Şuşa Rayon Məhkəməsi Qətnamə — İş №2(077)-104/2022

Azərbaycan Respublikası adından QƏTNAMƏ Şuşa rayonu İş № 2(077)-104/2022 05.05.2022 ŞUŞA RAYON MƏHKƏMƏSİ Şuşa Rayon Məhkəməsinin hakimi vəzifəsini müvəqqəti icra edən Abşeron Rayon Məhkəməsinin hakimi Səfiyeva Cəmilə İbrahim qızının sədrliyi, X2 iclas katibliyi, İddiaçı «Finca Azerbaijan» MM QBKT-nın nümayəndəsi X1 iştirakı ilə, İddiaçı «Finca Azerbaijan» MM QBKT-nın Cavabdeh qarşı «borc tələbi»nə dair iddiası üzrə mülki işə məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı «Finca Azerbaijan» MM QBKT Cavabdeh qarşı «borc tələbi»nə dair iddia ərizəsi ilə məhkəməyə müraciət edərək,Cavabdeh əsas borc üzrə 1330,33 (bir min üç yüz otuz manat otuz üç qəpik) əsas borcun və 33,30 (otuz üç manat otuz üç qəpik) manat məbləğində dövlət rüsumunun iddiaçı «Finca Azerbaijan» MM QBKT-nın xeyrinə tutulması barədə qətnamə çıxarılmasını xahiş etmişdir. İddia tələbi onunla əsaslandırılmışdır ki,«Finca Azerbaijan» MM QBKT ilə Cavabdeh arasında bağlanmış 28 iyul 2016-cı il tarixli **********3457 saylı kredit müqaviləsinə əsasən bank cavbdehə biznes məqsədləri və həyat səviyyəsinin yaxşılaşdırılması üçün 18 ay müddətinə illik 25% hesablanmaqla 1460 ABŞ dolları məbləğində kredit vermişdir.Tərəflər arasında bağlanmış kredit müqaviləsinə görə kreditin faktiki istifadə edilmiş məbləğinə hesablanmış faizlərin və əsas borc məbləğinin ödənilməsi borcalan tərəfindən nəzərdə tutulmuş,lakin Cavabdeh üzərinə düşən öhdəliyi yerinə yetirməmişdir.Ona görə də,tərəflər arasında 28 iyul 2016-cı il tarixli **********3457 saylı kredit müqaviləsinin restrukturizasiyasına dair 10.07.2017-ci il tarixli saziş imzalanmış və qalıq borc məbləği olan 1755 manat pulun illik 19,50% hesablanmaqla 18 ay müddətinə ödəməyi razılaşdırmışlar.Lakin cavabdeh saziş üzrə də öhdəliklərini vaxtında və lazımi qaydada icra etməmiş,nəticədə 07.02.2022-ci il tarixinə 1330,33 manat məbləğində borcu hesablanmışdır. Məhkəmə iclasında çıxış edən iddiaçı «Finca Azerbaijan» MM QBKT-nin nümayəndəsi X3 iddia ərizəsinin məzmununa uyğun izahat verərək təmin edilməsini xahiş etdi. Cavabdeh məhkəmə iclasının yeri və vaxtı barədə lazımi qaydada xəbərdarlıq edilməsinə baxmayaraq,məhkəmə iclasına gəlməmiş, gəlməməsinin səbəbləri barədə heç bir məlumat verməmişdir.Məhkəmə Azərbaycan Respublikası MPM-nin 185.5-ci maddəsinə əsasən və iddiaçının nümayəndəsinin fikrini nəzərə alaraq işə Cavabdeh iştirakı olmadan baxılmasını mümkün hesab etmişdir. Məhkəmə iddiaçının nümayəndəsinin izahatını dinləyib,işdəki sənədləri, sübutları işin bütün faktiki hallarını tam,hərtərəfli və obyektiv araşdırıb belə qərara gəlir ki, iddia tələbi təmin olunmalıdır. İş materiallarında olan: - «Finca Azerbaijan» MM QBKT ilə Cavabdeh arasında bağlanmış 28 iyul 2016-cı il tarixli **********3457 saylı kredit müqaviləsindən görünür ki,cavabdehə 18 ay müddətinə illik 25% hesablanmaqla 1460 ABŞ dolları məbləğində kredit verilmişdir. - 28.07.2016-cı tarixli kassa məxaric orderindən görünür ki, «Finca Azerbaijan» MM QBKT tərəfindən 28 iyul 2016-cı il tarixli **********3457 nömrəli kredit müqaviləsinə əsasən, Cavabdeh 1460 ABŞ dolları məbləğində pul vəsaiti imza edilərək qəbul etmişdir. - «Finca Azerbaijan» MM QBKT ilə Cavabdeh arasında bağlanmış 28 iyul 2016-cı il tarixli **********3457 saylı kredit müqaviləsinin restrukturizasiyasına dair 10.07.2017-ci il tarixli sazişdən görünür ki,kredit müqaviləsi üzrə qalıq məbləği olan 1755 manat məbləğində pulu Cavabdeh illik 19,50% hesablanmaqla 18 ay müddətinə ödəməyi öhdəsinə götürmüşdür. - «Finca Azerbaijan» MM QBKT-nın 07.02.2022-ci il tarixli maliyyə arayışından görünür ki,28 iyul 2016-cı il tarixli **********3457 saylı kredit müqaviləsinə əsasən Cavabdeh 07.02.2022-ci il tarixə «Finca Azerbaijan» MM QBKT-na olan borcu 1330,33 manat təşkil edir. Azərbaycan Respublikası Mülki Məcəlləsinin: 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. 442-ci maddəsinə görə isə öhdəliyin icra edilməməsi dedikdə onun pozulması və lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlara və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. 739-cu maddəsinə əsasən borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Müstəqil peşə fəaliyyəti şəklində pul borc verməklə məşğul olan şəxslər əlavə olaraq peşəkarlıq qaydasında kreditlər verilməsi haqqında müddəaları gözləməlidirlər. 742-ci maddəsinə əsasən borcu alan borc məbləğini borc verənə vaxtında və borc müqaviləsində nəzərdə tutulmuş qaydada qaytarmalıdır. Məhkəmə baxışında tədqiq olunmuş sübutlar əsasında müəyyən edilmişdir ki, «Finca Azerbaijan» MM QBKT ilə Cavabdeh arasında bağlanmış 28 iyul 2016-cı il tarixli **********3457 saylı kredit müqaviləsinə əsasən bank (borc verən) tərəfindən Cavabdeh (borc alan) 18 ay müddətinə illik 25% olmaqla 1460 ABŞ dolları məbləğində kredit verilmişdir.Daha sonra tərəflər arasında bağlanmış 10.07.2017-ci il tarixli sazişə əsasən kredit müqaviləsinə üzrə qalıq borc məbləği olan 1755 manat məbləğində pulu cavabdeh 18 ay müddətinə illik 19,50% hesablanmaqla ödəməli idi.Cavabdeh kredit müqaviləsinin tələblərini pozaraq üzərinə düşən öhdəliyi yerinə yetirməmiş, nəticədə 07.02.2022-ci il tarixə «Finca Azerbaijan» MM QBKT-na 1330,33 manat əsas borcu yaranmışdır Azərbaycan Respublikası MPM-nin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Beləliklə,məhkəmə iclasında tədqiq olunmuş sübutları məcmu halında qiymətləndirərək və yuxarıda qeyd olunan qanunvericiliyin tələblərini nəzərə alaraq hesab edir ki, iddia tələbi təmin edilməli, Cavabdeh əsas borc üzrə 1330,33 manat məbləğində pul və ödənilmiş 33,30 manat dövlət rüsumu tutularaq «Finca Azerbaijan» MM QBKT-nin xeyrinə ödənilməlidir. Şərh edilənlərə əsasən və Azərbaycan Respublikası MPM-nin 77, 88, 172-179, 182, 183,192, 209-214, 216-220 və 360-cı maddələrini rəhbər tutaraq məhkəmə, QƏT ETDİ: İddia təmin edilsin. Cavabdeh əsas borc üzrə 1330,33 (bir min üç yüz otuz manat otuz üç qəpik) manat məbləğində pul və 33,30 (otuz üç manat otuz qəpik) manat dövlət rüsumu tutularaq «Finca Azerbaijan» MM QBKT-nın xeyrinə ödənilsin. Qətnamədən,qətnamə təqdim olunan (alınan) gündən bir ay müddətində Şuşa Rayon Məhkəməsi vasitəsilə Sumqayıt Apellyasiya Məhkəməsinə apellyasiya şikayəti verilə bilər.