Sumqayıt Şəhər Məhkəməsi Qərardad — İş №2(060)-1529/2023

Azərbaycan Respublikası adından QƏRARDAD Sumqayıt şəhəri İş № 2(060)-1529/2023 30.01.2023 SUMQAYIT ŞƏHƏR MƏHKƏMƏSİ Hakim Abdullayev Emin Ağamusa oğlunun sədrliyi, X1 oğlunun katibliyi ilə, İddiaçı cavabdehlər Cavabdeh1 və Cavabdeh2 qarşı pul tələbinə dair iddia ərizəsinə və ona əlavə edilmiş sənədlərə baxaraq, məhkəmə MÜƏYYƏN ETDİ: İddiaçı (bundan sonra - iddiaçı) Cavabdeh1 və Cavabdeh2 (bundan sonra – cavabdehlər) qarşı iddia ərizəsi ilə Sumqayıt Şəhər Məhkəməsinə müraciət edərək, cavabdehlərdən onun xeyrinə maddi zərər kimi 2.000 manat məbləğində pul vəsaitinin, 1.600 manata ustaya yığdırdığı rəflərin, yaxud onların dəyər qiymətinin və 36 manat məbləğində ödənilmiş dövlət rüsumunun, ümumilikdə 3.636 manat məbləğində pul vəsaitinin tutulmasını xahiş etmişdir. İş materiallarında olan Azərbaycan Respublikası Daxili İşlər Nazirliyinin BQPMİ-nin MAPS şöbəsinin xx.xx.2022-ci il tarixli arayışına əsasən Cavabdeh2 qeydiyyat ünvanı ünvan 1sı Daxili İşlər Nazirliyinin BQPMİ-nin MAPS üzrə məlumat şöbəsinin xx.xx.2022-ci il tarixli arayışına əsasən digər Cavabdeh1 qeydiyyatda yoxdur. Eyni zamanda “Elektron məhkəmə” informasiya sistemində aparılmış axtarış zamanı Cavabdeh1 Sumqayıt şəhərində qeydiyyatda olmasına dair heç bir məlumat aşkar olunmamışdır. Belə ki, Azərbaycan Respublikası Mülki Prosessual Məcəlləsinə (bundan sonra – MPM) əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir (35.1.). Əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə iddia ərizəsi geri qaytarılır (152.1.3). Məhkəmə hesab edir ki, cavabdehlərin qeydiyyat ünvanları Sumqayıt şəhəri olmadığı üçün Sumqayıt Şəhər Məhkəməsi ərazi aidiyyəti üzrə hazırkı işə baxmağa səlahiyyətli deyildir. Bu səbəbdən iddia ərizəsi ona əlavə edilmiş sənədlərlə birlikdə geri qaytarılmalıdır. Yuxarıda göstərilənlərə əsasən və MPM-in 149-152-ci maddələrini rəhbər tutaraq, Məhkəmə QƏRARA ALDİ : İddiaçı cavabdehlər Cavabdeh1 və Cavabdeh2 qarşı pul tələbinə dair iddia ərizəsi və ona əlavə edilmiş sənədlər iddiaçıya qaytarılsın. İddiaçı iddia ərizəsinin verilməsi üçün 24487 saylı qəbzə əsasən ödədiyi 36 (otuz altı) manat dövlət rüsumu dövlət büdcəsindən iddiaçıya qaytarılsın. Qərardaddan işdə iştirak edən şəxslərə rəsmi qaydada verildiyi gündən 10 (on) gün müddətində Sumqayıt Şəhər Məhkəməsinə şikayət verilə bilər. Hakim Emin Abdullayev