Şəki Rayon Məhkəməsi Qərardad — İş №2(075)-1783/2020

Azərbaycan Respublikası adından QƏRARDAD Şəki şəhəri İş № 2(075)-1783/2020 17.11.2020 ŞƏKİ RAYON MƏHKƏMƏSİ Mən, Şəki Rayon Məhkəməsinin hakimi Hacıyev Pərviz Vaqif oğlu, İddiaçı BOKT «xxxxxxxxxx» QSC-nin Cavabdeh qarşı «borc» tələbinə dair kiçik iddialara dair işlər üzrə sadələşdirilmiş icraat qaydasında iddia ərizəsini nəzərdən keçirib, MÜƏYYƏN ETDİM: İddiaçı BOKT «xxxxxxxxxx» QSC iddia ərizəsi ilə məhkəməyə müraciət edərək, Cavabdeh BOKT «xxxxxxxxxx» QSC-nin xeyrinə xx xxxx 2019-cu il tarixli, 080-EMB-0463- 19 saylı Kredit müqaviləsi üzrə 264.38 manat əsas borc, 23.18 manat faiz borcu, xx xxxx 2019-cu il tarixli, 080-EMB-0462-19 saylı Kredit müqaviləsi üzrə 436.00 manat əsas borc və 30.40 manat məbləğində dövlət rüsumunun tutulması barədə qətnamə çıxarılması xahiş etmişdir. Lakin iddia ərizəsi və ona əlavə edilmiş sənədlər Azərbaycan Respublikasının MPMnin 152-ci maddəsi rəhbər tutularaq geri qaytarılmalıdır. Belə ki, Azərbaycan Respublikasının MPM-nin 152.1.2-ci maddəsinə əsasən iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda hakim iddia ərizəsini və ona əlavə edilmiş sənədləri geri qaytarır. Həmin Məcəllənin 69.3-cü maddəsinə əsasən, təşkilat rəhbərinin səlahiyyəti onun tərəfindən məhkəməyə təqdim edilmiş xidməti vəzifəsini bildirən sənədi, zəruri olduqda isə təsis sənədləri ilə (nizamnamə, müqavilə ilə) təsdiq olunur. İddiaçı BOKT «xxxxxxxxxx» QSC Cavabdeh qarşı iddia ərizəsi ilə məhkəməyə müraciət edərək Cavabdeh BOKT «xxxxxxxxxx» QSC-nin xeyrinə xx xxxx 2019-cu il tarixli, 080-EMB-0463-19 saylı Kredit müqaviləsi üzrə 264.38 manat əsas borc, 23.18 manat faiz borcu, xx xxxx 2019-cu il tarixli, 080-EMB-0462-19 saylı Kredit müqaviləsi üzrə 436.00 manat əsas borc və 30.40 manat məbləğində dövlət rüsumunun tutulmasını xahiş etsə də, iddia ərizəsini imzalamış Nümayəndə BOKT «xxxxxxxxxx» QSC adından iddia ərizəsini imzalama səlahiyyətinin olmasına dair etibarnaməni imzalamış Samir İsgəndərovun BOKT «xxxxxxxxxx» QSC-nin İdarə heyətinin sədri vəzifəsini icra etməsini təsdiq edən hər hansı bir sənəd iddia ərizəsinə əlavə edilməmişdir. İşin sənədlərinə iddiaçının nizamnaməsi əlavə edilməmişdir. Qeyd edilənlər isə o nəticəni yaradır ki, iddiaçının nümayəndəsinə etibarnamə vermiş şəxsin səlahiyyətləri qeyri-müəyyəndir. Belə ki, iddiaçının nizamnaməsi təqdim edilmədiyindən, Samir İsgəndərovun hansı səlahiyyətlərə malik olması aydın deyildir. Ona görə də iddiaçı BOKT «xxxxxxxxxx» QSC-nin iddia ərizəsi geri qaytarılmalı, qərardadda göstərilən nöqsanlar aradan qaldırıldıqdan sonra iddiaçıya yenidən məhkəmədə iddia qaldırmaq hüququnun olması izah edilməlidir. Azərbaycan Respublikasının MPM-nin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.4-cü maddəsinə əsasən iddia ərizəsinin qaytarılması, nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən və Azərbaycan Respublikasının MPM-nin 263.1, 264, 266- 268-ci maddələrini rəhbər tutaraq QƏRARA ALDİM: İddiaçı BOKT «xxxxxxxxxx» QSC-nin Cavabdeh qarşı “borc” tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya qərardadda göstərilən nöqsanlar aradan qaldırıldıqdan sonra ikinci dəfə məhkəməyə müraciət etmək hüququ olması izah edilsin. Qərardaddan surəti alındığı (təqdim edildiyi) gündən 10 (on) gün müddətində Şəki Rayon Məhkəməsinə şikayət verilə bilər. Hakim Pərviz Hacıyev