Mingəçevir Şəhər Məhkəməsi Qətnamə — İş №2(051)-1666/2023

Azərbaycan Respublikası adından QƏTNAMƏ Mingəçevir şəhəri İş № 2(051)-1666/2023 22.08.2023 MİNGƏÇEVİR ŞƏHƏR MƏHKƏMƏSİ Hakim Paşayev Nemət Şirkət oğlunun sədrliyi Abbasova Gülşən Elxan qızının katibliyi İddiaçı nümayəndəsi (vəkili) Nümayəndə Yunan qızının Cavabdeh iştirakı ilə İddiaçı Cavabdeh qarşı alimentin məbləğinin artırılması tələbinə dair iddiası üzrə mülki işə açıq məhkəmə iclasında baxaraq MÜƏYYƏNETDİ: İddiaçı Cavabdeh qarşı alimentin miqdarının artırılması tələbinə dair iddia ərizəsi ilə məhkəməyə müraciət edərək, xx.xx.2008-ci il tarixdə doğulmuş X1 və xx.xx.2010-cu il tarixdə doğulmuş X2 yetkinlik yaşına çatanadək saxlanması üçün əvvəllər Mingəçevir Şəhər Məhkəməsinin qətnaməsi ilə təyin edilmiş alimentin miqdarının artırılaraq hər uşaq üçün hər ay 220 manat, ümumilikdə 440 manat sabit pul məbləğində alimentin tutulması və ödədiyi 50 manat məbləğində mediasiya xərcinin yarısı olan 25 manat məbləğində pulun cavabdehdən alınaraq ona verilməsi haqda qətnamə çıxarılmasını məhkəmədən xahiş etmişdir. İddiaçının nümayəndəsi məhkəmə iclası zamanı iddia tələbini müdafiə etdi, əsasən iddia ərizəsinin məzmununa uyğun izahat verdi və əlavə olaraq göstərdi ki, təmsil etdiyi şəxs Cavabdeh ilə 2007-ci il tarixdə rəsmi nikaha daxil olaraq evləmiş, onların birgə nikahlarından xx.xx.2008-ci il tarixdə X3, xx.xx.2010-cu il tarixdə X5 adlı uşaqları doğulmuşdur. Cavabdehlə aralarındakı nikah 2011-ci il tarixli məhkəmə qətnaməsi ilə pozulmuşdur. Mingəçevir Şəhər Məhkəməsinin xx.xx.2020-ci il tarixli 2(051)-986/2020 saylı qətnaməsinə əsasən xx.xx.2008-ci il tarixdə doğulmuş Bəxtiyar və xx.xx.2010-cu il doğulmuş Nübar adlı uşaqların yetkinlik yaşına çatana kimi saxlanması üçün cavabdehdən hər ay hər uşaq üçün 130 manat, cəmi 260 manat sabit pul məbləğində alimentin tutulub iddiaçıya verilməsi qət edilmişdir. Təmsil etdiyi şəxs alimentin artırılması ilə bağlı mediasiyaya müraciət etmiş, lakin heç bir razılaşmaya gələ bilməmişlər. Cavabdeh Azərbaycan Respublikasının Milli Ordusunda Müddətdən Artıq Xidmət Edən Hərbi Qulluqçu (MAXE) kimi çalışır. Odur ki, məhkəmədən iddianın təmin edilməsi haqqında qətnamə çıxarılmasını xahiş edir. Cavabdeh məhkəmə iclası zamanı ona qarşı irəli sürülmüş iddianı qəbul etmədi və əlavə olaraq göstərdi ki, o, iddiaçı ilə 2007-ci il tarixdə rəsmi nikah qeyd etdirməklə ailə qurmuş, birgə nikahdan xx.xx.2008-ci il tarixdə Bəxtiyar, xx.xx.2010-cu il tarixdə Nübar adlı uşaqları doğulmuşdur. İddiaçı ilə aralarındakı nikah 2011-ci il tarixli məhkəmə qətnaməsi ilə pozulmuşdur. Sonuncu dəfə Mingəçevir Şəhər Məhkəməsinin xx.xx.2020ci il tarixli 2(051)-986/2020 saylı qətnaməsi ilə alimentin məbləği artıtılaraq, xx.xx.2008-ci il tarixdə doğulmuş Bəxtiyar və xx.xx.2010-cu il tarixdə doğulmuş Nübar adlı uşaqların yetkinlik yaşına çatana kimi saxlanması üçün ondan hər ay hər uşaq üçün 130 manat, cəmi 260 manat sabit pul miqdarında alimentin tutulub iddiaçıya verilməsi qət edilmişdir. İddiaçının tələb etdiyi miqdarda alimenti ödəməyə maddi imkanı yoxdur. Belə ki, onun iddiaçı ilə birgə nikahdan doğulmuş uşaqlarından başqa iki uşağı da vardır. Azərbaycan Respublikasının Silahlı Qüvvələrində gedən təlimlərdə iştirak edən zaman yüksəklikdən yıxılaraq ayağından yaralanmışdır. Hazırda müalicəsinin davam etməsinə baxmayaraq, əməliyyat olunmalıdır. Bundan sonra isə yeriyib-yeriməyəcəyi belə müəyyən deyil. Eləcə də onun əməkhaqqında həmin vaxtdan, yəni xx.xx.2020-ci il tarixdən bu vaxta qədər heç bir artım olmamışdır. Hesab edir ki, alimentin miqdarının artılması üçün əsas yoxdur. Odur ki, məhkəmədən izahatında göstərdiklərini nəzərə alaraq iddianın rədd edilməsi haqqında qətnamə çıxarılmasını xahiş edir. Məhkəmə tərəflərin izahatlarını, işdə olan sənədləri və digər iş materiallarını tam və hərtərəfli araşdıraraq hesab edir ki, iddia qismən əsaslı olduğundan qismən təmin edilməlidir. Belə ki, işdə olan Mingəçevir Şəhər Məhkəməsinin xx.xx.2020-ci il tarixli 2(051)- 986/2020 saylı qətnaməsindən görünür ki, xx.xx.2008-ci il təvəllüdlü X3 və xx.xx.2010-cu il təvəllüdlü X5 adlı uşaqların yetkinlik yaşına çatana kimi saxlanması üçün cavabdehdən hər ay hər uşaq üçün 130 manat, cəmi 260 manat sabit pul məbləğində alimentin tutulub iddiaçıya verilməsi qət edilmişdir. İşə əlavə edilmiş doğum haqqında şəhadətnamələrdən görünür ki, İddiaçı ilə Cavabdeh birgə nikahlarından xx.xx.2008-ci il tarixdə Bəxtiyar və xx.xx.2010-cu il tarixdə Nübar adlı uşaqları doğulmuşdur. İşə əlavə edilmiş xx.xx.2011-ci il tarixli, 82 nömrə ilə qeydə alınmış nikahın pozulması haqqında şəhadətnamədən görünür ki, İddiaçı ilə Cavabdeh arasında bağlanmış nikah pozulmuşdur. İşdə olan ilkin mediasiya sessiyasından (İMS) sonra prosesin davam etdirilə bilməməsi barədə xx.xx.2023-cü il tarixli arayışdan görünür ki, Cavabdeh aliment ödənişinin artırılması tələbinə dair mediasiya prosesini davam etdirməyə razılıq verməmişdir. İşdə olan xx.xx.2021-ci il tarixdə verilmiş AD № ******* saylı şəxsi vəsiqənin surətindən görünür ki, Bayramov X4 artıq həqiqi hərbi xidmət hərbi qulluqçusu kimi Azərbaycan Respublikası Silahlı Qüvvələrində həqiqi hərbi xidmətdədir. İşə əlavə edilmiş Azərbaycan Respublikası Səhiyyə Nazirliyi “Azərbaycan Elmi- Tədqiqat və Travmatologiya və Ortopediya İnstitutu” publik hüquqi şəxs tərəfindən verilmiş xx.xx.2023-cü il tarixli arayışın və ambulator xəstənin tibbi kartasından çıxarışın surətlərindən görünür ki, Cavabdeh travmatologiya şöbəsində ixtisaslı həkim müayinəsindən keçmiş, məsləhət olaraq yaşayış yeri poliklinikasında nəzarət, müalicə qeyd olunmuşdur. Beləliklə, məhkəmə iclası zamanı müəyyən edildi ki, tərəflər rəsmi nikah qeyd etdirməklə evlənmiş, onların birgə nikahlarından xx.xx.2008-ci il tarixdə Bəxtiyar və xx.xx.2010-cu il tarixdə Nübar adlı uşaqları doğulmuşdur. Aralarındakı nikah 2011-ci il tarixli məhkəmə qətnaməsinə əsasən pozulmuşdur. Mingəçevir Şəhər Məhkəməsinin xx.xx.2020-ci il tarixli 2(051)-986/2020 saylı qətnaməsinə əsasən xx.xx.2008-ci il tarixdə doğulmuş Bəxtiyar və xx.xx.2010-cu il tarixdə doğulmuş Nübar adlı uşaqların yetkinlik yaşına çatana kimi saxlanması üçün ondan hər ay hər uşaq üçün 130 manat, cəmi 260 manat sabit pul miqdarında alimentin tutulub iddiaçıya verilməsi qət edilmişdir. İddiaçı alimentin məbləğinin artırılmasını tələb emiş, lakin cavabdeh mediasiya prosesini davam etdirməyə razılıq verməmişdir. Hazırda iddiaçı müəyyən edilmiş alimentin məbləğinin məhkəmə tərəfindən artırılmasını xahiş edir. Cavabdeh isə Azərbaycan Respublikasının Silahlı Qüvvələrində gedən təlimlərdə iştirak edən zaman yüksəklikdən yıxılaraq ayağından yaralandığına hazırda müalicəsinin davam etdiyinə və bundan sonra isə yeriyib-yeriməyəcəyinin belə müəyyən olmamasına, həmçinin keçən müddət ərzində maddi vəziyyətində müsbət dəyişiklik olmamasına istinad edərək iddianı qəbul etməmişdir. Azərbaycan Respublikasının Ailə Məcəlləsinin 112.1-ci maddəsinə əsasən aliment ödənilməsi barədə saziş olmadıqda məhkəmə tərəfindən alimentin miqdarı müəyyən olunduqdan sonra tərəflərdən birinin ailə və ya maddi vəziyyətində dəyişiklik olmuşsa, məhkəmə tərəflərdən istənilən birinin tələbi ilə alimentin müəyyən olunmuş miqdarını dəyişə bilər və ya aliment ödəməli olan şəxsi tərəflərin diqqətəlayiq başqa maraqlarını da nəzərə almaqla aliment ödəməkdən azad edə bilər. Göründüyü kimi Ailə Məcəlləsinin 112.1–ci maddəsi alimentin miqdarının artırılmasını (azaldılmasını) tərəflərin maddi və ya ailə vəziyyətində dəyişikliyin baş verməsi ilə bağlamışdır. Belə ki, tərəflərdən birinin, istər iddiaçının, istərsə də cavabdehin maddi və ya ailə vəziyyətində dəyişikliyin baş verməsi, alimentin miqdarının dəyişdirilməsi üçün əsasdır. Məhkəmə iddia tələbinin hüquqi əsasını təşkil edən Ailə Məcəlləsinin 112.1–ci maddəsinin dispozisiya şərtlərinə əsasən hesab edir ki, cavabdehin maddi vəziyyətində müsbət dəyişikliyin olması iddiaçı tərəfindən məhkəmə iclasında sübuta yetirlməsə də, lakin alimentin artılımasından, keçən 3 il müddət ərzində uşaqlar böyümüş və onların tələbatları da artmış, həmçinin ölkə üzrə uşaqlar üçün yaşayış minumumunun məbləği də artılımışdır. Nəticədə, uşaqların maddi tələbatlarının ödənilməsinə münasibətdə iddiaçı tərəfin maddi ehtiyacı da artmışdır. Bu da o nəticəyə gəlməyə əsas verir ki, iddiaçı tərəfin maddi vəziyyətində dəyişiklik baş verdiyindən, alimentin artılması üçün hüquqi əsas yaranmışdır. İş materiallarının əlaqəli təhlili və işin müəyyən olunmuş halları məhkəməyə belə nəticəyə gəlməyə əsas verir ki, ödənilən alimentin miqdarının artırılaraq yaşayış minumumu həddi daxilində müəyyən edilməsi tərəflərin real vəziyyətinə uyğun gəlir. Belə ki, azyaşlı uşaqlar iddiaçının yanında yaşayır və onların bütün xərcləri mütəmadi şəkildə artmaqda davam etməklə yanaşı, iddiaçı tərəfindən ödənilir. Nəzərə alsaq ki, 2023–cü il üçün yaşayış minimumunun məbləği uşaqlar üçün 220 manat məbləğində müəyyən edilmiş, onda ödənilən hər iki uşaq üçün ümumilikdə 260 manat aliment məbləği uşaqların əvvəlki təminatının səviyyəsinə uyğun deyildir. Bu da onu deməyə əsas verir ki, aliment məbləğinin artırılması ilə bağlı iddia tələbi Ailə Məcəlləsinin 112.1–ci maddəsində göstərilən əsasları ehtiva edir. Məhkəmə öz qənaətini onunla əsaslandırır ki, hər iki tərəfin maddi və ailə vəziyyəti, uşaqların üstün mənafeyi və iddiaçının himayəsində yaşamaları, habelə digər hallar nəzərə alındıqda, aydın şəkildə görünür ki, hazırda uşaqlar üçün ödənilən alimentin miqdarı, onlar üçün müəyyən olunmuş yaşayış minimumu ilə müqayisədə azdır. Bundan başqa, ötən müddətdə uşaqlar böyüməklə onların maddi tələbatı da artmışdır. Uşaqların yaşayış minimumunun artması alimentin məbləğinin artırılması üçün qanuni əsas sayıla bilər. Ona görə də məhkəmə belə nəticəyə gəlir ki, uşaqlara təyin olunmuş alimentin məbləğinin artırılması üçün Azərbaycan Respublikasının Ailə Məcəlləsinin 112.1–ci maddəsində nəzərdə tutulmuş əsaslar vardır. Alimentin məbləği artırılarkən həm də nəzərə alınmalıdır ki, uşaqları saxlamaq hər iki valideynin vəzifəsidir və onların maddi tələbatları valideynlərin hər biri tərəfindən ödənilməlidir. Valideyn heç bir halda (hətta başqası ilə evləndikdə belə) uşaqların normal maddi təminatını ödəmək vəzifəsindən azad edilmir və qanuna görə uşaqların zəruri dolanışıq səviyyəsini təmin etməyə borcludur. Qeyd olunmalıdır ki, tərəflərin maddi və ailə vəziyyəti, habelə diqqətəlayiq olan digər hallar, uşaqların minimal dolanışıq səviyyəsindən də aşağı aliment müəyyən olunmasına əsas vermir. Çünki tərəflərin maddi vəziyyəti və diqqətəlayiq olan digər hallarla müqayisədə uşaqların mənafelərinə üstünlük verilməli, uşaqların maraqlarının daha yaxşı təmin olunması əsas götürülməlidir. Bu baxımdan hər ay cavabdehdən hər iki uşaq üçün ümumilikdə 260 manat alimentin alınmasının müəyyən edilməsi, hazırda uşaqlar üçün müəyyən olunmuş yaşayış minimumu ilə müqayisədə azdır və uşaqların maddi tələbatlarını tam təmin etmir. Bundan başqa məhkəmə hesab edir ki, hazırda uşaqlar üçün müəyyən edilmiş yaşayış səviyyəsi minimumunu nəzərə almaqla, uşaqların maraqlarını rəhbər tutaraq, onun təminatının səviyyəsinin mümkün qədər maksimal saxlanması üçün alimentin miqdarının artırılaraq hər ay hər uşaq üçün 145 manat, ümumilikdə 290 manat sabit pul məbləğində müəyyən edilməsi uşaqların mənafeyinə uyğundur, həmçinin yuxarıda qeyd olunduğu kimi uşaqları saxlamaq hər iki valideynin borcudur. “Yaşayış minimumu haqqında” Azərbaycan Respublikasının Qanununa əsasən 2023–cü il üçün yaşayış minimumun məbləği uşaqlar üçün 220 manat məbləğində müəyyən edilmişdir. Azərbaycan Respublikası Ailə Məcəlləsinin 78.2–ci maddəsinə görə alimentin sabit pul məbləğində tutulmasının miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. “Uşaq Hüquqları Haqqında” Azərbaycan Respublikası Qanununun 8–ci maddəsinə əsasən hər uşağın yaşamaq, normal şəraitdə fiziki, əqli və mənəvi cəhətdən inkişaf etmə hüququ vardır. Dövlət bu şəraiti təmin edən iqtisadi, sosial hüquq və digər tədbirlər görməyi, sağlam və təhlükəsiz mühit yaratmağı öz öhdəsinə götürür. Həmin Qanunun 13–cü maddəsinə əsasən uşağın Azərbaycan Respublikasının qaqnunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır. Həmin Qanununun 19–cu maddəsində göstərilir ki, uşağın qabiliyyətinin inkişaf etdirilməsi, onun maddi və mənəvi tələbatlarının təmin edilməsi, hüquq və mənafelərinin mühafizəsi valideynlərin əsas vəzifələridir. 12 noyabr 1989–cu ildə qəbul olunmuş “Uşaq Hüquqları Haqqında” Birləşmiş Millətlər Təşkilatının Konvensiyasının 3–cü maddəsinə əsasən sosial təminat məsələləri ilə məşğul olan dövlət idarələri və ya özəl idarələr, məhkəmələr, inzibati orqanlar, yaxud qanunvericilik orqanları həyata keçirilib–keçirilməməsindən asılı olmayaraq uşaq barəsində görülən bütün tədbirlərdə uşağın maraqlarının daha yaxşı təmin edilməsinə ilk növbədə diqqət yetirməlidir. Odur ki, məhkəmə hər iki tərəfin maddi və ailə vəziyyətini, azyaşlı uşaqların mənafeyini və iddiaçının himayəsində yaşamalarını, habelə digər halları nəzərə alaraq hesab edir ki, cavabdehdən hər ay hər uşaq üçün 145 manat, ümumilikdə 290 manat sabit pul məbləğində alimentin alınması azyaşlı uşaqların qanuni mənafelərinə uyğun gəlir, habelə cavabdehi əlverişsiz vəziyyətə salmır. Azərbaycan Respublikası Mülki Prosessual Məcəlləsinin (bundan sonra MPM) 106.1–ci maddəsinə görə işdə iştirak edən şəxslər üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yoxlanılmalı və qiymətləndirilməlidir. Məhkəmə, həmçinin hesab edir ki, cavabdehin daha yüksək maddi vəziyyətə malik olmasını, hər ay kifayət qədər qazanc əldə etməsini iddiaçı sübuta yetirə və bu barədə mötəbər sübutu məhkəməyə təqdim edə bilmədiyindən, iddia tələbi qalan hissədə təmin edilməməlidir. Belə ki, Azərbaycan Respublikası MPM–in 77.1–ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 233.4–cü maddəsinə əsasən cavabdehdən vaxtaşırı ödəmələrin alınmasını qət edən qətnamə qanuni qüvvəyə mindikdən sonra, ödəmələrin miqdarını müəyyənləşdirən və ya onların davam etməsinə təsir edən hallar dəyişərsə, hər bir tərəf yeni iddia vermək yolu ilə ödəmələrin miqdarını və müddətlərini dəyişdirməyi tələb etməyə haqlıdır. Məhkəmə, həmçinin iddiaçının ödədiyi mediasiya məbləğinin (50 manat) yarısı olan 25 manatın cavabdehdən tutulub ona ödənilməsinə dair tələbinə münasibətdə qeyd edir ki, ilkin mediasiya sessiyasından (İMS) sonra prosesin davam etdirilə bilməməsi barədə xx.xx.2023-cü il tarixli arayışdan görünür ki, cavabdeh aliment ödənişinin artırılması tələbinə dair mediasiya prosesini davam etdirməyə razılıq verməmişdir. İddiaçı mediasiya sessiyasının keçirilməsi üçün 50 (əlli) manat məbləğində mediasiya xərci ödəmişdir. Ona görə də ilkin mediasiya xərcinin yarısı, yəni 25 manat məbləğində pul cavabdehdən tutulub iddiaçıya verilməlidir. Belə ki, Azərbaycan Respublikasının “Mediasiya haqqında” qanunun 36.5-ci maddəsinə əsasən “Mediasiya prosesinin tətbiqi barədə müqavilə”də və mediasiyaya dair qeyd-şərtdə başqa şərt nəzərdə tutulmayıbsa, həmçinin ilkin mediasiya sessiyasında tərəfin üzrsüz səbəbdən iştirak etməməsi halında digər tərəfin bütün mediasiya xərclərini ödədiyi hallar istisna olmaqla, mediasiyaya çəkilən xərclər tərəflər arasında bərabər şəkildə bölüşdürülür. Mediasiyaya dair qeyd-şərtə və ya “mediasiya prosesinin tətbiqi barədə müqavilə”nin şərtlərinə zidd olaraq mediasiyada, həmçinin ilkin mediasiya sessiyasında üzrsüz səbəbdən iştirak etməyən tərəf mediasiya ilə bağlı digər tərəfin çəkdiyi bütün mediasiya xərclərini ona ödəməlidir. Məhkəmə, həmçinin məhkəmə xərclərinə aid olan dövlət rüsumunun bölüşdürülməsi ilə bağlı qeyd edir ki, iddiaçı müəyyən olunmuş qaydada dövlət rüsumunu ödəməkdən azad edildiyi üçün dövlət rüsumu iddianın təmin edilmiş hissəsinə mütənasib olaraq cavabdehdən tutularaq dövlət gəlirlərinə alınmalıdır. Belə ki, Azərbaycan Respublikası MPM–in 112.1.3-cü maddəsinə əsasən dövlət rüsumunun məbləği aliment alınması haqqındakı iddialarda—bir il ərzində ödəmənin məcmusu ilə müəyyən edilir. İşin müəyyən edilmiş hallarından görünür ki, cavabdehdən bir il ərzində 2 uşağa görə tutulmalı olan alimentin məbləği hər ay 290 manat olmaqla, cəmi 3480 manat olduğundan, həmin məbləğdə tutulmalı olan dövlət rüsumunun miqdarı 54.8 (əlli dörd manat səksən qəpik) manat təşkil edir. Azərbaycan Respublikası MPM–in 119.2-ci maddəsinə əsasən iddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə mütənasib olaraq cavabdehdən tutularaq dövlət gəlirlərinə alınır. Dövlət rüsumu haqqında Azərbaycan Respublikası Qanununun 9.1-1-ci maddəsinə əsasən “Mediasiya haqqında” Azərbaycan Respublikasının Qanununa uyğun olaraq mediasiya prosesinin nəticəsinə dair barışıq sazişi bağlanmadıqda məhkəməyə müraciət edərkən mediasiya prosesi ilə bağlı xərclərin öz üzərinə düşən hissəsini ödəmiş tərəf və ya həmin Qanunun 36.2-ci maddəsinə uyğun olaraq mediasiya xərclərini ödəmiş tərəf dövlət rüsumunu ödəməkdən azad olunur. Bu Qanunda nəzərdə tutulmuş dövlət rüsumunun məbləği çəkilmiş xərclərdən artıq olduqda, tərəf çəkdiyi xərc həddində dövlət rüsumundan azad edilir. Belə olan halda məhkəmə hesab edir ki, Cavabdeh mediasiya prosesi ilə bağlı xərclərin 25 manat hissəsini iddiaçıya ödəməli olduğundan, ondan o, dövlət rüsumunu həmin hissədə ödəməkdən azad olunmalıdır. Ona görə də cavabdehdən 29.8 (iyirmi doqquz manat səksən qəpik) manat məbləğində dövlət rüsumu tutulub elektron hökumət portalına ödənilməlidir. Qeyd olunanlara əsasən və Azərbaycan Respublikasl MPM–in 216–220 və 360–cı maddələrini rəhbər tutaraq, məhkəmə QƏTETDİ: İddia qismən təmin edilsin. Hazırki qətnamə qanuni qüvvəyə mindiyi gündən başlayaraq, xx.xx.2008-ci il tarixdə doğulmuş Bəxtiyar və xx.xx.2010-cu il tarixdə doğulmuş Nübar adlı uşaqların yetkinlik yaşına çatanadək saxlanması üçün əvvəllər Mingəçevir Şəhər Məhkəməsinin xx.xx.2020ci il tarixli 2(051)-986/2020 saylı qətnaməsi ilə təyin edilmiş alimentin miqdarı dəyişdirilərək, hər uşaq üçün hər ay 145 (yüz qırx beş) manat, ümumilikdə 290 (iki yüz doxsan) manat sabit pul məbləği həddində müəyyən edilsin və Cavabdeh alınıb İddiaçı verilsin. İddia tələbi qalan hissədə təmin edilməsin. İddiaçı tərəfindən ilkin mediasiya sessiyasının keçirilməsi üçün ödədiyi 50 (əlli) manat məbləğində pulun yarısı olan 25 (iyirmi beş) manat məbləğində pul Cavabdeh alınıb İddiaçı verilsin. Cavabdeh 29.8 (iyirmi doqquz manat səksən qəpik) manat məbləğində dövlət rüsumu tutulub elektron hökumət portalına ödənilsin. Qətnamədən rəsmi qaydada verildiyi gündən 1 (bir) ay müddətində Mingəçevir Şəhər Məhkəməsi vasitəsi ilə (Elektron Məhkəmə İnformasiya Sistemində yaradılan elektron kabinetdən istifadə edilməklə) Şəki Apelyasiya Məhkəməsinə apelyasiya şikayəti verilə bilər. Sədrlik edən: Nemət Paşayev