Hacıqabul Rayon Məhkəməsi Qərardad — İş №2(071)-1006/2022

Azərbaycan Respublikası adından QƏRARDAD Hacıqabul rayonu İş № 2(071)-1006/2022 13.10.2022 HACIQABUL RAYON MƏHKƏMƏSİ Mən, Hacıqabul rayon Məhkəməsinin hakimi və sədri vəzifəsini müvəqqəti icra edən X3, İddiaçı X1 Cavabdeh Əliheydər oğluna qarşı “pul” tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçı X2 Cavabdeh Əliheydər oğluna qarşı “pul” tələbinə dair iddia ərizəsi ilə xx.xx.2022-ci il tarixdə məhkəməyə müraciət edərək, Cavabdeh Əliheydər oğlundan 1.095,60 manat pul, 31 manat ödənilmiş dövlət rüsumu və Hacıqabul rayon İcra və Probasiya şöbəsinin e73748/2021-8-5 nömrəli sənədi ilə xx.xx.2021-ci il tarixdən ondan hər ay məcburi qaydada tutulan pul məbləğinin alınaraq ona verilməsi barədə qətnamə çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirib müəyyən etdim ki, iddiaçı iddia ərizəsini verərkən iddia ərizəsinin verilməsi üçün dövlət rüsumunun ödənilməsini təsdiq edən sənədi iddia ərizəsinə əlavə etməmişdir. Belə ki, Hacıqabul rayonu Qubalıbalaoğlan kənd sakini X1 Hacıqabul rayon məhkəməsinə göndərdiyi məktub-konvert məhkəmənin dəftərxanasında açılarkən iddia ərizəsi və ona əlavə edilmiş sənədlər yoxlanılmış, lakin dövlət rüsumunun ödənilməsi barədə qəbz aşkar edilməmişdir. Bu barədə Hacıqabul rayon Məhkəməsinin hakim köməkçisi Eldost Surxayevin, dəftərxana müdiri Elsevər Əliyevin və arxivçi Arif Rəhimlinin iştirakı ilə xx.xx.2022-ci il tarixli AKT tərtib edilmiş və yuxarıda adları göstərilən məhkəmə işçiləri tərəfindən imzalanmışdır. “Dövlət rüsumu haqqında” Qanunun 8.1.2-ci maddəsinə əsasən iddia qiyməti 1.000 manatdan 10.000 manatadək olduqda iddianın 1.000 manatadək hissəsi üçün 30 manat və əlavə olaraq iddianın 1.000 manatdan artıq olan hissəsi üçün iddia qiymətinin 1 faizi miqdarında rüsum ödənilir. Azərbaycan Respublikası MPM-in 108.1.1-ci maddəsinə əsasən iddia ərizəsi verildikdə dövlət rüsumu ödənilir. 108.2-ci maddəsinə əsasən Məhkəmələrdə baxılan işlər üzrə dövlət rüsumunun əsasları, ödənilmə qaydaları, məbləği və dövlət rüsumu ödəməkdən azad edilmə halları qanunla müəyyən edilir. 108.3-cü madəsinə əsasən dövlət rüsumu yalnız elektron ödəniş sistemləri vasitəsilə ödənilməlidir. Azərbaycan Respublikası MPM-in 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Azərbaycan Respublikası MPM-in 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə, hakim iddia ərizəsini və ona əlavə edilmiş sənədləri geri qaytarır. Qeyd olunanlara əsasən və Azərbaycan Respublikası MPM-in 151.1, 152, 152.1.5, 263-264cü maddəsini rəhbər tutaraq, QƏRARA ALDİM: İddiaçı X1 Cavabdeh Əliheydər oğluna qarşı “pul” tələbinə dair iddia ərizəsi və ona əlavə olunmuş sənədlər geri qaytarılsın. Qərardaddan 10 (on) gün müddətində Hacıqabul Rayon Məhkəməsinə şikayət verilə bilər. Hakim: Vahid Hacıyev