Tovuz Rayon Məhkəməsi Qərardad — İş №2(062)-757/2024

Azərbaycan Respublikası adından QƏRARDAD Tovuz rayon İş № 2(062)-757/2024 29.02.2024 TOVUZ RAYON MƏHKƏMƏSİ Hakim Baxşıyev Qafil Yavər oğlunun sədrliyi Cavadova Kəklik Mirəziz qızının katibliyi, İddiaçı-nin cavabdehlər Cavabdeh1 və Cavabdeh2 qarşı «borcun qaytarılması» tələbinə dair mülki işə Tovuz şəhərində açıq məhkəmə iclasında baxaraq, məhkəmə MÜƏYYƏN ETDİ: İddiaçı məhkəmədə cavabdehlər Cavabdeh1 və Cavabdeh2 qarşı iddia qaldıraraq borcun tutulmasına dair qətnamə çıxarılmasını xahiş etmişdir. İşə əlavə olunmuş arayışdan görünür ki, Cavabdeh1 21 aprel 2023-cü il tarixdə vəfat etmişdir. Məhkəmə iş materiallarını araşdıraraq hesab edir ki, İddiaçı-nin cavabdehlər Cavabdeh1 və Cavabdeh2 qarşı borcun qaytarılması tələbinə dair iş üzrə icraata xitam verilməlidir. Belə ki, Cavabdeh1 21 aprel 2023-cü il tarixdə ölmüşdür, iddiaçı isə onu işə baxılması üçün 2024-cü ilin yanvar ayında məhkəməyə vermişdir. Cavabdeh kimi məhkəməyə verilmiş Cavabdeh1 məhkəməyə verilməmişdən 09 ay əvvəl ölmüşdür. Faktiki olaraq iddiaçı ölmüş şəxsi məhkəməyə vermişdir. Azərbaycan Respublikası MPM-nin 50.1-ci maddəsinə əsasən, fiziki və hüquqi şəxslər, vəzifəli şəxslər, dövlət orqanları və başqa orqanlar iddiaçı və ya cavabdeh qismində çıxış edə bilərlər. Azərbaycan Respublikası Mülki Məcəlləsinin 25.2-ci maddəsinə görə, fiziki şəxsin hüquq qabiliyyəti onun doğulduğu an əmələ gəlir və ölümü ilə xitam edilir. Göründüyü kimi, iddiaçı tərəfindən hüquq qabiliyyəti olmayan və mövcud olmayan şəxs məhkəməyə verildiyindən iş məhkəmədə baxıla bilməz. Azərbaycan Respublikası MPM-nin 261.0.1-ci maddəsinə əsasən iş məhkəmədə baxılmalı deyildirsə hakim iş üzrə icraata xitam verir. Ona görə də hazırki iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası MPM-nin 261.0.4, 263-264, 267-268-ci maddələrini rəhbər tutaraq, məhkəmə QƏRARA ALDİ: İddiaçı-nin cavabdehlər Cavabdeh1 və Cavabdeh2 qarşı «borcun ödənilməsi» tələbinə dair mülki iş üzrə icraata xitam verilsin. Qərardaddan onun rəsmi qaydada verildiyi gündən 10 (on) gün müddətində Tovuz Rayon Məhkəməsinə şikayət verilə bilər. Sədrlik edən Qafil Baxşıyev