Xaçmaz Rayon Məhkəməsi Qərardad — İş №2(067)-1184/2021

Azərbaycan Respublikası adından QƏRARDAD Xaçmaz şəhəri İş № 2(067)-1184/2021 02.04.2021 XAÇMAZ RAYON MƏHKƏMƏSİ Hakim Sadıqov Anar Böyükkişi oğlu, «xxxx» QSC-nin adından verilmiş Cavabdeh qarşı borc tələbinə dair iddia ərizəsinə baxaraq müəyyən etdim «xxxx» QSC-nin adından verilmiş Cavabdeh qarşı borc tələbinə dair iddia ərizəsi ilə məhkəməyə müraciət etmişdir. İddiaçının ərizəsini nəzərdən keçirərək müəyyən etdim ki, iddia ərizəsi Azərbaycan Respublikasının Mülki Prosessual Məcəlləsinin 149-150-ci maddələri ilə müəyyən olunmuş qaydalara riayət edilmədən verilmişdir. Belə ki, iddia ərizəsi «xxxx» QSC-nin adından verilməsinə baxmayaraq iddia ərizəsini İddiaçı QSC-nin etibarnamə əsasında səlahiyyətli nümayəndəsi qismində X2 imzalamışdır. Hesab edirəm ki, iddia ərizəsini imzalayan şəxs X1 iddia ərizəsini imzalamaq səlahiyyəti yoxdur. Azərbaycan Respublikasının Mülki Prosessual Məcəlləsinin 69.2-ci maddəsinə əsasən hüquqi şəxsi məhkəmədə qanunlarla, digər hüquqi aktlarla və ya hüquqi şəxsin təsis sənədləri ilə müəyyən edilmiş səlahiyyətli şəxsləri, yaxud müvafiq qaydada səlahiyyət verilmiş və əsas iş yeri həmin hüquqi şəxs olan işçiləri və ya vəkillər təmsil edir. Azərbaycan Respublikasının Mülki Prosessual Məcəlləsinin 152.1.2-ci maddəsinə əsasən iddia ərizəsi imzalanmadıqda və ya onu imzalamağa hüququ olmayan şəxs tərəfindən imzalandıqda hakim iddia ərizəsi və ona əlavə edilmiş sənədləri geri qaytarır. Hesab edirəm ki, «xxxx» QSC-nin adından verilmiş Cavabdeh qarşı borc tələbinə dair iddia ərizəsi yuxarıda qeyd olunan əsaslara görə geri qaytarılmalıdır. Qeyd olunanlara əsasən və Azərbaycan Respublikasının Mülki Prosessual Məcəlləsinin 152 və 267-268-ci maddələrini rəhbər tutaraq qərara aldım «xxxx» QSC-nin adından verilmiş Cavabdeh qarşı borc tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan rəsmi qaydada verildiyi gündən 10 gün müddətində Xaçmaz rayon məhkəməsinə şikayət verilə bilər. Hakim Anar Sadıqov