Sumqayıt Şəhər Məhkəməsi Qətnamə — İş №2(060)-1678/2022

Azərbaycan Respublikası adından QƏTNAMƏ Sumqayıt şəhəri İş № 2(060)-1678/2022 15.03.2022 SUMQAYIT ŞƏHƏR MƏHKƏMƏSİ Hakim Hüseynov Elmir Xoşbəxt oğlunun sədrliyi, İbrahimova Nuranə Əjdər qızının katibliyi, İddiaçı Asif qızının nümayəndəsi və vəkili Vəkil, Cavabdeh Qurbanov İlham Hüseyn oğlunun iştirakı ilə, İddiaçı cavabdeh Qurbanov İlham Hüseyn oğluna qarşı alimentin miqdarının artırılması tələbi barədə iddiası üzrə mülki işə Sumqayıt Şəhər Məhkəməsinin inzibati binasında,açıq məhkəmə iclasında baxaraq, məhkəmə müəyyən etdi: İddiaçı cavabdeh Qurbanov İlham Hüseyn oğluna qarşı alimentin miqdarının artırılması tələbinə dair iddia ərizəsi ilə məhkəməyə müraciət edərək, Sumqayıt şəhər Məhkəməsinin 2(060)-9715/2016 nömrəli, 19 dekabr 2016-cı il tarixli qətnaməsinin dəyişdirilərək, 30.03.2009-cu il təvəllüdlü Qurbanova Leyla İlham qızının yetkinlik yaşına çatanadək saxlanılması üçün Cavabdeh hər ay 193 manat miqdarında alimentin alınaraq İddiaçı verilməsi barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, İddiaçı Cavabdeh ilə 21 aprel 2015-ci il tarixdə nikaha daxil olmaqla ailə həyatı qurmuşlar. Nikahlarından 30.03.2009-cu il təvəllüdlü Qurbanova Leyla İlham qızı adlı övladları vardır. Sumqayıt şəhər Məhkəməsinin 2(060)-9715/2016 nömrəli, 19 dekabr 2016- cı il tarixli qətnaməsinə əsasən, iddia tələbi qismən təmin edilmiş, Cavabdeh ilə 21 aprel 2015-ci il tarixdə Sumqayıt “ASAN” xidmət mərkəzi Qeydiyyat şöbəsində bağlanmış 879 nömrəli akt qeydli nikah pozulmuş, nikahdan anadan olmuş 30.03.2009-cu il təvəllüdlü Qurbanova Leyla İlham qızının iddiaçı- İddiaçı yanında qalması, Cavabdeh 30.03.2009-cu il təvəllüdlü Qurbanova Leyla İlham qızının yetkinlik yaşına çatanadək saxlanması üçün 09.06.2016-cı il tarixdən başlayaraq, hər ay qazancın və (və ya) başqa gəlirlərin ¼ (dörddə bir) hissəsi miqdarında aliment tutulması qət edilmişdir. Bildirir ki, Cavabdeh 30.03.2009-cu il təvəllüdlü Qurbanova Leyla İlham qızının təhsil və tibbi xərcləri ilə maraqlanmır. Övladının xərcləri yeterincə artıqdır. 30.03.2009-cu il təvəllüdlü Qurbanova Leyla İlham qızının sağlamlıq və hazırlıq xərcləri Sumqayıt şəhər Məhkəməsinin 2(060)-9715/2016 nömrəli, 19 dekabr 2016-cı il tarixli qətnaməsi ilə tutulan alimentdən xeyli artıqdır. Bu səbəbdən də, hesab edir ki, Sumqayıt şəhər Məhkəməsinin 2(060)- 9715/2016 nömrəli, 19 dekabr 2016-cı il tarixli qətnaməsi ilə tutulan alimentin miqdarı dəyişdirilməlidir. Məhkəmə iclasında İddiaçı Asif qızının nümayəndəsi və vəkili Vəkil iddia tələbini müdafiə etdi, iddia ərizəsində qeyd olunanları təsdiq etdi. Əlavə olaraq bildirdi ki, Sumqayıt Şəhər Məhkəməsinin 2(060)-9715/2016 nömrəli, 19 dekabr 2016-cı il tarixli qətnaməsi ilə müəyyən olunmuş aliment məbləği ilə hazırda uşağın təhsil və digər xərclərini qarşılamaq mümkün deyil. Qətnamə 2016-cı ildə çıxarılmışdır, artıq üstündən 6 il keçmişdir. Uşağın mənafeyinin və digər halların nəzərə alınaraq iddia tələbinin təmin edilməsini xahiş etdi. Məhkəmə iclasında iştirak edən cavabdeh iddia tələbini qəbul etmədi. Bildirdi ki, övladını saxlamaq qarşı tərəfin də borcudur. Cavabdeh əlavə olaraq bildirdi ki, o, öz üzərinə düşən vəzifəni yerinə yetirir. Məhkəmə qətnaməsi ilə müəyyən olunmuş aliment məbləğini öz gəlirinə uyğun olaraq ödəyir. Aylıq 364,05 manat əmək haqqı aldığını, həmçinin xəstə valideynlərinin olmasını nəzərə alaraq iddia tələbinin rədd edilməsini xahiş etdi. Məhkəmə iddiaçının nümayəndəsi-vəkilinin və cavabdehin izahatını dinləyib, iş materiallarını araşdıraraq və iş üzrə sübutlara hüquqi qiymət verərək hesab edir ki, iddia tələbi qismən təmin edilməlidir. Belə ki, iş materiallarında olan: - Sumqayıt Şəhər Məhkəməsinin 2(060)-9715/2016 saylı 19.12.2016-cı il tarixli qətnaməsinin surətindən görünür ki, Cavabdeh ilə 21 aprel 2015-ci il tarixdə Sumqayıt “ASAN” xidmət mərkəzi Qeydiyyat şöbəsində bağlanmış 879 nömrəli akt qeydli nikah pozulmuş, nikahdan anadan olmuş 30.03.2009-cu il təvəllüdlü Qurbanova Leyla İlham qızının iddiaçı- İddiaçı yanında qalması, Cavabdeh 30.03.2009-cu il təvəllüdlü Qurbanova Leyla İlham qızının yetkinlik yaşına çatanadək saxlanması üçün 09.06.2016-cı il tarixdən başlayaraq, hər ay qazancın və (və ya) başqa gəlirlərin ¼ (dörddə bir) hissəsi miqdarında aliment tutulması qət edilmişdir. - doğum haqqında şəhadətnamənin notarial təsdiq olunmuş surətindən görünür ki, tərəflərin 30.03.2009-cu il təvəllüdlü Qurbanova Leyla İlham qızı adlı övladları vardır. - 21.12.2021-ci il tarixli, №-2021-MŞİH-09457 saylı ilkin mediasiya sessiyasında iştirak edilməməsi barədə arayışdan görünür ki, Cavabdeh X2 sessiyasında iştirak etməmişdir. X2 sessiyasında İddiaçı etibarnamə üzrə nümayəndəsi Vəkil iştirak etmiş və bununla bağlı mediasiya xərcini ödəmişdir. - 10.02.2022-ci il tarixli, 37/39-0002 saylı arayışdan görünür ki, Cavabdeh 19 noyabr 2015-ci il tarixindən FHN X3 Agentliyi "xxxx" MMC-də çalışır. Onun aylıq əmək haqqı 530 manat təşkil edir. Hər ay onun əmək haqqından 80 manat aliment olmaqla wmumilikdə 165,95 manat məbləğində tutulmalar həyata keçirilir. Yekunda tutulmalardan sonra Cavabdeh əməkhaqqı kartına hər ay 364,05 manat vəsait köçürülür. Beləliklə, məhkəmə araşdırması zamanı müəyyən olundu ki, iddiaçı cavabdehlə 21.04.2015-ci il tarixdə nikaha daxil olmaqla ailə qurmuş, nikahlarından Qurbanova Leyla İlham qızı adlı övladları anadan olmuşdur. Sumqayıt Şəhər Məhkəməsinin 2(060)- 9715/2016 saylı 19.12.2016-cı il tarixli qətnaməsi ilə Cavabdeh ilə 21 aprel 2015-ci il tarixdə Sumqayıt “ASAN” xidmət mərkəzi Qeydiyyat şöbəsində bağlanmış 879 nömrəli akt qeydli nikah pozulmuş, nikahdan anadan olmuş 30.03.2009-cu il təvəllüdlü Qurbanova Leyla İlham qızının iddiaçı- İddiaçı yanında qalması, Cavabdeh 30.03.2009-cu il təvəllüdlü Qurbanova Leyla İlham qızının yetkinlik yaşına çatanadək saxlanması üçün 09.06.2016-cı il tarixdən başlayaraq, hər ay qazancın və (və ya) başqa gəlirlərin ¼ (dörddə bir) hissəsi miqdarında aliment tutulması qət edilmişdir. Cavabdeh iddia tələbini qəbul etmir. Aylıq əmək haqqı məbləğinin az olması və himayəsində xəstə valideynləri olduğu üçün iddia tələbində qeyd olunan aliment məbləğini ödəyə bilməyəcəyini bildirir. Azərbaycan Respublikasının Konstitusiyasının 34-cü maddəsinin İV bəndinə əsasən uşaqlara qayğı göstərmək, onları tərbiyə etmək valideynlərin həm hüququ, həm də borcudur. Azərbaycan Respublikasının Ailə Məcəlləsinin 75.1. və 75.4. maddələrinə əsasən valideynlər uşaqlarını saxlamağa borcludurlar. Valideynlər uşaqlarını saxlamadıqda uşaqların saxlanması üçün vəsait (aliment) valideynlərdən məhkəmə qaydasında tutulur. Azərbaycan Respublikasının Ailə Məcəlləsinin 112.1.-ci maddəsinin tələbində göstərilir ki, aliment ödənilməsi barədə saziş olmadıqda, məhkəmə tərəfindən alimentin miqdarı müəyyən olunduqdan sonra tərəflərdən birinin ailə və ya maddi vəziyyətində dəyişiklik olmuşsa, məhkəmə tərəflərdən istənilən birinin tələbi ilə alimentin müəyyən olunmuş miqdarını dəyişə bilər və ya alimenti ödəməli olan şəxsi tərəflərin diqqətəlayiq başqa maraqlarını da nəzərə almaqla aliment ödəməkdən azad edə bilər. Həmin Məcəllənin 78.1. maddəsinin tələbində göstərilir ki, valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişən olarsa və ya qazancın (gəlirin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və tərəflərdən birinin marağının əhəmiyyətli dərəcədə pozulduğu başqa hallarda, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində müəyyən edilə bilər. İşin məhkəmə iclasında araşdırılan hallarına əsasən Sumqayıt Şəhər Məhkəməsinin 2(060)-9715/2016 saylı 19.12.2016-cı il tarixli qətnaməsinə əsasən müəyyən olunmuş aliment miqdarı hazırda Qurbanova Leyla İlham qızının saxlanması üçün kifayət etmir. Belə ki, uşağın böyüməsi ilə əlaqədar onun maddi tələbatları getdikcə artır, iddiaçı isə, övladının saxlanılmasında maddi baxımdan çətinlik çəkir. Bu halda məhkəmə hesab edir ki, iddiaçının marağı əhəmiyyətli dərəcədə pozulur. “Azərbaycan Respublikasında 2022-ci il üçün yaşayış minimumu haqqında” Azərbaycan Respublikasının Qanununun 1-ci maddəsinə əsasən yaşayış minimumu uşaqlar üçün 193 manat məbləğində müəyyən edilmişdir. “Uşaq hüquqları haqqında” Azərbaycan Respublikası Qanununun 13-cü maddəsinə görə, uşağın Azərbaycan Respublikasının qanunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır. “Uşaq hüquqları haqqında” Konvensiyanın 27-ci maddəsinə görə, hər bir uşaq özünün fiziki, əqli, mənəvi, əxlaqi və sosial inkişafı üçün lazımi həyat səviyyəsi hüququna malikdir. Lazımi həyat səviyyəsinin təmin edilməsi üçün əsas məsuliyyəti valideynlər daşıyır. “Uşaq hüquqları haqqında” Konvensiyanın 5-ci maddəsinə əsasən, dövlət orqanları, bütün fiziki və hüquqi şəxslər öz fəaliyyətində uşaqların mənafelərini üstün tutmalı, onların hüquqlarının təmin olunmasına şərait yaratmalıdırlar. Azərbaycan Respublikasının Ailə Məcəlləsinin 78.2.-ci maddəsinə əsasən sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. “Azərbaycan Respublikası Ailə Məcəlləsinin 76, 78 və 112-ci maddələrinin şərh edilməsinə dair” Azərbaycan Respublikası Konstitusiya Məhkəməsinin Plenumunun 27 iyul 2016-cı il tarixli qərarında göstərilmişdir ki, nikahın pozulması ilə əlaqədar uşağın valideynlərindən birinin himayəsinə verilməsi, uşağa qulluq, onun sağlamlıq, təhsil, inkişaf, məişət qayğılarının çəkilməsinin uşağın himayəsində olduğu valideynin üzərinə düşməsi yaşayış minimumunun müəyyən edən qanunvercilik aktlarında göstərilən minimum dolanacaq xərclərinə yaxın məbləğin aliment kimi digər valideyndən tutulmasına əsas ola bilər. Belə ki, aliment ödəyən valideynin rəsmi olaraq heç bir yerdə işləməməsi və ya qazanca malik olmaması onu uşağı saxlamaq və maddi təminatını ödəmək vəzifəsindən azad etmir. Qeyd olunan qərarında məhkəmə sonda belə nəticəyə gəlmişdir ki, aliment ödənilməsi barədə saziş olmadıqda, məhkəmə Azərbaycan Respublikası Ailə Məcəlləsinin 76.2 və 78.2-ci maddələrinə, bu qərarda formalaşmış hüquqi mövqeyə uyğun olaraq, hər iki tərəfin maddi və ailə vəziyyəti və diqqətəlayiq digər hallarla yanaşı, uşağın əvvəlki təminatının səviyyəsinə da qiymət verilməlidir. Bu qərarın birinci bəndində göstərilən hallara qiymət verərkən məhkəmə həmçinin nəzərə almalıdır ki, “Uşaq hüquqları haqqında” Azərbaycan Respublikası Qanununun 13-cü maddəsinə uyğun olaraq uşağın Azərbaycan Respublikasının qanunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır. Nikahın pozulması, boşanmadan sonra yetkinlik yaşına çatmayan uşağın valideynlərdən hansının yanında qalması və uşaqlar üçün valideynlərdən aliment tutulması tələbinə dair işlərə baxılarkən qanunvericiliyin məhkəmələr tərəfindən tətbiqi təcrübəsi haqqında Azərbaycan Respublikası Ali Məhkəməsi Plenumunun 28 mart 2016-cı il tarixli Qərarında məhkəmələrə izah edilmişdir ki, uşağın Azərbaycan Respublikasının qanunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır (“Uşaq hüquqları haqqında” Azərbaycan Respublikası Qanununun 13-cü maddəsi). Nikahın pozulması ilə əlaqədar uşağın valideynlərdən birinin himayəsinə verilməsi, uşağa qulluq, onun sağlamlıq, təhsil, inkişaf, məişət qayğılarının çəkilməsinin uşağın himayəsində olduğu valideynin üzərinə düşməsi, qanunvericiliklə müəyyən edilmiş minimum dolanacaq xərclərindən az olmayan maddi təminatın aliment kimi digər valideyndən tutulmasına əsas verir. Aliment ödəyən əmək qabiliyyətli valideynin rəsmi olaraq heç bir yerdə işləməməsi və qazanca malik olmaması onu uşağı saxlamaq, qanunvericiliklə müəyyən olunmuş minimum dolanacaq xərclərindən az olmayan maddi təminatı ödəmək vəzifəsindən azad etmir. Beləliklə, məhkəmə, qanunun qeyd edilən tələblərini rəhbər tutub məhkəmə iclasında tədqiq edilən sübutları qiymətləndirərək, yetkinlik yaşına çatmayan uşağın mənafeyini, həmçinin onun əvvəlki təminat səviyyəsinin mümkün qədər maksimal saxlanmasının zəruriliyini, eləcə də, tərəflərin diqqətəlayiq maraqlarını nəzərə alaraq, 30.03.2009-cu il təvəllüdlü Qurbanova Leyla İlham qızının yetkinlik yaşına çatana kimi saxlanması üçün cavabdehdən hər ay 175 manat sabit pul məbləğində aliment tutulmasını məqsədə müvafiq hesab edir. Beləliklə, məhkəmə hesab edir ki, iddia tələbi qismən təmin olunmalı, Sumqayıt şəhər Məhkəməsinin 2(060)- 9715/2016 nömrəli, 19 dekabr 2016-cı il tarixli qətnaməsinin dəyişdirilərək Cavabdeh qətnamə qanuni qüvvəyə mindiyi gündən başlayaraq 30.03.2009-cu il təvəllüdlü Qurbanova Leyla İlham qızının yetkinlik yaşına çatana kimi saxlanması üçün hər ay 175 manat sabit pul məbləğində aliment tutulub İddiaçı Asif qızına verilməlidir. Azərbaycan Respublikası MPM-nin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Həmin məcəllənin 119.2-ci maddəsinə əsasən iddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə mütənasib olaraq cavabdehdən tutularaq dövlət gəlirlərinə alınır. “Dövlət rüsumu haqqında” Azərbaycan Respublikası Qanununun 9.1.2-ci maddəsinə əsasən aliment alınması barədə iddialar üzrə - iddiaçılar dövlət rüsumundan azad edilir. Azərbaycan Respublikası MPM-nin 112.1.3-cü maddəsinə əsasən iddianın qiyməti aliment alınması haqqındakı iddialarda—bir il ərzində ödəmənin məcmusu ilə müəyyən edilir. “Dövlət rüsumu haqqında” Azərbaycan Respublikası Qanununun 8.1.2-ci maddəsinə əsasən iddia qiyməti 1000 manatdan 10000 manatadək olduqda 30 manat + 1.000 manatdan yuxarı olan iddia qiymətinin 1 faizi həcmində dövlət rüsumu ödənilməlidir. Belə ki, iş materiallarında olan arayışdan da göründüyü kimi, cavabdehin aylıq əmək haqqından 80 manat məbləğində aliment məbləği tutulur. Hazırki halda həmin məbləğ 175 manata artırıldığından bir il ərzində ödəmənin məcmusu artırılan aliment miqdarının bir illik ödəmə məcmusu ilə müəyyən edilməlidir. Məhkəmə qeyd edir ki, bir il ərzində alimentin ödənilməli məcmu məbləği 1000 manatdan artıq olduğu üçün (hazırki halda 95x12=1140) qanunvericiliyin tələbinə əsasən 31,4 manat dövlət rüsumu cavabdehdən tutularaq Dövlət büdcəsinə ödənilməlidir. Azərbaycan Respublikasının Mülki Prosessual Məcəlləsinin 77.1-ci maddəsinin tələbinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikası MPM-nin 14.2.-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 217.4.-cü maddəsinə əsasən, məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Yuxarıda göstərilənlərə əsasən və Azərbaycan Respublikası MPM-nin 216-220, 360cı maddələrini rəhbər tutaraq, məhkəmə, qət etdi: İddia tələbi qismən təmin edilsin. Sumqayıt şəhər Məhkəməsinin 2(060)-9715/2016 nömrəli, 19 dekabr 2016-cı il tarixli qətnaməsi ilə müəyyən olunmuş alimentin miqdarı dəyişdirilsin, cavabdeh Qurbanov İlham Hüseyn oğlundan hazırki qətnamə qanuni qüvvəyə mindiyi gündən başlayaraq hər ay 175 manat sabit pul məbləğində aliment tutulub 30.03.2009-cu il təvəllüdlü Qurbanova Leyla İlham qızının yetkinlik yaşına çatanadək saxlanması üçün İddiaçı verilsin. İddia tələbi qalan hissədə rədd edilsin. İddianın verilməsinə görə 31,4 manat dövlət rüsumu cavabdehdən tutularaq Dövlət büdcəsinə ödənilsin. Qətnamədən rəsmi qaydada verildiyi gündən 1 (bir) ay müddətində Sumqayıt Şəhər Məhkəməsi vasitəsi ilə (Elektron Məhkəmə İnformasiya Sistemində yaradılan elektron kabinetdən istifadə edilməklə) Sumqayıt Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Hakim Elmir Hüseynov