Sumqayıt Şəhər Məhkəməsi Qərardad — İş №2(060)-6060/2021

Azərbaycan Respublikası adından QƏRARDAD Sumqayıt şəhəri İş № 2(060)-6060/2021 02.08.2021 SUMQAYIT ŞƏHƏR MƏHKƏMƏSİ X1 Behbudovanın sədrliyi, Həsənli Mehriban Hüseyn qızının katibliyi, Cavabdeh iştirakı ilə, İddiaçı "xxxx" BOKT QSC-nin Cavabdeh qarşı pul tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçı "xxxx" BOKT QSC Cavabdeh qarşı pul tələbinə dair iddia ərizəsi ilə məhkəməyə müraciət edərək, "xxxx" BOKT QSC ilə Cavabdeh arasında bağlanmış 08.07.2019-cu il tarixli, 219-0***-******* nömrəli kredit müqaviləsinə əsasən Cavabdeh 1285,08 (min iki yüz səksən beş manat səkkiz qəpik) AZN əsas borc, 863,29 (səkkiz yüz altmış üç manat iyirmi doqquz qəpik) AZN faiz borcu, ümumilikdə 2148,37 (iki min yüz qırx səkkiz manat otuz yeddi qəpik) AZN məbləğində borcun və ödənilmiş 30 (otuz) manat məbləğində dövlət rüsumunun cavabdehdən tutulması barədə qətnamə çıxarılmasını məhkəmədən xahiş etmişdir. Məhkəmənin icraatına 29.06.2021-ci il tarixdə daxil olmuş mülki işin hazırlıq iclası 12.07.2021-ci il tarixə, saat 10:10-a təyin edilmiş, məhkəmə baxış iclası isə 02.08.2021-ci il tarixə, saat 11:40-a təyin olunmuşdur. 02.08.2021-ci il tarixində keçirilmiş baxış iclasına Cavabdeh gəlmiş, lakin iddiaçı "xxxx" BOKT QSC məhkəmə iclasının yeri və vaxtı barədə qanunla müəyyən olunmuş qaydada xəbərdar edilməsinə baxmayaraq, məhkəmə iclasına gəlməmiş və işə onun iştirakı olmadan baxılmasını xahiş etməmişdir. Cavabdeh məhkəmə iclasında işin mahiyyəti üzrə baxılmasını tələb etmədi. Azərbaycan Respublikası Mülki Prosessual Məcəlləsinin 259.0.7-ci maddəsinə əsasən işə onun iştirakı olmadan baxmağı xahiş etməmiş iddiaçı məhkəmənin birinci çağırışında gəlmədikdə, cavabdeh isə işin mahiyyəti üzrə baxılmasını tələb etmədikdə məhkəmə ərizəni baxılmamış saxlayır. Məhkəmə hesab edir ki, iddiaçı "xxxx" BOKT QSC-nin Cavabdeh qarşı pul tələbinə dair iddia ərizəsi baxılmamış saxlanılmalıdır. Yuxarıda göstərilənlərə əsasən və Azərbaycan Respublikası MPM-in 259-260-cı maddələrinin tələblərini rəhbər tutaraq, məhkəmə QƏRARA ALDİ: İddiaçı "xxxx" BOKT QSC-nin Cavabdeh qarşı pul tələbinə edilməsinə dair ərizəsi baxılmamış saxlansın. Qərardaddan rəsmi qaydada verildiyi gündən 10 gün müddətində Sumqayıt Şəhər Məhkəməsinə şikayət verilə bilər. Hakim: Aynur Behbudova