Cəlilabad Rayon Məhkəməsi Qətnamə — İş №2(073)-512/2023

Azərbaycan Respublikası adından QƏTNAMƏ Cəlilabad rayonu İş № 2(073)-512/2023 01.03.2023 CƏLİLABAD RAYON MƏHKƏMƏSİ Cəlilabad Rayon Məhkəməsinin hakimi Əmirəliyev Elxan Əli oğlu, Əliyev Elməddin Fizuli oğlunun katibliyi ilə, İddiaçı «Turanbank” ASC-nin cavabdehlər X3 və Cavabdeh2 qarşı müştərək qaydada 477.68 (dörd yüz yetmiş yeddi manat altmış səkkiz qəpik) manat əsas borcu, 205.09 (iki yüz beş manat doqquz qəpik) manat faiz borcu, 52.77 (əlli iki manat yetmiş yeddi qəpik) manat cərimə borcu olmaqla, cəmi 735.54 (yeddi yüz otuz beş manat əlli dörd qəpik) manat borcun və 35.26 (otuz beş manat iyirmi altı qəpik) manat dövlət rüsumunun ödənilməsi tələbi barədə kiçik iddiaya dair mülki işə sadələşdirilmiş icraat qaydasında Cəlilabad Rayon Məhkəməsinin binasında baxaraq, məhkəmə MÜƏYYƏN ETDİ: İddiaçı «Turanbank” ASC-nin cavabdehlər X3 və Cavabdeh2 qarşı müştərək qaydada 477.68 (dörd yüz yetmiş yeddi manat altmış səkkiz qəpik) manat əsas borcu, 205.09 (iki yüz beş manat doqquz qəpik) manat faiz borcu, 52.77 (əlli iki manat yetmiş yeddi qəpik) manat cərimə borcu olmaqla, cəmi 735.54 (yeddi yüz otuz beş manat əlli dörd qəpik) manat borcun və 35.26 (otuz beş manat iyirmi altı qəpik) manat dövlət rüsumunun ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə iddianın tələbinə dair əsaslandırılmış etirazının təqdim edilməsi barədə rəsmi qaydada bildiriş göndərilmiş, lakin cavabdeh iddia tələbinə dair əsaslandırılmış etirazını məhkəmə göndərməmişdir. İddia ərizəsindən görünür ki, «Turanbank” ASC-nin cavabdeh X4 arasında xx.xx.2020-ci il tarixli, İK NF7_1216/K-20 saylı kredit müqaviləsi imzalanmışdır. Həmin sazişə uyğun olaraq tərəflər arasında razılaşma imzalanmış və cavabdehə illik 24 faiz olmaqla, 12 ay müddətinə 693.22 (altı yüz doxsan üç manat iyirmi iki qəpik) manat məbləğində kredit verilmişdir. Lakin, cavabdeh kassadan məxaric etdiyi məbləği və məbləğin çıxarılmasına görə nəzərdə tutulmuş komisyon haqlarını banka ödəməkdən yayınmış, beləliklə də 477.68 (dörd yüz yetmiş yeddi manat altmış səkkiz qəpik) manat əsas borcu, 205.09 (iki yüz beş manat doqquz qəpik) manat faiz borcu, 52.77 (əlli iki manat yetmiş yeddi qəpik) manat cərimə borcu olmaqla, cəmi 735.54 (yeddi yüz otuz beş manat əlli dörd qəpi manat borcun və 35.26 (otuz beş manat iyirmi altı qəpik) manat ödənilmiş dövlət rüsumunun alınıb onlara verilməsi barədə qətnamə çıxarılmasını məhkəmədən xahiş etmişdir. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi təmin olunmalıdır. Belə ki, işdə olan iddiaçı təşkilatla cavabdeh X4 arasında bağlanmış xx.xx.2020-ci il tarixli, İK NF7_1216/K-20 saylı kredit müqaviləsindən görünür ki, iddiaçı təşkilat tərəfindən cavabdeh X3 illik 24 faiz olmaqla 12 ay müddətinə 693.22 manat məbləğində kredit verilmişdir. İşdə olan iddiaçı təşkilatla Cavabdeh2 arasında bağlanmış xx.xx.2020-ci il tarixli, İK NF7_1216/Z-20 saylı zaminlik müqaviləsindən görünür ki, zamin xx.xx.2020-ci il tarixli, İK NF7_1216/K-20 saylı kredit müqaviləsi üzrə cavabdeh X2 öhdəliklərinin icrası üçün məsuliyyəti öz üzərinə götürmüşdür. İşdə olan xx.xx.2022-ci il tarixli ödəniş qəbzindən görünür ki, iddiaçı təşkilat hazırkı iddianın verilməsi ilə əlaqədar 35.26 (otuz beş manat iyirmi altı qəpik) manat dövlət rüsumu ödəmişdir. İşdə olan hesabdan çıxarışdan görünür ki, cavabdehlər X2 və Cavabdeh2 iddiaçı təşkilata 477.68 (dörd yüz yetmiş yeddi manat altmış səkkiz qəpik) manat əsas borcu, 205.09 (iki yüz beş manat doqquz qəpik) manat faiz borcu, 52.77 (əlli iki manat yetmiş yeddi qəpik) manat cərimə borcu vardır. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İş üzrə tərəfin təqdim etdiyi sənədlər yekun qərarın çıxarılması üçün kifayət etdiyi üçün məhkəmə hesab edir ki, iddia təmin olunmalı, tərəflər arasında bağlanmış kredit razılaşmasına əsasən iddiaçı banka olan borc cavabdehdən alınaraq iddiaçı banka ödənilməlidir. Məhkəmə, həmçinin iddianın cərimə tələbinə dair hissəsinə qiymət verərək, hesab edir ki, iddia həmin hissədə əsaslıdır. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284- 6.1-ci maddəsinə əsasən işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 35.26 (otuz beş manat iyirmi altı qəpik) manat dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə QƏT ETDİ: İddia təmin edilsin. Cavabdehlər X1 və Cavabdeh2 müştərək qaydada 477.68 (dörd yüz yetmiş yeddi manat altmış səkkiz qəpik) manat əsas borcu, 205.09 (iki yüz beş manat doqquz qəpik) manat faiz borcu, 52.77 (əlli iki manat yetmiş yeddi qəpik) manat cərimə borcu olmaqla, cəmi 735.54 (yeddi yüz otuz beş manat əlli dörd qəpik) manat borcun və 35.26 (otuz beş manat iyirmi altı qəpik) manat məbləğində ödənilmiş dövlət rüsumu tutularaq «Turanbank” ASC-nə ödənilsin. Qətnamədən 01 (bir) ay müddətində Cəlilabad Rayon Məhkəməsi vasitəsilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamə qəbul edildiyi gündən 01 (bir) ay keçdikdən sonra qanuni qüvvəyə minir. Hakim:Elxan Əmirəliyev