Sumqayıt Şəhər Məhkəməsi Qətnamə — İş №2(060)-9300/2021

Azərbaycan Respublikası adından QƏTNAMƏ Sumqayıt şəhəri İş № 2(060)-9300/2021 13.12.2021 SUMQAYIT ŞƏHƏR MƏHKƏMƏSİ Hakim İsmayılov Azər İbrahim oğlu, İddiaçı "xxxx" MMC-nin Cavabdeh qarşı “pul tələbinə” dair mülki işə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı "xxxx" MMC Cavabdeh qarşı “pul tələbinə” dair iddia ərizəsi ilə məhkəməyə müraciət edərək, 17.11.2017-ci il tarixli müqaviləyə əsasən, İMEİ kodu **********94058 LG Q6 markalı telefon üçün 461 (dörd yüz altmış bir) manat ödənilməmiş hissə, 0 (sıfır) manat cərimə, 26.01.2018-ci il tarixli müqaviləyə əsasən Playstation-4 pult üçün 75 (yetmiş beş) manat ödənilməmiş hissə, 0 (sıfır) manat cərimə, 13.02.2018-ci il tarixli müqaviləyə əsasən, Soyuducu HOFFMANN üçün 173 (yüz yetmiş üç) manat ödənilməmiş hissə, 0 (sıfır) manat cərimə, 13.02.2018-ci il tarixli müqaviləyə əsasən, Playstation-4 pult üçün, 66 (altmış altı) manat ödənilməmiş hissə, 0 (sıfır) manat cərimə olmaqla, ümumilikdə 775 manat borc və 30 manat ödənilmiş dövlət rüsumu cavabdehdən alınaraq iddiaçı "xxxx" MMC-nin xeyrinə tutulmasına dair qətnamə çıxarılmasını xahiş etmişdir. İddia onunla əsaslandırılmışdır ki, cavabdeh, "xxxx" MMC ilə bağladığı 17.11.2017-ci il, 26.01.2018-ci il və 13.02.2018- ci il, 13.02.2018-ci il tarixli müqaviləyə əsasən, İMEİ kodu **********94058 LG Q6 markalı telefon, Playstation-4 pult, Soyuducu HOFFMANN və Playstation-4 pult almış və nəticədə 775 (yeddi yüz yetmiş beş) manat borc yaranmışdır. Cavabdeh müqavilələrin şərtlərini pozmuş və nəticədə nəticədə 17.11.2017-ci il tarixli müqaviləyə əsasən, alqı-satqı qiyməti 744 (yeddi yüz qırx dörd) manat (24 ay x 31 manat + 0 manat ilkin ödəniş) İMEİ kodu **********94058 LG Q6 markalı telefon üçün ümumilikdə, 461 (dördyüz altmış bir) manat olmaqla ondan, 461 (dörd yüz altmış bir) manat ödənilməmiş hissə, müştəriyə güzəşt olunaraq 0 (sıfır) manat cərimə borcu yaranmışdır. 26.01.2018-ci il tarixli müqaviləyə əsasən, alqı-satqı qiyməti 125 (yüz iyirmi beş) manat (12 ay x 10 manat + 5 manat ilkin ödəniş) playstation-4 pult üçün ümumilikdə, 75 (yetmiş beş) manat olmaqla ondan, 75 (yetmiş beş) manat ödənilməmiş hissə, müştəriyə güzəşt olunaraq 0 (sıfır) manat cərimə borcu yaranmışdır. 13.02.2018-ci il tarixli müqaviləyə əsasən, alqı-satqı qiyməti 1299 (min iki yüz doxsan doqquz) manat (18 ay x 72 manat + 3 manat ilkin ödəniş) Soyuducu HOFFMANN üçün ümumilikdə, 173 (yüz yetmiş üç) manat olmaqla ondan, 173 (yüz yetmiş üç) manat ödənilməmiş hissə, müştəriyə güzəşt olunaraq 0 (sıfır) manat cərimə borcu yaranmışdır. 13.02.2018-ci il tarixli müqaviləyə əsasən, alqı-satqı qiyməti 132 (yüz otuz iki) manat (12 ay x 11 manat + 0 manat ilkin ödəniş) Playstation-4 pult üçün ümumilikdə, 66 (altmış altı) manat olmaqla ondan, 66 (altmış altı) manat ödənilməmiş hissə, müştəriyə güzəşt olunaraq 0 (sıfır) manat cərimə borcu yaranmışdır. Cavabdehin 17.11.2017-ci il tarixli müqavilə üzrə sonuncu ödəniş tarixi 26.10.2018-ci il, 13.02.2018-ci il tarixli müqavilə üzrə sonuncu ödəniş tarixi 22.01.2021-ci il tarixi olmaqla cəmi ödədiyi məbləğ 1525 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Azərbaycan Respublikası Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Məhkəmə Azərbaycan Respublikası Mülki Prosessual Məcəlləsinin 284-1-ci maddəsinə istinadən mübahisəyə kiçik iddialar üzrə sadələşdirilmiş icraat qaydasında baxılmasını mümkün hesab etmiş və cavabdehə iddia tələbi barədə bildiriş göndərilmiş, lakin qanunla nəzərdə tutulmuş müddətdə iddia ilə bağlı etiraz daxil olmamışdır. MPM-nin 284-5.3-cü maddəsinə əsasən ərizə məhkəməyə daxil olduğu gündən 30 iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağrılmadan baxılmalı və həmin işin həllinə dair qətnamə çıxarılmalıdır. Məhkəmə təqdim edilmiş sübutlara məcmu halında qiymət verərək hesab edir ki, iddia təmin olunmalıdır. Məhkəmə gəldiyi nəticəni aşağıda qeyd olunanlarla əsaslandırır. İş materiallarında olan alqı-satqı müqavilələrindən görünür ki, cavabdeh, "xxxx" MMC ilə bağladığı 17.11.2017-ci il, 26.01.2018-ci il və 13.02.2018- ci il, 13.02.2018-ci il tarixli müqaviləsinə əsasən, İMEİ kodu **********94058 LG Q6 markalı telefon, Playstation-4 pult, Soyuducu HOFFMANN və Playstation-4 pult almış və nəticədə 775 (yeddi yüz yetmiş beş) manat borc yaranmışdır. İş materiallarında olan maliyyə və ödəniş cədvəlindən görünür ki, Cavabdeh iddiaçı "xxxx" MMC-yə İMEİ kodu **********94058 LG Q6 markalı telefon, Playstation-4 pult, Soyuducu HOFFMANN və Playstation-4 pult üçün 775 (yeddi yüz yetmiş beş) manat borcu vardır. Beləliklə, məhkəmə araşdırması zamanı müəyyən edildi ki, tərəflər arasında alqı-satqı müqaviləsindən irəli gələn öhdəlik hüquq münasibətləri yaranmış, iddiaçı üzərinə götürdüyü öhdəliyi yerinə yetirmiş, yəni müqavilədə nəzərdə tutulan avadanlığı cavabdehə vermiş, lakin cavabdeh hər ay ödəniş cədvəlinə uyğun olaraq pul ödəməli olduğu halda vaxtında ödəniş etməmiş, bununla da müqavilədə nəzərdə tutulmuş öhdəliklərini lazımi qaydada və vaxtında yerinə yetirməmişdir. Nəticədə cavabdehin iddiaçı qarşısında icra edilməmiş pul öhdəliyi yaranmışdır. Məhkəmə işin hallarına Azərbaycan Respublikası Mülki Məcəlləsinin 385.1, 386.1, 442, 445, 448.1, 739.1, 739.2-ci maddələrinə istinadən qiymət verərək hesab edir ki, iddiaçının tələbi əsaslıdır, borclu onun risk dairəsinə daxil olan öhdəliklərin icra edilmədiyi bütün hallar üçün iddiaçı qarşısında cavabdehdir və mülki məsuliyyət daşıyır. Azərbaycan Respublikası Mülki Prosessual Məcəlləsinin 14.2-ci maddəsinin tələbinə görə, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələb və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Bundan başqa iş materiallarından görünür ki, iddiaçı iddia ərizəsi ilə məhkəməyə müraciət edən zaman 30 manat dövlət rüsumu ödəmişdir. Azərbaycan Respublikası Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə toplanmış və tədqiq olunmuş sübutlara məcmu halda hüquqi qiymət verərək bu nəticəyə gəlir ki, iddia tələbi təmin edilməli, Cavabdeh İMEİ kodu **********94058 LG Q6 markalı telefon, Playstation-4 pult, Soyuducu HOFFMANN və Playstation-4 pult üçün 775 manat məbləğində pul və 30 manat ödənilmiş dövlət rüsumu olmaqla, ümumilikdə 1005 manat iddiaçı "xxxx" MMC-nin xeyrinə tutulmalıdır. Göstərilənlərə əsasən və Azərbaycan Respublikası MPM-in 119, 216-220, 227, 233, 284-1, 284-5.3, 360-cı maddələrini rəhbər tutaraq, məhkəmə QƏT ETDİ: İddia tələbi təmin edilsin. Cavabdeh İMEİ kodu **********94058 olan LG Q6 markalı telefon, Playstation-4 pult, Soyuducu HOFFMANN və Playstation-4 pult üçün 775 manat məbləğində pul və 30 manat ödənilmiş dövlət rüsumu olmaqla, ümumilikdə 805 manat iddiaçı "xxxx" MMC-nin xeyrinə tutulsun. Qətnamədən məhkəmə qətnaməsi rəsmi qaydada verildiyi gündən bir ay müddətində Sumqayıt Şəhər Məhkəməsi vasitəsi ilə Sumqayıt Apellyasiya məhkəməsinə apellyasiya şikayəti verilə bilər. HAKİM: AZƏR İSMAYİLOV