Sumqayıt Şəhər Məhkəməsi Qətnamə — İş №2(060)-3244/2022

Azərbaycan Respublikası adından QƏTNAMƏ Sumqayıt şəhəri İş № 2(060)-3244/2022 08.06.2022 SUMQAYIT ŞƏHƏR MƏHKƏMƏSİ Hakim Qoşqarlı Rəşad Nizami oğlunun sədrliyi Məhkəmə iclas katibi X1 İddiaçı iştirakı ilə İddiaçı cavabdeh Qabulov Cavabdeh qarşı “alimentin artırılması” tələbinə dair mülki işə açıq məhkəmə iclasında baxaraq, məhkəmə M Ü Ə Y Y Ə N E T D İ: İddiaçı iddia ərizəsi ilə məhkəməyə müraciət edərək, Sumqayıt Şəhər Məhkəməsinin 20.09.2017-ci il tarixli 2 (060)-15183/2017 saylı qətnaməsi ilə müəyyən edilmiş aliment miqdarının artırılaraq cavabdeh Qabulov Cavabdeh 15.01.2009-cu il təvəllüdlü Qabulov Yusif Cavabdeh oğlunun, 24.10.2010-cu il təvəllüdlü Qabulov Ülvi Cavabdeh oğlunun və 15.09.2013-cü il təvəllüdlü Qabulov Nihad Cavabdeh oğlunun yetkinlik yaşına çatanadək saxlanılması üçün hər ay hər uşağa 193 manat olmaqla, ümumilikdə 579 manat məbləğində alimentin tutularaq ona ödənilməsi barədə qətnamə çıxarılmasını xahiş etmişdir. İddiaçı iddia ərizəsinə dəqiqləşmə verərək, iddianın alimentin artırılması tələbinin alimentin dəyişdirilməsi tələbi kimi nəzərə alınmasını xahiş etmişdir. Məhkəmədə İddiaçı iddia ərizəsini müdafiə edərək göstərdi ki, Sumqayıt Şəhər Məhkəməsinin 20.09.2017-ci il tarixli 2(060)-15183/2017 saylı qətnaməsi ilə cavabdeh Qabulov Cavabdeh hər ay 136.6 (yüz otuz altı manat 60 qəpik) manat sabit pul məbləğində aliment 06.10.2017-ci il tarixdən başlayaraq tutulub 15.01.2009-cu il təvəllüdlü Qabulov Yusif Cavabdeh oğlu, hər ay 136.6 (yüz otuz altı manat 60 qəpik) manat sabit pul məbləğində aliment 06.10.2017-ci il tarixdən başlayaraq tutulub 24.10.2010-cu il təvəllüdlü Qabulov Ülvi Cavabdeh oğlunun və hər ay 136.6 (yüz otuz altı manat 60 qəpik) manat sabit pul məbləğində aliment 06.10.2017-cü il tarixdən başlayaraq tutulub 15.09.2013-cü il təvəllüdlü Qabulov Nihad Cavabdeh oğlunun yetkinlik yaşına çatanadək saxlanılması üçün İddiaçı verilməsi qət olunmuşdur. Hesab edir ki, hazırda bu məbləğ indiki reallıqda uşağın saxlanılması üçün kifayət deyildir. Belə ki, təyin olunmuş məbləğ uşağın geyimi, qidalanması təhsili və s. bu kimi işlərin görülməsi üçün faktiki olaraq kifayət etmir. Həmçinin cavabdeh hərbiçi olduğuna görə və onun əmək haqqısının artımı ilə əlaqədar olaraq sabit pul məbləğində müəyyən edilmiş aliment miqdarının artırılmasına zərurət yaranmışdır və ona görə də məhkəməyə müraciət etmək məcburiyyətindədir. Hal-hazırda yaşayış minimumumu haqqında Qanuna əsasən 2022-ci ildə uşaqlar üçün yaşayış minimumu 193 manat müəyyən edilmişdir. Göstərilənləri nəzər alaraq, Sumqayıt Şəhər Məhkəməsinin 20.09.2017-ci il tarixli 2 (060)-15183/2017 saylı qətnaməsi ilə müəyyən edilmiş aliment miqdarının artırılaraq cavabdeh Qabulov Cavabdeh 15.01.2009-cu il təvəllüdlü Qabulov Yusif Cavabdeh oğlunun, 24.10.2010-cu il təvəllüdlü Qabulov Ülvi Cavabdeh oğlunun və 15.09.2013-cü il təvəllüdlü Qabulov Nihad Cavabdeh oğlunun yetkinlik yaşına çatanadək saxlanılması üçün hər ay hər uşağa 193 manat olmaqla, ümumilikdə 579 manat məbləğində alimentin tutularaq ona ödənilməsi barədə qətnamə çıxarılmasını məhkəmədən xahiş etdi. Cavabdeh Qabulov Cavabdeh məhkəmədə iştirak edən zaman iddia tələbini qəbul etməyərək göstərmişdir ki, o, alimentin artırılmasına etiraz edir. Belə ki, hazırda kəsilən alimenti çox çətinliklə ödəyir. Belə ki, o, hərbiçidir və aylıq maaşı 700 manat təşkil edir. Bundan əlavə o, uşaqları üçün lazım olan bütün maddi köməkliyi göstərir. Göstərilənləri nəzərə alaraq, iddia tələbinin rədd edilməsini məhkəmədən xahiş etdi. Məhkəmə İddiaçı və cavabdeh Qabulov Cavabdeh izahatlarını dinləyib, iş materiallarını tam, hərtərəfli və obyektiv tədqiq edərək sübutlara məcmu halda qiymət verərək belə hesab edir ki, iddia əsaslıdır və təmin olunmalıdır. İş materiallarında olan AZ-İ № 297331 saylı, 25.07.2018-ci il tarixli “Nikahın pozulması haqqında şəhadətnamə”nin surətindən görünür ki, qabulov Cavabdeh ilə İddiaçı arasında olan nikah 25.07.2018-ci il tarixdə Sumqayıt “ASAN xidmət” mərkəzi qeydiyyat şöbəsində pozulmuşdur. İş materiallarında olan AZ-İİ №646518 saylı, 28.04.2011-ci il tarixli “Doğum haqqında şəhadətnamə”nin surətindən görünür ki, Qabulov Ülvü Cavabdeh oğlu 24.10.2010-cu il tarixdə Şabran rayonunda anadan olmuş və bu barədə doğum haqqında akt qeydləri kitabında 255 nömrə ilə qeyd edilmişdir. İş materiallarında olan AZ-İİİ №194412 saylı, 25.10.2013-cü il tarixli “Doğum haqqında şəhadətnamə”nin surətindən görünür ki, Qabulov Nihad Cavabdeh oğlu 15.09.2013-cü il tarixdə Sumqayıt şəhərində anadan olmuş və bu barədə doğum haqqında akt qeydləri kitabında 696 nömrə ilə qeyd edilmişdir. İş materiallarında olan AZ-İİ №271481 saylı, 22.04.2009-cu il tarixli “Doğum haqqında şəhadətnamə”nin surətindən görünür ki, Qabulov Yusif Cavabdeh oğlu 15.01.2009-cu il tarixdə Dəvəçi rayonunda anadan olmuş və bu barədə doğum haqqında akt qeydləri kitabında 229 nömrə ilə qeyd edilmişdir. İş materiallarında olan Sumqayıt Şəhər Məhkəməsinin 2(060)-15183/2017 saylı, 20.11.2017-ci il tarixli qətnaməsinin surətindən görünür ki, iddia qismən təmin edilərək, Qabulov Cavabdeh və X4 arasında 07.04ı2009-cu ildə dəvəçi rayon qeydiyyat şöbəsində bağlanmış nikahın pozulması, 15.01.2009-cu il tarixdə doğulmuş Qabulov Yusif Cavabdeh oğlu, 24.10.2010-cu il tarixdə doğulmuş Qabulov Ülvi Cavabdeh oğlu və 15.09.2013-cü il tarixdə doğulmuş Qabulov Nihad Cavabdeh oğlu X2 yanında qalmaları, Qabulov Cavabdeh hər ay 136,6 (yüz otuz altı, 60) manat sabit pul məbləğində aliment 06.10.2017ci il tarixdən başlayaraq tutulub 15.01.2009-cu il tarixdə doğulmuş Qabulov Yusif Cavabdeh oğlu, hər ay 136,6 (yüz otuz altı, 60) manat sabit pul məbləğində aliment 06.10.2017-ci il tarixdən başlayaraq tutulub 24.10.2010-cu il tarixdə doğulmuş Qabulov Ülvi Cavabdeh oğlu və hər ay 136,6 (yüz otuz altı, 60) manat sabit pul məbləğində aliment 06.10.2017-ci il tarixdən başlayaraq tutulub 15.09.2013-cü il tarixdə doğulmuş Qabulov Nihad Cavabdeh oğlunun yetkinlik yaşına çatana kimi saxlanması üçün İddiaçı verilməsi qət edilmişdir. Azərbaycan Respublikası Ailə Məcəlləsinin 7-1-ci maddəsinə əsasən, “Mediasiya haqqında” Azərbaycan Respublikası Qanununun 26-cı maddəsinə uyğun olaraq ailə münasibətlərindən irəli gələn mübahisələr mediasiya yolu ilə həll oluna bilər. Ailə münasibətlərindən irəli gələn mübahisələrlə bağlı məhkəməyə müraciət etməmişdən əvvəl “Mediasiya haqqında” Azərbaycan Respublikasının Qanunu ilə müəyyən edilmiş qaydada ilkin mediasiya sessiyasında iştirak tələb olunur. İş materiallarında olan ilkin mediasiya sessiyasında iştirak edilməməsi barədə 10.03.2022-ci il tarixli arayışdan görünür ki, İddiaçı Bakı 5 saylı Mediasiya Təşkilatının mediatoru X3 10.03.2022-ci il, saat 14:00 radəsində təşkil etdiyi ilkin mediasiya sessiyasında iştirak etmişdir. Cavabdeh həmin ilkin mediasiya sessiyasının tarixi, saatı və yeri barədə poçt vasitəsi ilə məlumatlandırılsa da, sessiyada iştirak etməmişdir. İddiaçı ilkin mediasiya sesiyasının keçirilməsi ilə bağlı 50 manat məbləğində mediasiyaya dair xərci ödədi. Azərbaycan Respublikası Konstitusiyasına əsasən uşaqların qayğısına qalmaq və onları tərbiyə etmək valideynlərin borcudur. Bu borcun yerinə yetirilməsinə dövlət nəzarət edir (Maddə 17, İİ hissə). Nikah və ailə dövlətin himayəsindədir. Analıq, atalıq, uşaqlıq qanunla mühafizə edilir. Dövlət çoxuşaqlı ailələrə yardım göstərir. Ər ilə arvadın hüquqları bərabərdir. Uşaqlara qayğı göstərmək, onları tərbiyə etmək valideynlərin həm hüququ, həm də borcudur (Maddə 34). “Uşaq hüquqları haqqında” Azərbaycan Respublikası Qanununun 19-cu maddəsinə əsasən, valideynlərin uşağın tərbiyəsində bərabər hüquq və vəzifələri vardır. Uşağın qabiliyyətinin inkişaf etdirilməsi, onun maddi və mənəvi tələbatlarının təmin edilməsi, hüquq və mənafelərinin mühafizəsi valideynlərin əsas vəzifələridir. Azərbaycan Respublikası Milli Məclisinin 21 iyul 1992-ci il tarixli 236 saylı qərarı ilə Azərbaycan Respublikasının qoşulduğu, BMT-nin Baş Məclisinin 20 noyabr 1989-cu il tarixdə qəbul etdiyi “Uşaq hüquqları haqqında” Konvensiyanın 3-cü maddəsinə əsasən uşaqlar barəsində bütün tədbirlərdə əsas diqqət uşaq mənafelərinin daha yaxşı təmin edilməsinə yönəldilir, istər bu tədbirlər sosial təminat məsələləri ilə məşğul olan dövlət idarələri və ya özəl idarələr tərəfindən görülsün, istərsə də məhkəmələr, inzibati və ya qanunvericilik orqanları tərəfindən. Azərbaycan Respublikası Ailə Məcəlləsinin 75.1-ci maddəsinə əsasən, valideynlər uşaqlarını saxlamağa borcludurlar. Həmin Məcəllənin 56.1-ci maddəsinə əsasən valideynlər öz uşaqları barəsində bərabər hüquq və vəzifələrə malikdirlər. Həmin Məcəllənin 78.1-ci maddəsinə əsasən, valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişən olarsa, ya qazancın (gəlirin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və ya tərəflərdən birinin marağını əhəmiyyətli dərəcədə pozduğu başqa hallarda, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində müəyyən edilə bilər. Sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. Həmin Məcəllənin 112.1-ci maddəsinə əsasən aliment ödənilməsi barədə saziş olmadıqda, məhkəmə tərəfindən alimentin miqdarı müəyyən olunduqdan sonra tərəflərdən birinin ailə və ya maddi vəziyyətində dəyişiklik olmuşsa, məhkəmə tərəflərdən istənilən birinin tələbi ilə alimentin müəyyən olunmuş miqdarını dəyişə bilər və ya aliment ödəməli olan şəxsi tərəflərin diqqətəlayiq başqa maraqlarını da nəzərə almaqla aliment ödəməkdən azad edə bilər. Azərbaycan Respublikası Mülki Prosessual Məcəlləsinin 233.4-cü maddəsinə əsasən cavabdehdən vaxtaşırı ödəmələrin alınmasını qət edən qətnamə qanuni qüvvəyə mindikdən sonra, ödəmələrin miqdarını müəyyənləşdirən və ya onların davam etməsinə təsir edən hallar dəyişərsə, hər bir tərəf yeni iddia vermək yolu ilə ödəmələrin miqdarını və müddətlərini dəyişdirməyi tələb etməyə haqlıdır. “Azərbaycan Respublikası Ailə Məcəlləsinin 76, 78 və 112-ci maddələrinin şərh edilməsinə dair” Azərbaycan Respublikası Konstitusiya Məhkəməsi Plenumunun 27 iyul 2016-cı il tarixli qərarında göstərilmişdir ki, bu baxımdan nikahın pozulması ilə əlaqədar uşağın valideynlərdən birinin himayəsinə verilməsi, uşağa qulluq, onun sağlamlıq, təhsil, inkişaf, məişət qayğılarının çəkilməsinin uşağın himayəsində olduğu valideynin üzərinə düşməsi, yaşayış minimumunu müəyyən edən qanunvericilik aktlarında göstərilən minimum dolanacaq xərclərinə yaxın məbləğin aliment kimi digər valideyndən tutulmasına əsas olar bilər. Belə ki, aliment ödəyən valideynin rəsmi olaraq heç bir yerdə işləməməsi və ya qazanca malik olmaması onu uşağı saxlamaq və maddi təminatı ödəmək vəzifəsindən azad etmir. Azərbaycan Respublikasında 2022-ci il üçün “X5” Azərbaycan Respublikasının Qanununa əsasən, 2022-ci il üçün yaşayış minimumu uşaqlar üçün 193 manat məbləğində müəyyən edilmişdir. «Dövlət rüsumu haqqında» Azərbaycan Respublikası Qanununun 9.1.2-ci maddəsinə əsasən iddiaçının aliment tələbi ilə bağlı ödəməkdən azad olduğu dövlət rüsumu Mülki-Prosessual Məcəllənin 112.1.3 və 119.2 maddələrinə uyğun olaraq cavabdehdən tutulmalı və dövlət nəfinə keçirilməlidir. Hazırki halda tərəflərin maddi və ailə vəziyyətlərini, yetkinlik yaşına çatmayan 15.01.2009-cu il təvəllüdlü Qabulov Yusif Cavabdeh oğlu, 24.10.2010-cu il təvəllüdlü Qabulov Ülvi Cavabdeh oğlu və 15.09.2013-cü il təvəllüdlü Qabulov Nihad Cavabdeh oğlunun yaşlarını, qida və digər zəruri xərclərə tələbatını, qanunvericiliyin tələbinə görə hər iki valideyinin uşaqları saxlamağa borclu olduqlarını nəzərə alaraq məhkəmə hesab edir ki, azyaşlı uşaqların yetkinlik yaşına çatanadək saxlanılması üçün müəyyən edilmiş alimentin miqdarının dəyişdirilməsi barədə iddiaçının tələbi təmin edilməklə, Sumqayıt Şəhər Məhkəməsinin 2(060)-15183/2017 saylı iş üzrə qəbul etdiyi 20 sentyabr 2017-ci il tarixli qətnaməsinə əsasən müəyyən edilmiş alimentin miqdarı dəyişdirilərək 15.01.2009cu il təvəllüdlü Qabulov Yusif Cavabdeh oğlu, 24.10.2010-cu il təvəllüdlü Qabulov Ülvi Cavabdeh oğlu və 15.09.2013-cü il təvəllüdlü Qabulov Nihad Cavabdeh oğlunun yetkinlik yaşlarına çatanadək saxlanılması üçün hər ay hər uşağa 193 (bir yüz doxsan üç) manat sabit pul məbləğində aliment cavabdehdən iddiaçının xeyrinə tutulmalıdır. “Nikahın pozulması, boşanmadan sonra yetkinlik yaşına çatmayan uşaqların valideynlərdən hansının yanında qalması və uşaqlar üçün valideynlərdən aliment tutulması tələbinə dair işlərə baxılarkən qanunvericiliyin məhkəmələr tərəfindən tətbiqi təcrübəsi haqqında” Azərbaycan Respublikası Ali Məhkəməsinin Plenumunun 28 mart 2016-cı il tarixli 8-2/16 N-li Qərarında göstərilmişdir ki, alimentin miqdarının dəyişdirilməsi (artırılması və ya azaldılması) barədə tələbə baxarkən məhkəmə alimentin miqdarı müəyyən olunduqdan sonra tərəflərdən birinin ailə və ya maddi vəziyyətində hansı dəyişikliyin olduğunu müəyyən etməli və alimentin miqdarının dəyişdiriləcəyi təqdirdə bunun uşağın maddi vəziyyətinə təsirini nəzərə almalıdır. Məhkəmənin müəyyən etdiyi alimentin miqdarı dəyişdirilərkən (artırılarkən və ya azaldılarkən) və ya şəxs aliment ödəməkdən azad edilərkən bu barədə məhkəmə qətnaməsinin qanuni qüvvəyə mindiyi gündən miqdarı dəyişdirilmiş alimentin tutulması hesablanır və ya şəxs aliment ödəməkdən azad edilir. Qeyd olunanlara əsasən məhkəmə hesab edir ki, dəyişdirilən aliment məbləğinin tutulması qətnamənin qanuni qüvvəyə mindiyi tarixdən hesablanmalıdır. Qeyd olunanlara əsasən və Azərbaycan Respublikası Mülki-Prosessual Məcəlləsinin 119, 216-220-ci maddələrini rəhbər tutaraq, məhkəmə QƏT E T D İ: İddia təmin edilsin. Sumqayıt Şəhər Məhkəməsinin 2(060)-15183/2017 saylı, 20 sentyabr 2017-ci il tarixli qətnaməsinə əsasən müəyyən edilmiş alimentin miqdarı dəyişdirilərək 15.01.2009cu il təvəllüdlü Qabulov Yusif Cavabdeh oğlu, 24.10.2010-cu il təvəllüdlü Qabulov Ülvi Cavabdeh oğlu və 15.09.2013-cü il təvəllüdlü Qabulov Nihad Cavabdeh oğlunun yetkinlik yaşlarına çatanadək saxlanılmaları üçün cavabdeh Qabulov Cavabdeh hər ay hər uşağa 193 (bir yüz doxsan üç) manat olmaqla, ümumilikdə 579 (beş yüz yetmiş doqquz) manat sabit pul məbləğində aliment tutularaq İddiaçı verilsin. Qabulov Cavabdeh 30 (otuz) manat dövlət rüsumu alınıb dövlət nəfinə ödənilsin. İş üzrə mediasiya sessiyasının keçirilməsi ilə bağlı ödənilmiş 50 (əlli) manat cavabdeh Qabulov Cavabdeh alınaraq İddiaçı ödənilsin. Dəyişdirilən aliment məbləğinin tutulması qətnamənin qanuni qüvvəyə mindiyi tarixdən hesablansın. Qətnamədən məhkəmə qətnaməsi rəsmi qaydada verildiyi gündən bir ay müddətində Sumqayıt Şəhər Məhkəməsi vasitəsi ilə Sumqayıt Apelyasiya məhkəməsinə apellyasiya şikayəti verilə bilər. Sədrlik edən: Rəşad Qoşqarlı