Hacıqabul Rayon Məhkəməsi Qərardad — İş №2(071)-464/2022

Azərbaycan Respublikası adından QƏRARDAD Hacıqabul rayonu İş № 2(071)-464/2022 15.04.2022 HACIQABUL RAYON MƏHKƏMƏSİ Mən, Hacıqabul rayon Məhkəməsinin hakimi və sədri vəzifəsini müvəqqəti icra edən X3 İddiaçı Cavabdeh qarşı “borc” tələbinə dair iddia ərizəsinə baxaraq, MÜƏYYƏN ETDİM: İddiaçı Cavabdeh qarşı “borc” tələbinə dair iddia ərizəsi ilə 11.04.2022-ci il tarixdə Hacıqabul rayon Məhkəməsinə müraciət edərək, Cavabdeh 420 manat pulun, 26 qram çəkidə sepin, 5,5 qram çəkidə üzüyün, 4,5 qram çəkidə sırğanın və 30 manat ödənilmiş dövlət rüsumunun tutularaq ona verilməsi barədə qətnamə çıxarılmasını xahiş etmişdir. İddia ərizəsini nəzərdən keçirib müəyyən etdim ki, iddia ərizəsi Azərbaycan Respublikası MPM-in 152.1.3-cü maddəsinin tələbinə riayət edilmədən verilmişdir. Belə ki, AZEMİS-dən çap edilmiş çıxarışdan müəyyən edilir ki, xx.xx.1980-cı ildə Füzuli rayonu Qacar kəndində doğulmuş Cavabdeh Füzuli rayonu Qacar kəndində rəsmi qeydiyyatdadır. Odur ki, İddiaçı hazırkı iddia ərizəsi aidiyyət qaydalarının pozulması ilə verildiyinə görə, ərazi aidiyyatı üzrə Hacıqabul rayon Məhkəməsinin icraatına qəbul edilə və baxıla bilməz. İddia ərizəsi iddiaçıya qaytarılmalı, iddiaçı qeyd olunan nöqsanları aradan qaldırmaqla, aidiyyatı üzrə cavabdehin rəsmi qeydə alındığı ünvanı üzrə Füzuli rayon Məhkəməsinə müraciət edə bilər. Azərbaycan Respublikası MPM-in 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Azərbaycan Respublikası MPM-in 31.1-ci maddəsinə əsasən aidiyyət qaydalarının pozulmasına yol verilmir. Azərbaycan Respublikası MPM-in 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Azərbaycan Respublikası MPM-in 152.1.3-cü maddəsinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Azərbaycan Respublikası MPM-in 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. Qeyd olunanlara əsasən və Azərbaycan Respublikası MPM-in 31, 35, 114, 152, 152.1.3, 263-264-cü maddəsini rəhbər tutaraq, QƏRARA ALDİM: İddiaçı Cavabdeh qarşı “borc” tələbinə dair iddia ərizəsi icraata qəbul edilmədən geri qaytarılsın. 14.03.2022-ci il tarixli 31484 nömrəli ödəniş qəbzinə əsasən K0163011 nömrəli terminal vasitəsilə "xxxx" ASC-nin Hacıqabul filialında Hacıqabul rayon Məhkəməsinə ödənilmiş 30 (otuz) manat dövlət rüsumu X1 tərəfindən İddiaçı qaytarılsın. Qərardaddan 10 gün müddətində Hacıqabul rayon Məhkəməsinə şikayət verilə bilər. Hakim: Vahid Hacıyev