Tərtər Rayon Məhkəməsi Qətnamə — İş №2(061)-172/2025

Azərbaycan Respublikası adından QƏTNAMƏ Tərtər rayonu İş № 2(061)-172/2025 10.02.2025 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, Hacıyev Ramin Firudin oğlunun katibliyi, İddiaçı, Cavabdeh iştirakları ilə İddiaçı Cavabdeh qarşı alimentin artırılması tələbinə dair mülki işə açıq məhkəmə iclasında baxaraq, M Ü Ə Y Y Ə N E T D İ: İddiaçı Cavabdeh qarşı cavabdehdən hal-hazırda Xocalı Rayon Məhkəməsinin 07 yanvar 2022-ciil tarixli 2(070)-12/2022 saylı qətnaməsinə əsasən alınan alimentin miqdarı dəyişdirilərək xx.xx.2015-ci il təvəllüdlü X8 və xx.xx.2017-ci il təvəllüdlü X1 üçün hər ay sabit pul məbləğində 235 manat olmaqla, cəmi 470 manat aliment və mediasiya sesiyası üçün ödənilmiş 55 manat xidmət haqqının alınaraq ona ödənilməsi barədə qətnamə çıxarılmasını məhkəmədən xahiş etmişdir. İddiaçı məhkəmə iclası zamanı iddia tələbini müdafiə edərək əsasən ərizənin məzmununa uyğun izahat vermiş və əlavə olaraq göstərmişdir ki, Cavabdeh ilə ailə qurmuş, nikahları rəsmiləşdirilmişdir. Aralarında olan mübahisələrə görə ayrı yaşayırlar. Birgə yaşadıqları dövrdə anadan olmuş xx.xx.2015-ci il təvəllüdlü X8 və xx.xx.2017-ci il təvəllüdlü X7 adlı uşaqlar onun himayəsində qalmışdır. Hazırda da uşaqlar onun yanında yaşayır. Uşaqların yetkinlik yaşına çatanadək saxlanmaları üçün Xocalı Rayon Məhkəməsinin xx.xx.2022-ci il tarixli 2(070)-12/2022 nömrəli qətnaməsinə əsasən cavabdehdən hər ay cəmi 120 manat alimentin alınaraq ona verilməsi qət edilmişdir. Hazırda həmin məbləğlə Ayxan və Aydan adlı uşaqları saxlamaq çətinlik törədir. Uşaqların gündəlik tələbatları artır. Belə vəziyyətdə uşaqlarını tək başına saxlaya bilmir. Hazırda uşaqlara görə heç bir yerdə işləyə bilmədiyini, maddi vəziyyətinin ağır olduğunu bildirmişdir. Uşaqlarının saxlanılmasında maddi sıxıntılar çəkir. Hazırda cavabdehin ödədiyi 120 manat alimentdən əlavə ona uşaqların saxlanmaları üçün maddi köməklik göstərmir. Odur ki, Cavabdeh xx.xx.2015-ci il təvəllüdlü X8 və xx.xx.2017-ci il təvəllüdlü X1 üçün hər ay sabit pul məbləğində 235 (iki yüz otuz beş) manat olmaqla, cəmi 470 (dörd yüz yetmiş beş) manat aliment və mediasiya sesiyası üçün ödənilmiş 55 (əlli beş) manat xidmət haqqının alınaraq ona ödənilməsi barədə qətnamə çıxarılmasını məhkəmədən xahiş etmişdir. Cavabdeh məhkəmə iclası zamanı iddianı qismən qəbul etmiş və izahatında göstərmişdir ki, iddiaçı ilə aralarında olan mübahisələrə görə ayrılmışlar. İddiaçı ilə bir yaşadıqları dövrdə xx.xx.2015-ci il təvəllüdlü X8 və xx.xx.2017-ci il təvəllüdlü X7 adlı uşaqları olmuşdur. Uşaqlar iddiaçının yanında qalmışlar. Hər iki uşağının ona verilməsini istəyir. Hazırda iddiaçıya uşaqların saxlanmaları üçün 120 manat alimenti çətinliklə ödəyir. İddiaçı məhkəmədə ona qarşı xx.xx.2015-ci il təvəllüdlü X8 və xx.xx.2017-ci il təvəllüdlü X1 üçün hər ay sabit pul məbləğində 235 (iki yüz otuz beş) manat olmaqla, cəmi 470 (dörd yüz yetmiş beş) manat aliment və mediasiya sesiyası üçün ödənilmiş 55 (əlli beş) manat xidmət haqqının alınaraq ona ödənilməsi barədə qətnamə çıxarılmasını xahiş etmişdir. Bununla bağlı etiraz ərizələri vermişdir. Belə ki, İİ qrup əlildir. Heç bir yerdə işləmir. Başqa qadınla ailə qurmuşdur. İddiaçıya iki uşağına görə aliment verməkdən imtina etmir. Onlar onun övladlarıdır. Lakin iddianın 10 manat artırılmasına maddi imkanın olduğunu və iddianın həmin məbləğdə təmin edilməsini xahiş etmişdir. Məhkəmə cavabdehə uşaqlarının maraq və mənafelərinə xələl gətirməmək şərti ilə onun yanında qalmaları ilə bağlı məhkəmədə iddia qaldırmaq hüququna malik olduğunu ona izah etdi. Məhkəmədə elan olunmuş doğum haqqında şəhadətnamələrin surətlərindən görünür ki, tərəflərin xx.xx.2015-ci il təvəllüdlü X8 və xx.xx.2017-ci il təvəllüdlü X7 adlı uşaqları anadan olmuşdur. Məhkəmədə elan olunmuş Xocalı Rayon Məhkəməsinin xx.xx.2022-ci il tarixli 2(070)- 12/2022 saylı qətnaməsinin surətindən görünür ki, həmin qətnamə ilə Cavabdeh ilə Əliyeva (Əlizadə) Nərminə Elxan qızı arasında Goranboy Rayon Aşağı Ağcakənd İƏD-i üzrə nümayəndəlikdə 02 iyul 2014-cü il tarixdə 13 nömrə ilə qeydə alınmış nikahın pozulması, tərəflərin birgə nikahlarından olan xx.xx.2015-ci il təvəllüdlü X8 və xx.xx.2017-ci il təvəllüdlü X7 adlı uşaqların anaları Əliyeva (Əlizadə) Nərminə Elxan qızının yanında qalmaları, X4 və X3 yetkinlik yaşına çatanadək saxlanılmaları üçün iddiaçı Cavabdeh xx.xx.2021-ci ildən başlayaraq hər ay hər birinə 60 manat sabit pul məbləğində alimentin cavabdeh İddiaçı xeyrinə tutulması qət edilmişdir. İşdə olan xx.xx.2024-cü il tarixli ilkin mediasiya sessiyasında iştirak edilməməsi barədə arayışdan görünür ki, İddiaçı Cavabdeh qarşı alimentin artırılması tələbi ilə bağlı Mediasiya Şurasına müraciət etmişdir. xx.xx.2024-cü il tarixdə tərəflərə göndərilən bildirişlər onlara çatdırılmışdır. Cavabdeh ilkin mediasiya sessiyasında iştirak etməmişdir. lakin onlar mediasiya prosesini davam etdirməklə bağlı razılığa gəlməmişlər. İddiaçı 55 manat mediasiya xərcini ödəmişdir. İşdə olan pensiya haqqında arayışın surətindən görünür ki, Cavabdeh 356 manat pensiya alır. İşdə olan seriya AA № 149965 nömrəli məcburi köçkünlük vəsiqəsinin surətindən görünür ki, Cavabdeh məcburi köşkündür. İşdə olan Tibbi-Sosial Ekspert Komissiyasında sonuncu müayinəyə dair məlumatın surətindən görünür ki, Cavabdeh İİ qrup əlildir. Məhkəmə iddiaçının, cavabdehin izahatlarını, işdə olan sənədləri və digər iş materiallarını tam və hərtərəfli araşdıraraq hesab edir ki, iddia qismən əsaslı olduğundan qismən təmin edilməlidir. Belə ki, məhkəmə iclası zamanı müəyyən edilmişdir ki, tərəflər aralarında olan mübahisələrə görə ayrılmış, ər-arvad münasibətləri pozulmuşdur. Onların birgə yaşadıqları dövrdə anadan olmuş xx.xx.2015-ci il təvəllüdlü X8 və xx.xx.2017-ci il təvəllüdlü X7 adlı uşaqları iddiaçının yanında qalmışdır. Xocalı Rayon Məhkəməsinin xx.xx.2022-ci il tarixli 2(070)- 12/2022 saylı qətnaməsinin surətindən görünür ki, həmin qətnamə ilə Cavabdeh ilə Əliyeva (Əlizadə) Nərminə Elxan qızı arasında Goranboy Rayon Aşağı Ağcakənd İƏD-i üzrə nümayəndəlikdə 02 iyul 2014-cü il tarixdə 13 nömrə ilə qeydə alınmış nikahın pozulması, tərəflərin birgə nikahlarından olan xx.xx.2015-ci il təvəllüdlü X8 və xx.xx.2017-ci il təvəllüdlü X7 adlı uşaqların anaları Əliyeva (Əlizadə) Nərminə Elxan qızının yanında qalmaları, X4 və X3 yetkinlik yaşına çatanadək saxlanılmaları üçün iddiaçı Cavabdeh xx.xx.2021-ci ildən başlayaraq hər ay hər birinə 60 manat sabit pul məbləğində alimentin cavabdeh İddiaçı xeyrinə tutulması qət edilmişdir. Məhkəmə iclasında izahat vermiş iddiaçı uşaqların gündəlik tələbatlarının artdığını, onları saxlamaqda çətinlik çəkdiyini, cavabdehin normal maddi vəziyyətini nəzərə alaraq alimentin məbləğinin artırılmaqla hər ay hər uşaq üçün 235 manat olmaqla, 470 manat alimentin alınaraq ona verilməsini xahiş etmişdir. İddiaçı cavabdehin gəlirlərində artımlar olduğunu göstərsə belə, onun hər ay kifayət qədər qazanc əldə etməsini məhkəmə iclasında sübuta yetirə və bu barədə mötəbər sübutu məhkəməyə təqdim edə bilməmişdir. O, yalnız öz şəxsi mülahizələrinə əsaslanaraq izahat vermişdir. Azərbaycan Respublikası Mülki Prosessual Məcəlləsinin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məhkəmə iclasında izahat vermiş Cavabdeh Ayxan və Aydan adlı uşaqların onun övladı olmasını, lakin xəstə olmasını, İİ qrup əlil olmasını, başqa qadınla ailə qurmasını, maddi vəziyyəti ilə bağlı alimentin məbləğinin hər ay hər uşaq üçün 10 manat artırılmasına etiraz etmədiyini göstərmişdir. Azərbaycan Respublikasının Ailə Məcəlləsinin 112.1-ci maddəsi alimentin miqdarının artırılmasını (azaldılmasını) tərəflərin maddi və ya ailə vəziyyətində dəyişikliyin baş verməsi ilə bağlamışdır. İş materiallarının əlaqəli təhlili və işin müəyyən olunmuş halları məhkəməyə belə nəticəyə gəlməyə əsas verir ki, ödənilən alimentin miqdarının artırılaraq hər ay 200 manat sabit pul məbləği həddində müəyyən edilməsi tərəflərin real vəziyyətinə uyğun gəlir. Belə ki, azyaşlı uşaq ananın yanında yaşayır və onun bütün xərcləri mütəmadi şəkildə artmaqda davam etməklə yanaşı, iddiaçı tərəfindən ödənilir. Azərbaycan Respublikası Ailə Məcəlləsinin 78.2-ci maddəsinə görə alimentin sabit pul məbləğində tutulmasının miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. “Uşaq Hüquqları Haqqında” Azərbaycan Respublikası Qanununun 8-ci maddəsinə əsasən hər uşağın yaşamaq, normal şəraitdə fiziki, əqli və mənəvi cəhətdən inkişaf etmə hüququ vardır. Dövlət bu şəraiti təmin edən iqtisadi, sosial hüquq və digər tədbirlər görməyi, sağlam və təhlükəsiz mühit yaratmağı öz öhdəsinə götürür. Həmin Qanunun 13-cü maddəsinə əsasən uşağın Azərbaycan Respublikasının qaqnunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır. Həmin Qanununun 19-cu maddəsində göstərilir ki, uşağın qabiliyyətinin inkişaf etdirilməsi, onun maddi və mənəvi tələbatlarının təmin edilməsi, hüquq və mənafelərinin mühafizəsi valideynlərin əsas vəzifələridir. 12 noyabr 1989-cu ildə qəbul olunmuş “Uşaq Hüquqları Haqqında” Birləşmiş Millətlər Təşkilatının Konvensiyasının 3-cü maddəsinə əsasən sosial təminat məsələləri ilə məşğul olan dövlət idarələri və ya özəl idarələr, məhkəmələr, inzibati orqanlar, yaxud qanunvericilik orqanları həyata keçirilib–keçirilməməsindən asılı olmayaraq uşaqlar barəsində görülən bütün tədbirlərdə uşağın maraqlarının daha yaxşı təmin edilməsinə ilk növbədə diqqət yetirməlidir. “Yaşayış minimumu haqqında” Azərbaycan Respublikasının Qanununa əsasən 2025-ci il üçün yaşayış minimumun məbləği uşaqlar üçün 246 manat məbləğində müəyyən edilmişdir. İddiaçı Cavabdeh qarşı alimentin artırılması tələbi ilə bağlı iddiası xx.xx.2024-cü il tarixdə məhkəmənin icraatına daxil olmuşdur. “Əhalinin sosial rifahının yaxşılaşdırılması sahəsində tədbirlərin davam etdirilməsi haqqında” Azərbaycan Respublikası Prezientinin xx.xx.2023-cü il tarixli sərəncamına əsasən minimum aylıq əmək haqqının məbləği xx.xx.2024-cü il tarixdən 345 (üç yüz qırx beş) manat hədində müəyyən edilmişdir. “Azərbaycan Respubikası Ali Məhkəməsi Plenumunun bəzi qərarlarında dəyişiklik edilməsi barədə” Azərbaycan Respubikası Ali Məhkəməsi Plenumunun 20 dekabr 2024-cü il tarixli qərarının 8.4-1-ci bəndinə əsasən Ailə Məcəlləsinin 110.2-ci maddəsinə əsasən alimentin indeksasiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. İstinad edilən maddənin tələbindən göründüyü kimi məhkəmələr sabit pul məbləğində aliment təyin edərkən onun miqdarını ölkə üzrə minimum əmək haqqı məbləğinin müvafiq misli həddində müəyyən etməlidirlər. Odur ki, məhkəmə hər iki tərəfin maddi və ailə vəziyyətini, uşaqların mənafelərini və iddiaçının himayəsində yaşamalarını, habelə digər halları nəzərə alaraq hesab edir ki, hazırda iddiaçının uşaqlarıına ödənilən alimentin miqdarı, uşaqlar üçün müəyyən olunmuş yaşayış minimumu ilə müqayisədə o dərəcədə az deyildır. Bundan başqa, iddiaçı alimentin məbləğinin artırılması ilə bağlı xx.xx.2022-ci il tarixdə məhkəməyə müraciət etmiş və həmin vaxt alimentin məbləği umumilkdə 120 manat müəyyən edilmişdir. Aradan 3 ildən artıq müddət keçmiş iddiaçı yenidən maddi vəziyyətlə bağlı məhkəmədə alimentin artırılması barədə iddia qaldırmışdır. Belə ki, uşaqlar böyümüş, onların maddi tələbatı da artmışdır. Uşaqların yaşayış minimumunun artması alimentin məbləğinin artırılması üçün qanuni əsas sayıla bilər. Ona görə də məhkəmə belə nəticəyə gəlir ki, azyaşlı uşaqlara təyin olunmuş alimentin artırılması üçün Azərbaycan Respublikasının Ailə Məcəlləsinin 112.1-ci maddəsində nəzərdə tutulmuş əsaslar vardır. Alimentin məbləği artırılarkən həm də nəzərə alınmalıdır ki, uşaqları saxlamaq hər iki valideynin vəzifəsidir və onların maddi tələbatları valideynlərin hər biri tərəfindən ödənilməlidir. Valideyn heç bir halda (hətta başqası ilə evləndikdə belə) uşaqların normal maddi təminatını ödəmək vəzifəsindən azad edilmir və qanuna görə uşaqların zəruri dolanışıq səviyyəsini təmin etməyə borcludur. Qeyd olunmalıdır ki, tərəflərin maddi və ailə vəziyyəti, habelə diqqətəlayiq olan digər hallar, uşaqların minimal dolanışıq səviyyəsindən də aşağı aliment müəyyən olunmasına əsas vermir. Çünki tərəflərin maddi vəziyyəti və diqqətəlayiq olan digər hallarla müqayisədə uşaqların mənafelərinə üstünlük verilməli, uşaqların maraqlarının daha yaxşı təmin olunması əsas götürülməlidir. Azərbaycan Respublikası MPM-in 76.2-ci maddəsinə görə sübutlar şahidlərin ifadələri və işdə iştirak edən şəxslərin izahatları ilə də müəyyən edilir. Həmin Məcəllənin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 88-ci maddəsinə əsasən, məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur. Qeyd edilən Məcəllənin 106.1-ci maddəsinə əsasən, işdə iştirak edən şəxslərin iş üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yanaşı yoxlanılmalı və qiymətləndirilməlidir. Həmin Məcəllənin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Həmin Məcəllənin 218.3-cü maddəsinə görə hakim işdə iştirak edən şəxslərin verdiyi tələblər üzrə qətnamə çıxarır. Lakin hakim qanunda göstərilən müstəsna hallarda iddia tələblərindən kənara çıxa bilər. Göründüyü kimi hazırki vəziyyətdə baxılan tələblə bağlı belə hal müəyyən edilməmişdir. Həmin Məcəllənin 112.1.3-cü maddəsinə əsasən, aliment alınması haqqındakı iddialarda iddianın qiyməti bir il ərzində ödəmənin məcmusu ilə müəyyən edilir. Məhkəmə hər iki tərəfin maddi və ailə vəziyyətini, azyaşlı uşağın mənafeyini və iddiaçının himayəsində yaşamasını habelə digər halları nəzərə alaraq hesab edir ki, cavabdehdən hər ay bir uşağın yetkinlik yaşına çatanadək saxlanılması üçün ölkə üzrə müəyyən olunmuş minimum əmək haqqının 0,44 misli həddində sabit pul məbləğində alimentin müəyyən edilməsi cavabdehi əlverişsiz vəziyyətə salmır. «Dövlət rüsümü haqqında» Azərbaycan Respublikası Qanununun 8.1.2-ci maddəsinə əsasən hazırki iddia ilə bağlı iddia qiyməti 1000 manatdan 10000 matadək məbləğdə olduğundan 56 (əlli altı) manat dövlət rüsumu hesablanır. Azərbaycan Respublikası Mülki Prosessual Məcəllənin 119.2-ci maddəsində göstərilmişdir ki, iddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə münasib olaraq cavabdehdən tutularaq dövlət gəlirinə alınır. Məhkəmə hesab edir ki, Cavabdeh bir il ərzində tutulacaq alimentin miqdarı 1000 manatdan yuxarı, yəni illik (345 manat x 0,44 misli =151,80 manat x 2 = 303,60 manat x 12 ay = 3643,2 manat) ümumilikdə 3643,2 manat olduğuna görə, sonuncudan dövlət rüsumu olaraq 56 (əlli altı) manat alınaraq dövlət nəfinə və İddiaçı Mediasiya sesiyyasında ödədiyi 55 (əlli beş) manat xidmət haqqı Cavabdeh tutularaq İddiaçı verilməlidir. Azərbaycan Respublikası MPM-in 112.1.3-cü maddəsinə əsasən, aliment alınması haqqındakı iddialarda iddianın qiyməti bir il ərzində ödəmənin məcmusu ilə müəyyən edilir. Sübutların məcmusuna qiymət verərək məhkəmə belə nəticəyə gəlir ki, iddia tələbi qismən təmin edilməli, Cavabdeh xx.xx.2024-cü il tarixdən başlayaraq yetkinlik yaşına çatmayan xx.xx.2015-ci il təvəllüdlü X8 və xx.xx.2017-ci il təvəllüdlü X2 üçün sonrakı artımlar nəzərə alınmaqla, hər uşağa hər ay ölkə üzrə müəyyən olunmuş minimum əmək haqqının 0,44 misli (345 manat x 0,44 misli =151,80 manat x 2 = 303,60 manat) həddində sabit pul məbləğində aliment alınaraq İddiaçı xeyrinə tutulmalıdır. İddia tələbi qalan hissədə təmin edilməməlidir. Qeyd olunanlara əsasən və Azərbaycan Respublikasl MPM-in 216-220, 235 və 360-cı maddələrini rəhbər tutaraq, məhkəmə QƏTETDİ: İddia qismən təmin edilsin. Cavabdeh xx.xx.2024-cü il tarixdən başlayaraq yetkinlik yaşına çatmayan xx.xx.2015-ci il təvəllüdlü X8 və xx.xx.2017-ci il təvəllüdlü X2 üçün sonrakı artımlar nəzərə alınmaqla, hər uşağa hər ay ölkə üzrə müəyyən olunmuş minimum əmək haqqının 0,44 misli (345 manat x 0,44 misli =151,80 manat x 2 = 303,60 manat) həddində sabit pul məbləğində aliment alınaraq İddiaçı xeyrinə tutulsun. İddia tələbi qalan hissədə təmin edilməsin. Cavabdeh dövlət rüsumu olaraq 56 (əlli altı) manat alınaraq dövlət nəfinə ödənilsin. İddiaçı Mediasiya sesiyyasında ödədiyi 55 (əlli beş) manat dövlət rüsumu Cavabdeh tutularaq İddiaçı verilsin. Qətnamədən rəsmi qaydada verildiyi gündən 1 (bir) ay müddətində (“Elektron məhkəmə” informasiya sistemində yaradılan elektron kabinetdə yerləşdirilməklə) Tərtər Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Kamil Rzayev