Şəki Rayon Məhkəməsi Qərardad — İş №2(075)-821/2021

Azərbaycan Respublikası adından QƏRARDAD Şəki şəhəri İş № 2(075)-821/2021 18.05.2021 ŞƏKİ RAYON MƏHKƏMƏSİ Hakim İmanov Cahid Fehruz oğlunun sədrliyi, Sadiqova Türkan Bəxtiyar qızının katibliyi ilə, İDDIAÇI QTSC-nin Cavabdeh qarşı “dəymiş ziyanın” tələbinə dair iddiası üzrə mülki işə açıq məhkəmə iclasında baxaraq, məhkəmə Müəyyən e t d i: İDDIAÇI QTSC iddia ərizəsi ilə məhkəməyə müraciət edərək, cavabdehin maddi məsuliyyətinə verilmiş İDDIAÇI QTSC-yə məxsus olmuş yanacaq kartı vasitəsi ilə yanacaq doldurma stansiyasından əldə etdiyi və aidiyyati üzrə təhvil vermədiyi yanacağa görə İDDIAÇI QTSC-yə vurulmuş 21381,38 manat dəyərində ziyanın və ödənilmiş 30 manat dövlət rüsumunun, ümumilikdə 21411,38 manat maliyyə vəsaitinin Cavabdeh tutulub İDDIAÇI QTSC-nə ödnilməsi barədə qətnamə çıxarılmasını xahiş etmişdir. İddia ərizəsi məhkəmənin icraatına qəbul edilmiş, mülki iş üzrə məhkəmə hazırlıq iclası 23 aprel 2021-ci il tarixdə keçirilmiş, mülki işin məhkəmə baxışı iclası bu günə, yəni 18 may 2021-ci il tarixə, saat 11:30-a təyin edilmiş, mülki proses tərəflərinə məhkəmə iclasının yeri və vaxtı barədə rəsmi qaydada məlumat verilmişdir. Lakin 18 may 2021-ci il tarixdə keçirilən məhkəmə iclasına mülki proses tərəfləri gəlməmiş, məhkəmə iclasına gəlməmələrinin səbəbləri barədə məhkəməyə məlumat verməmişlər və işə onların iştirakı olmadan baxılmasını xahiş etməmişlər. Mülki iş materiallarını nəzərdən keçirərək məhkəmə belə nəticəyə gəlir ki, iddia ərizəsi baxılmamış saxlanılmalıdır. Belə ki, Azərbaycan Respublikası MPM-nin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Göründüyü kimi işə onların iştirakı olmadan baxılmasını tələb etməmiş mülki proses tərəfləri məhkəməyə gəlməmişlər. Belə olan halda iddia ərizəsi baxılmamış saxlanılmalı, ümumi qaydada məhkəmədə iddia qaldırmaq hüququ İDDIAÇI QTSC-nə izah edilməlidir. Göstərilənlərə əsasən və Azərbaycan Respublikası MPM-nin 259.0.6, 263- 264, 266-269-cu maddələrinin tələblərini rəhbər tutaraq, məhkəmə Qərara aldı: İDDIAÇI QTSC-nin Cavabdeh qarşı “dəymiş ziyanın” tələbinə dair iddia ərizəsi baxılmamış saxlanılsın. İDDIAÇI QTSC-nə izah edilsin ki, o, ümumi qaydada yenidən məhkəmədə iddia qaldıra bilər. Qərardaddan, surəti rəsmi qaydada verildikdən sonra 10 gün müddətində Şəki Rayon Məhkəməsinə şikayət verilə bilər. Sədrlik edən Cahid İmanov