Xaçmaz Rayon Məhkəməsi Qərardad — İş №2(067)-1664/2023

Azərbaycan Respublikası adından QƏRARDAD Xaçmaz şəhəri İş № 2(067)-1664/2023 04.05.2023 XAÇMAZ RAYON MƏHKƏMƏSİ Hakim Səmədzadə Sərxan Akif oğlu, İddiaçı pul tələbi və dəymiş maddi ziyanın ödənilməsinə dair ərizəsinə baxaraq, M Ü Ə Y Y Ə N E T D İ M : İddiaçı pul tələbi və dəymiş maddi ziyanın ödənilməsinə dair ərizə ilə məhkəməyə müraciət etmişdir. Ərizəyə əlavə edilmiş sənədlərdən müəyyən edilir ki, İddiaçı pul tələbi və dəymiş maddi ziyanın ödənilməsinə dair ərizəsi üzrə iddiaçı işin məhkəməyə qədər nizama salınmasına riayət edilməsinə dair sənəd təqdim etməmişdir. Belə ki, iş materiallarında olan xx.xx.2023-cü il tarixli Borc (kredit) Müqaviləsinin 5.1 və 5.2-ci bəndlərindən müəyyən olunur ki, tərəflər arasında meydana gələn fikir ayrılığı və ya mübahisələr, bir qayda olaraq, danışıqlar vasitəsi ilə həll edilməlidir. Tərəflər arasında meydana gələn mübahisələr danışıqlar vasitəsi ilə həll edilməzsə, Azərbaycan Respublikasının qüvvədə olan qanunvericiliyinə müvafiq olaraq məhkəmə qaydasında baxılacaq. Lakin, iş materiallarında olan sənədlərə baxış keçirilərkən, mübahisənin danışıqlar yolu ilə həll edilməsini təsdiq edən hər hansı bir sübut əlavə olunmamışdır. Azərbaycan Respublikasının Mülki Prosessual Məcəlləsinin 152.1.6.-cı maddəsinə əsasən iddia ərizəsi Bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə, müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə hakim iddia ərizəsi və ona əlavə edilmiş sənədləri geri qaytarır. Hesab edirəm ki, İddiaçı pul tələbi və dəymiş maddi ziyanın ödənilməsinə dair ərizəsinə Borc Müqaviləsinin 5.1-ci maddəsini əsas göstərən, tərəflər arasındakı məhkəməyə qədər danışıqları əks etdirən sənəd təqdim etmədiyindən ərizə və ona əlavə edilmiş sənədlər geri qaytarılmalıdır. İddiaçıya izah olunmalıdır ki, göstərilən nöqsanları aradan qaldırmaqla ərizə ilə təkrar məhkəməyə müraciət etmək hüququ vardır. Qeyd olunanlara əsasən və Azərbaycan Respublikasının Mülki Prosessual Məcəlləsinin 152, 267-268-ci maddələrini rəhbər tutaraq, Q Ə R A R A A L D İ M : İddiaçı pul tələbi və dəymiş maddi ziyanın ödənilməsinə dair ərizəsi və ona əlavə edilmiş sənədlər geri qaytarılsın. İddiaçıyə izah olunur ki, göstərilən nöqsanları aradan qaldırmaqla ərizə ilə məhkəməyə müraciət etmək hüququ vardır. Qərardaddan 10 gün müddətində Xaçmaz rayon məhkəməsinə şikayət verilə bilər. Sədrlik edən: Sərxan Səmədzadə