Sumqayıt Şəhər Məhkəməsi Məhkəmə əmri — İş №2(060)-5672/2021

Azərbaycan Respublikası adından MƏHKƏMƏ ƏMRİ Sumqayıt şəhəri İş № 2(060)-5672/2021 18.06.2021 SUMQAYIT ŞƏHƏR MƏHKƏMƏSİ Sumqayıt Şəhər Məhkəməsinin hakimi Aynur Mirzalı qızı Behbudova, Kreditor MMC-nin Borclu qarşı borcun tutulması tələbinə dair məhkəmə əmrinin verilməsi barədə ərizəsini və ərizəyə əlavə olunmuş sənədləri nəzərdən keçirərək, məhkəmə müəyyən e t d i: Kreditor MMC Borclu qarşı borcun tutulması tələbinə dair məhkəmə əmrinin verilməsi barədə ərizəsi ilə məhkəməyə müraciət edərək, Borclu 11.08.2020-ci il tarixli ******* saylı alqı satqı müqaviləsi üzrə 1053.72 manat əsas borcun, 105 manat cərimə borcunun və 20 manat dövlət rüsumunun Kreditor MMC-nin xeyrinə tutulması barədə məhkəmə əmri çıxarılmasını xahiş etmişdir. Məhkəmə kreditorun təqdim etdiyi sənədləri tədqiq edərək toplanmış sübutlara məcmu halda qiymət verərək hesab edir ki, kreditorun tələbi aşkar olduğundan, tələb sadə yazılı formada bağlanmış əqdə və borclunun mübahisə edilməyən vəzifəsinə əsaslandığından ərizə təmin edilməlidir. İş materiallarına əlavə edilmiş 11.08.2020-ci il tarixli alqı-satqı müaviləsindən görünür ki, cavabdeh Borclu iddiaçı Kreditor MMC-dən bir ədəd ümumi dəyəri 1385.67 manat olan LG DFB512FP modelli qabyuyan maşın almış, satılan əşyanın dəyərini 9 ay müddətinə hissəhissə ödəməyi öhdəsinə götürmüşdür. İş materiallarında olan 11.08.2020-ci il tarixli təhvil-təslim aktından görünür ki, Borclu Kreditor MMC-dən 11.08.2020-ci il tarixli alqı-satqı müqaviləsində nəzərdə tutulmuş LG DFB512FP modelli qabyuyan maşını təhvil almışdır. İş materiallarında olan 11.08.2020-ci il tarixli ödəniş cədvəlindən görünür ki, cavabdeh Borclu 11.08.2020-ci il tarixli müqavilə üzrə LG DFB512FP modelli qabyuyan maşın üçün 332 manat ilkin ödəniş edərək qalan məbləği 9 ay müddətində hər ay 117.08 manat məbləğində pulu Kreditor MMC-nə ödəməyi öhdəsinə götürmüşdür. İş materiallarına əlavə edilmiş Borclu ünvanlanmış 28.04.2021-ci il tarixli pretenziyadan görünür ki, iddiaçı Kreditor MMC tərəfindən cavabdeh Borclu 11.08.2020-ci il tarixdə bağlanmış müqaviləyə əsasən yaranmış borcun 10 gün ərzində ödənilməsi tələb edilmiş, əks halda borcun məhkəmə qaydasında tələb ediləcəyi barədə xəbərdarlıq edilmişdir. İş materiallarında olan Kreditor MMC tərəfindən verilmiş maliyyə arayışından görünür ki, 11.08.2020-ci il tarixli alqı-satqı müqaviləsi üzrə Borclu 1053.72 manat əsas borcu, 105 manat cərimə borcu vardır. Azərbaycan Respublikası MM-nin 385.1-ci maddəsinin tələbinə görə öhdəliyə görə bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 425.1-ci maddəsində göstərilir ki, öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. Həmin Məcəllənin 442-ci maddəsinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-ci maddəsinə əsasən, əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Azərbaycan Respublikası MPM-nin 276.1-ci və 276.2.2-ci maddələrinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanarsa bu hallarda məhkəmə əmri verilə bilər, tələb sadə yazılı formada bağlanmış əqdə əsaslanarsa bu hallarda məhkəmə əmri verilə bilər. İş materiallarına əlavə edilmiş qəbzdən görünür ki, məhkəmə əmri verilməsi üçün kreditor tərəfindən 20 manat məbləğində dövlət rüsumu ödənilmişdir. Azərbaycan Respublikası Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Yuxarıda göstərilənləri nəzərə alaraq və Azərbaycan Respublikası MPM-nin 275, 276, 280, 281 və 282-ci maddələrini rəhbər tutaraq, məhkəmə əmr etdi : Borclu 1053.72 (min əlli üç manat yetmiş iki qəpik) manat əsas borc, 105 (yüz beş) manat cərimə borcu və 20 (iyirmi) manat ödənilmiş dövlət rüsumu tutulub Kreditor xeyrinə ödənilsin. Borclu məhkəmə əmrini aldığı gündən 10 gün müddətində verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim Aynur Behbudova