Sumqayıt Şəhər Məhkəməsi Qərardad — İş №2(060)-161/2021

Azərbaycan Respublikası adından QƏRARDAD Sumqayıt şəhəri İş № 2(060)-161/2021 09.09.2021 SUMQAYIT ŞƏHƏR MƏHKƏMƏSİ Hakim Ələkbərov Əfqan Qəzənfər oğlunun sədrliyi, Məmmədli Rəşad Mehman oğlunun katibliyi ilə, Tərəflərin iştirakı olmadan, İddiaçı QSC-nin cavabdehlər Cavabdeh1 və qeyrilərinə qarşı kredit müqaviləsi üzrə borc tələbi və tutmanın ipoteka predmetinə yönəldilməsinə dair mülki işə məhkəmənin inzibati binasında, açıq məhkəmə iclasında baxaraq, Müəyyən etdi: "xxxx" QSC məhkəməyə müraciət edərək, cavabdehlər Cavabdeh1, Cavabdeh2 oğlundan, X2, X3 və X1 müştərək qaydada "xxxx" QSC-nin xeyrinə 003R********** saylı kredit razılaşması üzrə 6187,64 manat kredit borcu, 2320,44 manat faiz borcu, 175,19 manat cərimə borcu olmaqla, ümumilikdə 10383,27 manat borcun və iddiaçı tərəfindən ödənilmiş 30 (otuz) manat məbləğində dövlət rüsumunun, ipoteka predmetinə tutmanın yönəldilməsi barədə bildirişin qeydə alınması üçün ödənilmiş 10 manat dövlət rüsumunun və 20 manat xidmət haqqının tutulması, Sumqayıt şəhəri, Kimyaçılar qəsəbəsində yerləşən 8 saylı evin 8 saylı mənzilinə yönəldilməsi, həmin mənzilin açıq hərracdan satılması, satışdan əldə edilmiş vəsait hesabına borcun bağlanması, satışdan əldə edilən vəsaitin borcun ödənilməsinə kifayət etmədiyi tədqirdə qalan məbləğin Cavabdeh1, Cavabdeh2 oğlundan, X2, X3 və X1 müştərək qaydada tutulması, Cavabdeh1 mülkiyyətində olan Sumqayıt şəhəri, Kimyaçılar qəsəbəsində yerləşən 8 saylı evin 8 saylı mənzilinə tutma yönəldikdən və o satıldıqdan 1 ay sonra Cavabdeh1, Cavabdeh2 oğlunun və X5 həmin mənzilə istifadə hüququna xitam verilməsi, əmlakın boşaldılması və hərracın nəticələri üzrə alıcıya təhvil verilməsi barədə məhkəmə qətnaməsinin çıxarılmasını xahiş etmişdir. Tərəflər məhkəmə iclasının vaxtı və yeri barədə xəbərdar olunmasına baxmayaraq, məhkəmə baxışına təkrar olaraq gəlməmişlər. Məhkəmə iddiaçının 27.08.2021-ci il tarixdə məhkəməyə elekton məhkəmə informasiya sisteminə daxil olmuş iddia ərizəsinin geri qaytarılması barədə ərizəsini nəzərə alaraq, habelə cavabdehlərin məhkəmə iclasına gəlməməsini, onların işin mahiyyəti üzrə həll olunmasını tələb etməməsi kimi qiymətləndirərək belə qənaətə gəlir ki, Azərbaycan Respublikası MPM-nin 259.0.11-ci maddəsinə əsasən, iddia ərizəsi baxılmamış saxlanılmalıdır. Belə ki, Azərbaycan Respublikası MPM-in 259.0.11-ci maddəsinə əsasən, iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanılır. Yuxarıdakıları və Azərbaycan Respublikası MPM-nin 162, 259-260, 263-268-ci maddələrini rəhbər tutaraq, məhkəmə Qərara aldı: İddiaçı QSC-nin cavabdehlər Cavabdeh1 və qeyrilərinə qarşı kredit müqaviləsi üzrə borc tələbi və tutmanın ipoteka predmetinə yönəldilməsinə dair iddia ərizəsi baxılmamış saxlansın. İddia ərizəsi və ona əlavə olunmuş sənədlər iddiaçıya geri qaytarılsın. Qərardaddan rəsmi qaydada verildiyi gündən 10 gün müddətində Sumqayıt Şəhər Məhkəməsinə şikayət vermək olar. Hakim Əfqan Ələkbərov