Cəlilabad Rayon Məhkəməsi Qətnamə — İş №2(073)-2428/2023

Azərbaycan Respublikası adından QƏTNAMƏ Cəlilabad rayonu İş № 2(073)-2428/2023 21.11.2023 CƏLİLABAD RAYON MƏHKƏMƏSİ Cəbrayılov Vüsal Adil oğlunun sədrliyi, Əkbərov Ramil Xudaşükür oğlunun katibliyi ilə, İddiaçı "xxxx" MMC-in Cavabdeh qarşı borcun ödənilməsi tələbi barədə kiçik iddiaya dair mülki işə sadələşdirilmiş icraat qaydasında Cəlilabad Rayon Məhkəməsinin binasında baxaraq, məhkəmə müəyyən etdi: İddiaçı "xxxx" MMC Cavabdeh qarşı borcun ödənilməsi barədə iddia verərək, xx.xx.2022-ci il tarixli № ********* saylı müddətli (nisyə) alqı-satqı müqaviləsi üzrə xx.xx.2023-cü il tarixinə yaranmış 54.6 (əlli dörd manat altmış qəpik) manat əsas borc, 8.1 (səkkiz manat on qəpik) manat cərimə, cəmi 62.7 (altmış iki manat yetmiş qəpik) manat borc, xx.xx.2022-ci il tarixli № ********* saylı müddətli (nisyə) alqı-satqı müqaviləsi üzrə 267.9 (iki yüz altmış yeddi manat doxsan qəpik) manat əsas borc, 40.1 (qırx manat on qəpik) manat cərimə borcu, cəmi 308 (üç yüz səkkiz) manat borc, ümumilikdə isə iki müqavilə üzrə 322.5 (üç yüz iyirmi iki manat əlli qəpik) manat əsas, 48.2 (qırx səkkiz manat iyirmi qəpik) manat cərimə, cəmi 370.7 (üç yüz yetmiş manat yetmiş qəpik) manat borc və 30 (otuz) manat dövlət rüsumunun Cavabdeh tutularaq "xxxx" MMC-in hesabına ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, Cavabdeh "xxxx" MMC-dən xx.xx.2022-ci il tarixli № ********* saylı müddətli (nisyə) alqı-satqı müqaviləsinə əsasən 138.6 (bir yüz otuz səkkiz manat altmış qəpik) manat dəyərində “Nokia” markalı mobil telefon almış və aldığı əşyanın dəyərini 12 ay müddətinə hər ay 12 manat, sonuncu ay da 6.69 manat olmaqla ödəməyi öhdəsinə götürmüşdür. Cavabdeh müqavilənin şərtlərini pozaraq, xx.xx.2023-cü il tarixində 12 manat ödədikdən sonra heç bir ödəniş etməmiş və qalıq qalmış 62.7 manat borcu qaytarmamış və nəticədə 54.6 (əlli dörd manat altmış qəpik) manat əsas borc, 8.1 (səkkiz manat on qəpik) manat cərimə, cəmi 62.7 (altmış iki manat yetmiş qəpik) manat borcu yaranmışdır. xx.xx.2022-ci il tarixli № ********* saylı müddətli (nisyə) alqı-satqı müqaviləsinə əsasən 617.9 (altı yüz on yeddi manat doxsan qəpik) manat dəyərində “Xiaomi” markalı mobil telefon almış və aldığı əşyanın dəyərini 18 ay müddətinə hər ay 35 manat sonuncu ay da 22.99 manat olmaqla ödəməyi öhdəsinə götürmüşdür. Cavabdeh müqavilənin şərtlərini pozaraq, xx.xx.2023-cü il tarixində 35 manat ödədikdən sonra heç bir ödəniş etməmiş və qalıq qalmış 308 manat borcu qaytarmamış və nəticədə 267.9 (iki yüz altmış yeddi manat doxsan qəpik) manat əsas borc, 40.1 (qırx manat on qəpik) manat cərimə, cəmi 308 (üç yüz səkkiz) manat borcu yaranmışdır. Tələb edilməsinə baxmayaraq cavabdeh yaranmış borcunu ödəməkdən yayınmışdır. İddiaçı Cəmiyyət qeyd edilənlərin nəzərə alınaraq iddianı təmin edilməsinə dair qətnamə çıxarılmasını xahiş etmişdir. Məhkəmə iddia ərizəsini, işdə olan sənədləri tədqiq edib, toplanmış sübutların məcmusuna qiymət verərək, belə nəticəyə gəlir ki, iddia tələbi təmin olunmalıdır. Belə ki, işdə olan xx.xx.2022-ci il tarixli № ********* saylı müddətli (nisyə) alqı-satqı müqaviləsindən görünür ki,Cavabdeh "xxxx" MMC-dən 138.6 (bir yüz otuz səkkiz manat altmış qəpik) manat dəyərində “Nokia” markalı mobil telefon almış və aldığı əşyanın dəyərini 12 ay müddətinə hər ay 12 manat, sonuncu ay da 6.69 manat olmaqla ödəməyi öhdəsinə götürmüşdür. xx.xx.2022-ci il tarixli № ********* saylı müddətli (nisyə) alqı-satqı müqaviləsindən görünür ki, Cavabdeh "xxxx" MMC-dən əsasən 617.9 (altı yüz on yeddi manat doxsan qəpik) manat dəyərində “Xiaomi”markalı mobil telefon almış və aldığı əşyanın dəyərini 18 ay müddətinə hər ay 35 manat, sonuncu ay da 22.99 manat olmaqla ödəməyi öhdəsinə götürmüşdür. Cavabdeh "xxxx" MMC-dən“Nokia” markalı mobil telefon və “Xiaomi”markalı mobil telefon almışdır. İşdə olan xəbərdarlıq məktubundan görünür ki, iddiaçı cəmiyyət tərəfindən yaranmış borcun ödənilməsi cavabdehdən tələb edilmiş, əks təqdirdə məhkəməyə müraciət ediləcəyi barədə xəbərdarlıq edilmişdir. İşdə olan ödəniş qəbzindən görünür ki, iddiaçı tərəfindən hazırkı iddia ərizəsinin verilməsi üçün 30 (otuz) manat dövlət rüsumu ödənilmişdir. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İş üzrə tərəfin təqdim etdiyi sənədlər yekun qərarın çıxarılması üçün kifayət etdiyi üçün məhkəmə hesab edir ki, iddia təmin olunmalı, tərəflər arasında bağlanmış nisyə alqısatqı müqaviləsinə əsasən iddiaçı cəmiyyətə olan borc cavabdehdən alınaraq iddiaçı cəmiyyətə ödənilməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın təmin, qismən təmin və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 30 (otuz) manat dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə qət etdi: İddia təmin edilsin. Cavabdeh xx.xx.2022-ci il tarixli № ********* saylı müddətli (nisyə) alqı-satqı müqaviləsi üzrə xx.xx.2023-cü il tarixinə yaranmış 54.6 (əlli dörd manat altmış qəpik) manat əsas borc, 8.1 (səkkiz manat on qəpik) manat cərimə, cəmi 62.7 (altmış iki manat yetmiş qəpik) manat borc, xx.xx.2022-ci il tarixli № ********* saylı müddətli (nisyə) alqı-satqı müqaviləsi üzrə 267.9 (iki yüz altmış yeddi manat doxsan qəpik) manat əsas borc, 40.1 (qırx manat on qəpik) manat cərimə borcu, cəmi 308 (üç yüz səkkiz) manat borc, ümumilikdə isə iki müqavilə üzrə 322.5 (üç yüz iyirmi iki manat əlli qəpik) manat əsas, 48.2 (qırx səkkiz manat iyirmi qəpik) manat cərimə, cəmi 370.7 (üç yüz yetmiş manat yetmiş qəpik) manat borc və 30 (otuz) manat dövlət rüsumu tutularaq "xxxx" MMC-nin hesabına ödənilsin. Qətnamədən rəsmi qaydada verildiyi gündən 1 ay müddətində Cəlilabad Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Sədr: Vüsal Cəbrayılov