Hacıqabul Rayon Məhkəməsi Qətnamə — İş №2(071)-557/2021

Azərbaycan Respublikası adından QƏTNAMƏ Hacıqabul rayonu İş № 2(071)-557/2021 26.10.2021 HACIQABUL RAYON MƏHKƏMƏSİ Hacıqabul rayon Məhkəməsinin hakimi və sədri vəzifəsini müvəqqəti icra edən Hacıyev Vahid Məcid oğlunun sədrliyi, Məmmədov Mirabbas Seyidxan oğlunun katibliyi, Cavabdeh iştirakı ilə, İddiaçı ASC-nin Cavabdeh qarşı “borcun qaytarılması” tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı ASC Cavabdeh qarşı “borcun qaytarılması” tələbinə dair iddia ərizəsi ilə 23.09.2021-ci il tarixdə məhkəməyə müraciət edərək, Cavabdeh 14.12.2020-ci il tarixli RGTK3291383A163 nömrəli kredit müqaviləsi üzrə yaranmış 3.985,50 manat əsas borc, hesablanmış 577,63 manat faiz borcu və ödənilmiş 30 manat dövlət rüsumu olmaqla, cəmi 4.593,13 manat pul tutularaq "xxxx" ASC-yə ödənilməsi barədə qətnamə çıxarılmasını xahiş etmişdir. İddiaçı ASC -yə məhkəmə iclasının yeri və vaxtı barədə məhkəmə bildirişi göndərilsə də, İddiaçı ASC-nin nümayəndəsi məhkəməyə gəlməmişdir. Lakin İddiaçı ASC-nin səlahiyyətli nümayəndəsi Elsevər Ələkbərov 14.10.2021-ci il tarixli 135000/557 nömrəli ərizə ilə məhkəməyə müraciət edərək, iddiaçının nümayəndəsinin iştirakı olmadan işə baxılmasını və iddia tələbinin təmin edilməsini xahiş etmişdir. Məhkəmə, Azərbaycan Respublikası MPM-in 185.6-cı maddəsinin tələbinə uyğun olaraq iddiaçının nümayəndəsinin iştirakı olmadan işə mahiyyəti üzrə baxılmasını mümkün hesab edir. Cavabdeh məhkəmə iclasında iddianı qəbul etdi və yazılı ərizə təqdim edərək izahatında bildirdi ki, İddiaçı ASC-yə 14.12.2020-ci il tarixli kredit müqaviləsi üzrə 3.985,50 manat əsas borcu və 577,63 manat faiz borcu olmaqla, ümumilikdə 4.593,13 manat borcu olduğunu etiraf edir. Maddi vəziyyəti ilə əlaqədar borcunu bu günə kimi ödəyə bilməmişdir. Borcunu hissə-hissə banka ödəyəcərdir. İddianın təmin edilməsinə etiraz etmir. Məhkəmə cavabdehin izahatını dinləyib, iddianı etiraf etməsinə dair yazılı ərizəsini, iş materiallarında olan sənədləri nəzərdən keçirib, işin faktiki hallarını tam, hərtərəfli və obyektiv araşdırıb hesab edir ki, iddia təmin edilməlidir. Belə ki, 14.12.2020-ci il tarixli RGTK3291383A163 nömrəli kredit müqaviləsinə əsasən kreditor İddiaçı ASC borcalan Cavabdeh 32 ay müddətinə illik 20 faiz dərəcəsi ilə 3.985,50 manat kredit vermişdir. Cavabdeh 14.12.2020-ci il tarixli kassa məxaric orderinə imza etməklə 3.985,50 manat pulu İddiaçı ASC-nin Hacıqabul filialından şəxsən nağd almışdır. Mülki Məcəllənin 739.1-ci maddəsinə əsasən borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Mülki Məcəllənin 741-ci maddəsinə əsasən əgər müqavilənin iştirakçıları borcun faizlər ilə verilməsini şərtləşdirirlərsə, faizlər müvafiq surətdə bir ilin sonunda ödənilməli, borc bir il başa çatanadək qaytarılmalıdırsa, borcun qaytarılması ilə bir vaxtda ödənilməlidir. Mülki Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Göründüyü kimi, tərəflər arasında kredit müqaviləsi bağlanmaqla Mülki Məcəllənin 386-cı maddəsinə əsasən həmin müqavilədən irəli gələn öhdəliklər yaranmışdır. İddiaçı müqavilə üzrə üzərinə götürdüyü öhdəliyini icra etmiş, lakin borcalan müqavilə üzrə bankın müəyyən etdiyi ödəniş cədvəlinə uyğun olaraq borcunu vaxtında ödəməmiş, öhdəliyin icrasını gecikdirmişdir. Xəbərdarlıq olunmasına baxmayaraq borcun qaytarılması təmin edilməmişdir. İddiaçı ASC-nin 08.09.2021-ci il tarixli 135000/1809 nömrəli maliyyə arayışından müəyən edilir ki, Cavabdeh 14.12.2020-ci il tarixli kredit müqaviləsi üzrə 02.09.2021-ci il tarixə 3.985,50 manat əsas borcu, 577,63 manat faiz borcu olmaqla, cəmi 4.563,13 manat borcu yaranmışdır. Məhkəmə sübutlara məcmu halında qiymət verərək hesab edir ki, iddia təmin edilməli, Cavabdeh 14.12.2020-ci il tarixli RGTK3291383A163 nömrəli kredit müqaviləsi üzrə yaranmış 3.985,50 manat əsas borc, hesablanmış 577,63 manat faiz borcu və ödənilmiş 30 manat dövlət rüsumu olmaqla, cəmi 4.593,13 manat pul tutularaq "xxxx" ASC-yə ödənilməlidir. Yuxarıda şərh olunanlara əsasən və Azərbaycan Respublikası MPM-in 119, 216-220, 227, 233, 357, 360, 362-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh 14.12.2020-ci il tarixli RGTK3291383A163 nömrəli kredit müqaviləsi üzrə yaranmış 3.985,50 manat əsas borc, hesablanmış 577,63 manat faiz borcu və ödənilmiş 30 manat dövlət rüsumu olmaqla, cəmi 4.593,13 (dörd min beş yüz doxsan üç manat on üç qəpik) manat pul tutularaq "xxxx" ASC-yə ödənilsin. Qətnamədən, qətnamə işdə iştirak edən şəxslərə rəsmi qaydada verildiyi gündən 1 ay müddətində Hacıqabul rayon Məhkəməsi vasitəsilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Sədrlik edən: Vahid Hacıyev