Şamaxı Rayon Məhkəməsi Qərardad — İş №2(074)-1245/2021

Azərbaycan Respublikası adından QƏRARDAD Şamaxı rayonu İş № 2(074)-1245/2021 08.10.2021 ŞAMAXI RAYON MƏHKƏMƏSİ Mən, Şamaxı rayon Məhkəməsinin hakimi Hümbətov Etibar Zülfüqar oğlu, iddiaçı Accessbank QSC-nin cavabdeh lər X1 və Cavabdeh2 Vaqif oğluna qarşı kredit müqaviləsi üzrə borc tələbinə dair iddia ərizəsini və ona əlavə edilmiş sənədləri nəzərdən keçirib, MÜƏYYƏN ETDİM: İddiaçı Accessbank QSC məhkəməyə kredit müqaviləsi üzrə borc tələbinə dair iddia ərizəsi ilə müraciət edərək cavabdehlər X1 və Cavabdeh2 Vaqif oğlundan müştərək qaydada 002R********** saylı kredit razılaşması üzrə 1438,52 manat məbləğində kredit borcu, 293,84 manat məbləğində faiz borcu və 468,6 manat məbləğində borcu olmaqla ümumilikdə 2200,96 manat məbləğində borcun, məhkəməm iddia qaldırmaq üçün ödənilmiş 30 manat məbləğində dövlət rüsumunun tutulması barədə qətnamə çıxarılmasını xahiş etmişdir. İddia ərizəsini və ona əlavə edilmiş sənədləri araşdıraraq hesab edirəm ki, iddia ərizəsi aşağıdakı əsaslara görə iddiaçıya geri qaytarılmalıdır. Belə ki, iddia ərizəsinə əlavə edilmiş 01 oktyabr 2021-ci il tarixli qəzbdən məlum olur ki, iddiaçı Accessbank QSC tərəfindən iddia tələbi üçün 30 manat dövlət rüsumu ödənilmişdir. İş materiallarından görünür ki, iddiaçı Accessbank QSC caavbdehlərdən 2200 manat kredit borcu üçün pul tələb edir. Azərbaycan Respublikasının Mülki Prosesual Məcəlləsinin 108.1.1-ci maddəsinə əsasən iddia ərizəsi verildikdə dövlət rüsumu ödənilir. Dövlət rüsumu haqqında Azərbaycan Respublikası Qanununun 8.1.2-ci maddəsinə əsasən qiymətləndirilən iddia ərizəsinin verilməsinə görə tələb 1000 manatdan 10000 manatadək olduqda 30 manat +1000 manatdan yuxarı olan iddia qiymətinin 1 faizi məbləğində dövlət rüsumu ödənilməlidir. Azərbaycan Respublikasının Mülki Prosesual Məcəlləsinin 149.2.3-cü maddəsinin tələbindən də aydın olur ki, iddiaçının və ya ərizəçinin tələbi, onların öz tələblərini əsaslandırdıqları hallar iddia ərizəsində göstərilməlidir. Azərbaycan Respublikasının Mülki Prosesual Məcəlləsinin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim tərəfindən geri qaytarılır. Azərbaycan Respublikasının Mülki Prosesual Məcəlləsinin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim ərizə və ona əlavə edilmiş sənədləri geri qaytarır. Hesab edirəm ki, yuxarıda göstərilən nöqsanlar aradan qaldırıldıqdan sonra yenidən ümumi qaydada aidiyyəti üzrə məhkəməyə müraciət etmək hüququ iddiaçıya izah olunmaqla, ərizə və ona əlavə edilmiş sənədlər ona geri qaytarılmalıdır. Qeyd olunanlara əsasən və Azərbaycan Respublikasının Mülki Prosesual Məcəlləsinin 152, 263-264, və 267-268-ci maddələrini rəhbər tutaraq, QƏRARA ALDİM: İddiaçı Accessbank QSC-nin cavabdehlər X1 və Cavabdeh2 Vaqif oğluna qarşı kredit müqaviləsi üzrə borc tələbinə dair iddia ərizəsi və ona əlavə edilmiş sənədləri iddiaçıya geri qaytarılsın. Göstərilən nöqsanlar aradan qaldırıldıqdan sonra yenidən ümumi qaydada aidiyyəti üzrə məhkəməyə müraciət etmək hüququ iddiaçıya izah olunsun. Qərardaddan 10 gün müddətində Şamaxı rayon məhkəməsinə şikayət verilə bilər. HAKİM ETİBAR HÜMBƏTOV