Sumqayıt Şəhər Məhkəməsi Qərardad — İş №2(060)-3899/2022

Azərbaycan Respublikası adından QƏRARDAD Sumqayıt şəhəri İş № 2(060)-3899/2022 23.05.2022 SUMQAYIT ŞƏHƏR MƏHKƏMƏSİ Hakim Süleymanova Almaz Məhərrəm qızı, İddiaçı Cavabdeh qarşı «alimentin miqdarının artırılması tələbinə dair» iddia ərizəsini və ona əlavə edilmiş sənədləri məhkəmənin inzibati binasında məhkəmə iclasından kənar qaydada nəzərdən keçirib, məhkəmə müəyyən etdi: İddiaçı Cavabdeh qarşı «alimentin miqdarının artırılması tələbinə dair» iddia ərizəsi ilə məhkəməyə müraciət etmişdir. Ərizəni və ona əlavə edilmiş sənədləri nəzərdən keçirərək hesab edirəm ki, ərizə geri qaytarılmalıdır. Belə ki, hesab edirəm ki, Azərbaycan Respublikası Mülki Prosessual Məcəlləsinin (MPM) 149-cu maddəsində nəzərdə tutulan iddia ərizəsinin forma və məzmununa əməl edilməmişdir. Sözügedən iddia ərizəsində cavabdehin poçt ünvanı olaraq ünvan 1ığı yer üzrə ünvanı qeyd edilməmişdir. Hamıya bəlli olan haldır ki, sözügedən inzibati ərazi dairəsində müvəqqəti olaraq yaşayış olmadığından həmin ünvana məhkəmə sənədlərinin göndərilməsi mümkün deyildir. MPM-nin 134 və 168.1-ci maddəsinə əsasən məhkəmə tərəfindən işdə iştirak edən şəxslərə (cavabdehə) iddia ərizəsi və ona əlavə edilmiş sənədlərin rəsmi qaydada verilməsi təmin olunmalıdır. Eyni zamanda cavabdehə dair digər eyniləşdirmə məlumatları qeyd olunmamışdır. Bu göstərilənlərə əsasən məhkəmə hesab edir ki, iddiaçı tərəfindən MPM-in 149-cu maddəsinin tələbi pozulmuşdur. 149.2.3-cü maddənin tələbinə görə ərizədə iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı göstərlməlidir. Yoxlanılan iddia ərizəsi üzrə iddiaçı tərəfindən tələbi əsaslandığı hallara dair sənədlər - mübahisələndirilən məhkəmə aktı iddia ərizəsinə qanunla nəzərdə tutulmuş qaydada əlavə edilməmişdir. MPM-nin 89.3-cü maddəsinə əsasən iş üçün əhəmiyyətli hallar barədə məlumat verən sənədlər yazılı subutlar hesab olunur ki, mülki prosessual qanunvericiliyin tələbinə görə həmin sübutların əsli və ya lazımi qaydada təsdiq edilmiş surəti təqdim olunmalıdır. MPM-nin 152.1, 152.1.1-ci maddəsinin tələbinə görə iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsinin və ona əlavə edilmiş sənədləri geri qaytarır. Göstərilənlərə əsasən ərizə və ona əlavə edilmiş sənədlər iddiaçıya geri qaytarılmalı və ona izah edilməlidir ki, o, qeyd olunan nöqsanları aradan qaldırdıqdan sonra ümumi qaydada ikinci dəfə məhkəməyə müraciət edə bilər. Şərh olunanlara əsasən və Azərbaycan Respublikası MPM-in 149, 152, 263-264, 267-268-cu maddələrini rəhbər tutaraq qərara aldı: İddiaçı Cavabdeh qarşı «alimentin miqdarının artırılması tələbinə dair» ərizəsi və ona əlavə edilmiş sənədlər geri qaytarılsın. İddiaçıya izah edilsin ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad rəsmi qaydada verildikdən sonra 10 (on) gün müddətində Sumqayıt Şəhər Məhkəməsinə şikayət verilə bilər. Hakim Almaz Süleymanova