Tovuz Rayon Məhkəməsi Qərardad — İş №2(062)-1261/2023

Azərbaycan Respublikası adından QƏRARDAD Tovuz rayon İş № 2(062)-1261/2023 04.05.2023 TOVUZ RAYON MƏHKƏMƏSİ Hakim Hünmətov Zaur Adil oğlunun sədrliyi, Mustafayev Əli Nazim oğlunun katibliyi ilə, İddiaçı Finoko BOKT ASC-nin cavabdehlər Cavabdeh1, Cavabdeh2 və Cavabdeh3 Xaboğlan qızına qarşı borc tələbinə dair kiçik iddiası üzrə mülki işə məhkəmənin hazırlıq iclasında baxaraq, MÜƏYYƏN ETDİ: İddiaçı Finoko BOKT ASC cavabdehlər Cavabdeh1, Cavabdeh2 və Cavabdeh3 Xaboğlan qızına qarşı borc tələbinə dair kiçik iddia ərizəsi ilə məhkəməyə müraciət edərək, cavabdehlərdən müştərək qaydada Finoko BOKT ASC -nin xeyrinə Kredit müqaviləsinə əsasən 156.70 manat qalıq, ona hesablanmış 3.93 manat məbləğində faiz borc, ödənişin gecikdirilməsinə görə hesablanmış 2004 manat məbləğində dəbbə pulu, AR Mərkəzi Bankının faiz uçot dərəcəsi əsasında hesablanmış 35.93 manat faiz borcu olmaqla, cəmi 2200.56 manat borcun və dövlət rüsumu kimi ödənilmiş 42.01 manat məbləğində pulun tutulması barədə qətnamə çıxarılmasını xahiş etmişdir. İddiaçı Finoko BOKT ASC-nin etibarnamə üzrə nümayəndəsi məhkəməyə ərizə göndərərk, mülki işin baxılmamış saxlanılmasını və işə əlavə olunmuş sənədlərin geri qaytarılmasını xahiş etmişdir. Məhkəmə hesab edir ki, iddiaçı tərəfindən ərizənin geri qaytarılması barədə vəsatət verildiyindən iddia ərizəsi geri qaytarılmalıdır. Belə ki, Azərbaycan Respublikası MPM-nin 170.1-ci maddəsinə əsasən bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Göstərilənlərə əsasən və Azərbaycan Respublikasının MPM-nin 170, 263-264, 268ci maddələrini rəhbər tutaraq, məhkəmə QƏRARA ALDİ: Vəsatət təmin edilsin. İddiaçı Finoko BOKT ASC-nin cavabdehlər Cavabdeh1, Cavabdeh2 və Cavabdeh3 Xaboğlan qızına qarşı borc tələbinə dair iddia ərizəsi və ona əlavə olunmuş sənədlər geri qaytarılsın. Qərardaddan, surəti tərəfə rəsmi qaydada verildikdən sonra 10 gün müddətində Tovuz Rayon Məhkəməsinə şikayət verilə bilər. Hakim Zaur Hünmətov