Şəmkir Rayon Məhkəməsi Qərardad — İş №2(076)-1364/2024

Azərbaycan Respublikası adından QƏRARDAD Şəmkir rayon İş № 2(076)-1364/2024 12.03.2024 ŞƏMKİR RAYON MƏHKƏMƏSİ Hakim Məhəmmədi Həvayət Kəmaləddin qızı, İddiaçı cavabdehlər Cavabdeh İB-nə və Cavabdeh İB-nin X1 İstismar İdarəsinə qarşı “Şəmkir RQİİ-nin "aylıq əlavə ödənişin ləğv edilməsi haqqında" 14-2-2-13/3-1i-445/2023 saylı əmrinin və əmrin verilməsinə əsas olmuş sənədləşmələrin ləğv edilməsi, eləcə də həmin əmrin icrası ilə əlaqədar əmək haqqından məcburi tutulmuş məbləğin geri qaytarılmasına” dair iddia ərizəsi və ona əlavə edilmiş sənədlərin məhkəmənin icraatına qəbul edilməsinin mümkünlüyünə baxaraq, müəyyənetdi: İddiaçı cavabdehlər Azəriqaz” İB-nə və Cavabdeh İB-nin X1 İstismar İdarəsinə qarşı “Şəmkir RQİİ-nin "aylıq əlavə ödənişin ləğv edilməsi haqqında" 14-2-2-13/3-1i- 445/2023 saylı əmrinin və əmrin verilməsinə əsas olmuş sənədləşmələrin ləğv edilməsi, eləcə də həmin əmrin icrası ilə əlaqədar əmək haqqından məcburi tutulmuş məbləğin geri qaytarılmasına dair” iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək məhkəmə hesab edir ki, iddia ərizəsinin qanunla müəyyən olunmuş məzmununa riayət edilmədiyindən, iddia ərizəsi və ona əlavə edilmiş sənədlər geri qaytarılmalıdır. Belə ki, İddiaçı iddia ərizəsində cavabdehin birini Cavabdeh İB-nin X1 İstismar İdarəsini göstərmişdir. Azərbaycan Respublikası Mülki Məcəlləsinin 53.2-ci maddəsinə əsasən hüquqi şəxsin olduğu yerdən kənarda yerləşən və onun funksiyalarının hamısını və ya bir hissəsini, o cümlədən nümayəndəlik funksiyalarını həyata keçirən ayrıca bölməsi filial sayılır. Həmin Məcəllənin 53.3-cü maddəsinə əsasən nümayəndəliklər və filiallar hüquqi şəxs deyildirlər və hüquqi şəxsin təsdiq etdiyi əsasnamələr üzrə fəaliyyət göstərirlər. Azərbaycan Respublikası Mülki Prosessual Məcəlləsinin 50.1-ci maddəsinə əsasən prosesdə tərəflər iddiaçı və cavabdeh hesab edilirlər. Fiziki və hüquqi şəxslər, vəzifəli şəxslər, dövlət orqanları və başqa orqanlar iddiaçı və ya cavabdeh qismində çıxış edə bilərlər. Azərbaycan Respublikası Konstitusiya Məhkəməsi Plenumunun “Azərbaycan Respublikası Əmək Məcəlləsinin 3-cü maddəsinin 1 və 3-cü hissələrinin Azərbaycan Respublikası Mülki Prosessual Məcəlləsinin 49.1, 50.1 və 50.4-cü maddələri ilə əlaqəli şəkildə şərh edilməsinə dair” xx.xx.2024-cü il tarixli qərarında qeyd edilir ki, Azərbaycan Respublikası Mülki Məcəlləsinin 53 və 54-cü maddələrinin hüquqi mahiyyətinə, eləcə də Azərbaycan Respublikası Mülki Prosessual Məcəlləsinin 49.1-ci maddəsinə müvafiq olaraq, hüquqi şəxsin struktur bölməsi mülki prosessual fəaliyyət qabiliyyətinə malik olmadığına görə, müvafiq məhkəmə mübahisələrində yalnız hüquqi şəxsin adından sonuncunun təsdiq etdiyi əsasnamə və ya verdiyi etibarnamə əsasında çıxış edə bilər. Qeyd olunan maddi və prosessual hüquq normalarına əsasən məhkəmədə iddiaçı və ya cavabdeh qismində yalnız hüquqi şəxs çıxış edə bilər. İddiaçı isə iddia ərizəsində cavabdeh kimi hüquqi şəxsin Regional İdarəsini göstərmişdir ki, hüquqi şəxsin Regional İdarəsinin məhkəmədə iddiaçı və ya cavabdeh qismində çıxış etməsi qanunvericilikdə nəzərdə tutulmamışdır. Digər tərəfdən iddiaçı iddia ərizəsində cavabdeh qismində Cavabdeh göstərmişdir ki, qeyd edilən cavabdehin hüquqi ünvanı ünvan 1 ünvanının olduğu yerə görə verilməlidir. Azərbaycan Respublikası Mülki Prosessual Məcəlləsinin 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. İddia ərizəsinin mümkünlüyündən bəhs edən Azərbaycan Respublikası Mülki Prosessual Məcəlləsinin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. İddia ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur (Azərbaycan Respublikası Mülki- Prosessual Məcəlləsi 152.4-cü maddə). Məhkəmə hesab edir ki, qanunvericiliyin göstərilən tələblərinə əməl olunmadığı üçün İddiaçı cavabdehlərə Azəriqaz” İB-nə və Cavabdeh-nin X1 İstismar İdarəsinə qarşı “Şəmkir RQİİ-nin "aylıq əlavə ödənişin ləğv edilməsi haqqında" 14-2-2-13/3-1i- 445/2023 saylı əmrinin və əmrin verilməsinə əsas olmuş sənədləşmələrin ləğv edilməsi, eləcə də həmin əmrin icrası ilə əlaqədar əmək haqqından məcburi tutulmuş məbləğin geri qaytarılmasına dair” tələbinə dair iddia ərizəsi və ona əlavə edilmiş sənədlər geri qaytarılmalı və göstərilən nöqsanlar aradan qaldırıldıqdan sonra iddiaçıya ikinci dəfə məhkəməyə müraciət etmək hüququ izah olunmalıdır. Göstərilənlərə əsasən və Azərbaycan Respublikası Mülki-Prosessual Məcəlləsinin 152, 263, 264, 268-269-cu maddələrini rəhbər tutaraq, məhkəmə qəraraaldı: İddiaçı cavabdehlər Cavabdeh İB-nə və Cavabdeh X1 İstismar İdarəsinə qarşı “Şəmkir RQİİ-nin "aylıq əlavə ödənişin ləğv edilməsi haqqında" 14-2-2-13/3-1i-445/2023 saylı əmrinin və əmrin verilməsinə əsas olmuş sənədləşmələrin ləğv edilməsi, eləcə də həmin əmrin icrası ilə əlaqədar əmək haqqından məcburi tutulmuş məbləğin geri qaytarılmasına dair” iddia ərizəsi və ona əlavə edilmiş sənədlər geri qaytarılsın. İddiaçıya izah edilsin ki, qərarın təsviri hissəsində göstərilən nöqsan aradan qaldırıldıqdan sonra təkrarən ümumi qaydada iddia ərizəsi ilə məhkəməyə müraciət edə bilər. Qərardaddan rəsmi qaydada verildikdən sonra 10 (on) gün müddətində Şəmkir Rayon Məhkəməsinə şikayət verilə bilər. Hakim: Həvayət Məhəmmədi