Sumqayıt Şəhər Məhkəməsi Qərardad — İş №2(060)-8527/2021

Azərbaycan Respublikası adından QƏRARDAD Sumqayıt şəhəri İş № 2(060)-8527/2021 04.10.2021 SUMQAYIT ŞƏHƏR MƏHKƏMƏSİ İddiaçı Açıq Səhmdar Cəmiyyətinin Cavabdeh qarşı borcun tutulması barədə iddia ərizəsinə və ona əlavə edilmiş sənədlərə baxaraq, məhkəmə MÜƏYYƏN ETDİ: İddiaçı Açıq Səhmdar Cəmiyyəti (bundan sonra - iddiaçı) Cavabdeh (bundan sonra – cavabdeh) qarşı iddia ərizəsi ilə Sumqayıt Şəhər Məhkəməsinə müraciət edərək, cavabdehdən iddiaçının xeyrinə 24.12.2019-cu il tarixli, 4-Y-3-0-3001-19 nömrəli kredit müqaviləsi üzrə 1123,1 manat əsas borc, 38,6 manat faiz borcu və 1,04 manat cərimə borcu olmaqla, ümumilikdə cəmi 1162,74 manat borcun və 10.07.2019-cu il tarixli, 4-Y-2-0- 1724-19 nömrəli kredit müqaviləsi üzrə 2628,76 manat əsas borc, 30,52 manat faiz borcu olmaqla, ümumilikdə cəmi 2659,28 manat borcun və 30 manat ödənilmiş dövlət rüsumunun tutulmasını, iddiaçı ilə cavabdeh arasında bağlanmış 24.12.2019-cu il tarixli, 4- Y-3-0-3001-19 nömrəli kredit müqaviləsinin və 10.07.2019-cu il tarixli, 4-Y-2-0-1724-19 nömrəli kredit müqaviləsinin ləğv edilməsini xahiş etmişdir. Müəyyən olunmuşdur ki, iddia ərizəsi iddiaçının nümayəndəsi kimi İsa Hacıyev tərəfindən imzalanmışdır. Lakin həmin şəxsə hüquqi şəxsin rəhbəri tərəfindən iddia ərizəsini imzalamaq səlahiyyətinin verilməsi barədə iş materiallarında hər hansı bir sənəd mövcud deyildir. Yəni, iddia ərizəsi məhkəməyə verilərkən onu imzalayan şəxsin iddia ərizəsini imzalamaq səlahiyyəti olmamışdır. Belə ki, Azərbaycan Respublikası Mülki Prosessual Məcəlləsinə (bundan sonra – MPM) əsasən iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır (149.1.). İddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda, hakim iddia ərizəsini və ona əlavə edilmiş sənədləri geri qaytarır (152.1.2.). Məhkəmə hesab edir ki, iddia ərizəsi onu imzalamaq səlahiyyəti olmayan şəxs tərəfindən imzalandığı üçün ona əlavə edilmiş sənədlərlə birlikdə geri qaytarılmalıdır. Yuxarıda göstərilənlərə əsasən və MPM-in 149-152-ci maddələrini rəhbər tutaraq, Məhkəmə QƏRARA ALDİ : İddiaçı Açıq Səhmdar Cəmiyyətinin Cavabdeh qarşı borcun tutulması barədə iddia ərizəsi və ona əlavə edilmiş sənədlər iddiaçıya qaytarılsın. Qərardaddan işdə iştirak edən şəxslərə rəsmi qaydada verildiyi gündən 10 (on) gün müddətində Sumqayıt Şəhər Məhkəməsinə şikayət verilə bilər. Hakim Emin Abdullayev