Cəlilabad Rayon Məhkəməsi Qətnamə — İş №2(073)-1036/2023

Azərbaycan Respublikası adından QƏTNAMƏ Cəlilabad rayonu İş № 2(073)-1036/2023 13.06.2023 CƏLİLABAD RAYON MƏHKƏMƏSİ Hakim Paşayev Qalib Hidayət oğlunun sədrliyi, Məhkəmə iclasının katibi X2, İddiaçı, Cavabdeh iştirakları ilə, İddiaçı Cavabdeh qarşı alimentin artırılması tələbinə dair iddiası üzrə mülki işə Cəlilabad Rayon Məhkəməsinin binasında, məhkəmə iclas zalında, açıq məhkəmə iclasında baxaraq, müəyyən etdi: İddiaçı Cavabdeh qarşı alimentin artırılması tələbinə dair iddia ərizəsi ilə məhkəməyə müraciət edərək, 03 sentyabr 2010-cu ildə doğulmuş X1 üçün Cəlilabad Rayon Məhkəməsinin 11 oktyabr 2019-cu il tarixli qətnaməsi ilə müəyyən edilmiş 100 (bir yüz) manat alimentin miqdarının artırılaraq, hər ay bir uşaq üçün 220 (iki yüz iyirmi) manat sabit pul məbləğində alimentin Cavabdeh tutularaq ona (iddiaçıya) ödənilməsinə dair qətnamə çıxarılmasını xahiş etmişdir. Məhkəmə iclasında İddiaçı iddia həcminin azaldılmasına dair ərizə verərək, izahatında göstərmişdir ki, Cəlilabad Rayon Məhkəməsinin 11 oktyabr 2019-cu il tarixli, 2(073)-1896/2019 saylı qətnaməsinə əsasən xx.xx.2010-cu il təvəllüdlü Aysun adlı uşağın yetkinlik yaşına çatanadək saxlanması üçün hər ay bir uşağa görə 100 (bir yüz) manat sabit pul məbləğində alimentin Cavabdeh tutularaq ona (iddiaçıya) verilməsi qət edilmişdir. Özü heç yerdə işləmir, uşağın saxlanmasında maddi cəhətdən çətinlik çəkir. Məhkəmə qətnaməsi ilə müəyyən edilmiş alimentin məbləği uşağın maddi cəhətdən saxlanılması üçün kifayət etmir. Cavabdeh isə uşağın maddi cəhətdən saxlanmasında əlavə olaraq ona (iddiaçıya) kömək etmir. Buna görə də hazırkı iddia ərizəsi ilə məhkəməyə müraciət etmişdir. Qeyd olunanların nəzərə alınaraq, 03 sentyabr 2010-cu ildə doğulmuş X1 üçün Cəlilabad Rayon Məhkəməsinin 11 oktyabr 2019-cu il tarixli qətnaməsi ilə müəyyən edilmiş 100 (bir yüz) manat alimentin miqdarının artırılaraq, hər ay bir uşaq üçün 150 (bir yüz əlli) manat sabit pul məbləğində alimentin Cavabdeh tutularaq ona (iddiaçıya) ödənilməsinə dair qətnamə çıxarılmasını xahiş etmişdir. Məhkəmə iclasında Cavabdeh iddianı etiraf edərək, verdiyi izahatında göstərmişdir ki, Cəlilabad Rayon Məhkəməsinin 11 oktyabr 2019-cu il tarixli, 2(073)-1896/2019 saylı qətnaməsi ilə iddiaçı ilə birgə nikahlarından doğulmuş xx.xx.2010-cu il təvəllüdlü Aysun adlı uşağının yetkinlik yaşına çatanadək saxlanması üçün hər ay 100 (bir yüz) manat sabit pul məbləğində alimentin ondan (cavabdehdən) tutularaq iddiaçıya verilməsi qət edilmişdir. Məhkəmə qətnaməsi ilə müəyyən edilmiş alimenti vaxtında ödəyir. Özü işləyir və 345 (üç yüz qırx beş) manat əmək haqqı alır. Hazırda iddianı tam şəkildə etiraf edir. İddiaçı ilə birgə nikahlarından doğulmuş Aysun adlı uşağına görə hər ay 150 (bir yüz əlli) manat aliment ödəməyə razıdır. Qeyd edilənlərin nəzərə alınaraq iddianın təmin edilməsinə dair qətnamə çıxarılmasını xahiş etmişdir. İşdə olan Cəlilabad Rayon Məhkəməsinin 11 oktyabr 2019-cu il tarixli, 2(073)- 1896/2019 saylı qətnaməsindən görünür ki, həmin qətnamə ilə iddia qismən təmin edilərək, məhkəmə qətnaməsi qanuni qüvvəyə mindiyi gündən başlayaraq xx.xx.2005-ci il təvəllüdlü İlkin və xx.xx.2010-cu il təvəllüdlü Aysun adlı uşaqların yetkinlik yaşına çatana qədər saxlanması üçün hər ay hər uşağa görə 100 (bir yüz) manat, cəmi 200 (iki yüz) manat sabit pul məbləğində alimentin Cavabdeh tutularaq İddiaçı verilməsi qət edilmişdir. Məhkəmə hesab edir ki, iddia tələbi cavabdeh tərəfindən etiraf edildiyindən ilk növbədə iddianın etirafına qanunvericiliyin tələbləri baxımından qiymət verilməlidir. Azərbaycan Respublikasının Mülki Prosessual Məcəlləsinin 220.4-cü maddəsinə əsasən iddia tələbi cavabdeh tərəfindən etiraf edildikdə qətnamənin əsaslandırıcı hissəsində yalnız iddianın etirafı göstərilir. Həmin Məcəllənin 52.2-ci maddəsinə əsasən cavabdeh bu barədə yazılı ərizə veriməklə və ya protokolda qeyd edilməklə ona qarşı verilən iddianı tam və ya qismən etiraf etmək hüququna malikdir. Həmin Məcəllənin 191.1-ci maddəsində əsasən cavabdehin iddianı etiraf etməsi bu hərəkətlərin nəticəsi aydın surətdə şərh olunan, məhkəməyə göndərilən yazılı ərizələrdə də ifadə oluna bilər. Həmin Məcəllənin 52.5-ci maddəsində göstərilmişdir ki, iddianın cavabdeh tərəfindən etiraf edilməsi qanuna zidd olarsa və ya hər hansı bir şəxsin hüquqlarını və qanunla qorunan mənafelərini pozarsa, məhkəmə belə hərəkətləri qəbul etmir. Bununla əlaqədar olaraq məhkəmə iclasında aparılan araşdırmalar zamanı müəyyən olundu ki, cavabdeh tərəfindən iddianın etiraf olunması tərəflərin real və həqiqi vəziyytinə uyğundur. Həmin etiraf başqa şəxslərin hüquqlarını və qanunla qorunan mənafelərini pozmur. Azərbaycan Respublikasının Mülki Prosessual Məcəlləsinin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikasının Mülki Prosessual Məcəlləsinin 112.1.3-cü maddəsinə əsasən aliment alınması haqqında iddialarda iddianın qiyməti bir il ərzində ödəmənin məcmusu ilə müəyyən olunur. «Dövlət rüsumu haqqında» Azərbaycan Respublikasının Qanununun 9.1.2-ci maddəsinə əsasən aliment alınması barədə iddialar üzrə iddiaçılar dövlət rüsumunu ödəməkdən azad olunurlar. Göstərilənlərə əsaslanaraq və Azərbaycan Respublikasının Mülki Prosessual Məcəlləsinin 216-220, 227, 233, 360-cı maddələrini rəhbər tutaraq, məhkəmə qət etdi: İddia təmin edilsin. Cəlilabad Rayon Məhkəməsinin 11 oktyabr 2019-cu il tarixli, 2(073)-1896/2019 saylı qətnaməsi ilə xx.xx.2010-cu il təvəllüdlü X3 yetkinlik yaşına çatanadək saxlanması üçün Cavabdeh tutulan 100 (bir yüz) manat sabit pul məbləğində alimentin miqdarı artırılaraq, məhkəmə qətnaməsi qanuni qüvvəyə mindiyi gündən başlayaraq xx.xx.2010-cu il təvəllüdlü X3 yetkinlik yaşına çatanadək saxlanılması üçün Cavabdeh hər ay 150 (bir yüz əlli) manat sabit pul məbləğində aliment tutularaq İddiaçı verilsin. Cavabdeh 38 (otuz səkkiz) manat dövlət rüsumu tutularaq dövlət büdcəsinə ödənilsin. Qətnamədən rəsmi qaydada verildiyi gündən 1 (bir) ay müddətində Cəlilbad Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Hakim: Qalib Paşayev