tələbatlarının təmin edilməsi, hüquq və mənafelərinin mühafizəsi valideyinlərin əsas vəzifəsidir. Həmin Qanunun 13-cü maddəsinə əsasən uşağın Azərbaycan Respublikasının qanunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır. Ailə Məcəlləsinin 75.1-ci maddəsinə əsasən valideynlər uşaqlarını saxlamağa borcludurlar. Həmin Məcəllənin 75.4-cü maddəsinə əsasən valideynlər uşaqlarını saxlamadıqda uşaqların saxlanması üçün vəsait (aliment) valideynlərdən məhkəmə qaydasında tutulur. Ailə Məcəlləsinin 78.1-ci madəsinə əsasən aliment verməyə borclu olan valideynin qazancı (gəliri) qeyri-müntəzəm, dəyişən olarsa, ya qazancın (gəlirin) hamısını və ya bir hissəsini valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və tərəflərdən birinin marağının əhəmiyyətli dərəcədə pozulduğu başqa hallarda, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində müəyyən edilə bilər. Ailə Məcəlləsinin 78.2-ci maddəsində göstərilir ki, sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. Həmin Məcəllənin 112.1-ci maddəsinə əsasən alimetin ödənilməsi barədə saziş olmadıqda, məhkəmə tərəfindən alimentin miqdarı müəyyən olunduqdan sonra tərəflərdən birinin ailə və ya maddi vəziyyətində dəyişiklik olmuşsa, məhkəmə tərəflərdən istənilən birinin tələbi ilə alimentin müəyyən olunmuş miqdarını dəyişə bilər. Məhkəmə tədqiqi zamanı müəyyən edildi ki, tərəflər ayrılmışlar, onların birgə nikahlarından doğulmuş Ruslan adlı uşaq iddiaçının yanında qalır. Məhkəmənin xx xxxxx 2019-cu il tarixli qərarı ilə Cavabdeh xx xxxxxx 2009-cu il təvəllüdlü X3 yetkinlik yaşına çatana kimi saxlanması üçün hər ay 120 manat aliment tutulub, İddiaçı verilməsi qət edilmişdir. Məhkəmə qətnaməsi ilə aliment müəyyən edildikdən sonra tərəflərin maddi və ya ailə vəziyyətində hər hansı bir dəyişiklik olması müəyyən edilmədi. Ancaq müəyyən edilmiş aliment hazırda uşağın təminatının səviyyəsinin maksimal saxlanması üçün kifayət deyildir. Eləcə də tələb olunan miqdarda alimentin ödənilməsi üçün cavabdehin kifayət qədər qazancı olması da məhkəmə iclasında sübut olunmadı. Cavabdehin ikinci nikahdan iki nəfər uşaqları olmasını, dimi iş yerindən aldığı əmək haqqının məbləğini nəzərə alaraq məhkəmə hesab edir ki, iddia qismən təmin olunmalı, alimentin miqdarı nisbətən artırılmalı, cavabdehdən Ruslan adlı uşağın saxlanması üçün hər ay 130 (bir yüz otuz) manat miqdarında aliment tutulub iddiaçıya verilməlidir. Aliment qətnamə qanuni qüvvəyə mindiyi vaxtdan tutulmalıdır. Azərbaycan Respublikasının Mülki Prosessual Məcəlləsinin 112.1.3 və 119.2-ci maddələrinə əsasən cavabdehdən 20 manat məbləğində dövlət rüsumu alınıb dövlət büdcəsinə keçirilməlidir. Göstərilənlərə əsasən və Azərbaycan Respublikası MPM-nın 216-220, 360-cı maddələrini rəhbər tutub, məhkəmə Qətetdi: İddia qismən təmin edilsin. xx xxxxxx 2009-cu il təvəllüdlü X3 yetkinlik yaşına çatana kimi saxlanması üçün 130 (bir yüz otuz) manat sabit pul miqdarında aliment hər ay Cavabdeh tutulub, İddiaçı verilsin. Aliment qətnamə qanuni qüvvəyə mindiyi vaxtdan tutulsun. Cavabdeh 20 (iyirmi) manat məbləğində dövlət rüsumu tutulub, dövlət büdcəsinə keçirilsin. Qətnamədən rəsmi qaydada verildiyi gündən 1 ay müddətində Mingəçevir şəhər məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. Sədrlik edən : Məhburə Kərimova