Şuşa Rayon Məhkəməsi Qətnamə — İş №2(077)-187/2020

Azərbaycan Respublikası adından QƏTNAMƏ Şuşa rayonu İş № 2(077)-187/2020 16.09.2020 ŞUŞA RAYON MƏHKƏMƏSİ Şuşa Rayon Məhkəməsinin hakimi vəzifəsini müvəqqəti icra edən Abşeron Rayon Məhkəməsinin hakimi Səfiyeva Cəmilə İbrahim qızının sədrliyi, KamranlıGünel Ramiz qızının iclas katibliyi ilə, İddiaçı «xxxxxxxxxxx» MMC-nin Cavabdeh qarşı «pul tələbi» nə dair mülki işə kiçik iddialara dair sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı «xxxxxxxxxxx» MMC iddia ərizəsi ilə Şuşa Rayon Məhkəməsinə müraciət edərək, Cavabdeh xx.xx.2019-cu il tarixli 00593090 saylı kredit müqaviləsi üzrə İMEİ Kodu **********01458 “Samsung Galaxy A7”markalı telefon üçün 461(dörd yüz altmış bir) manat ödənilməmiş hissə , 46(qırx altı) manat cərimə , xx.xx.2019-cu il 00688327 saylı kredit müqaviləsi üzrə İMEİ Kodu **********62852 olan “Samsung Galaxy A30” markalı telefon, “Samsung”markalı qulaqcıq,4D X1,TPU Case qoruyucu örtüklər üçün 400(dörd yüz) manat ödənilməmiş hissə , 40(qırx) manat cərimə, xx.xx.2019-cu il tarixli 00717975 saylıkredit müqaviləsi üzrə İMEİ kodu **********68076 olan “İphone 6s” markalı telefon üçün 300(üç yüz) manat ödənilməmiş hissə, 30(otuz)manat cərimə ümumilikdə 1277(min iki yüz yetmiçş yeddi) manat borc və 30 (otuz) manat ödənilmiş dövlət rüsumunun alınaraq «xxxxxxxxxxx» MMC-nin xeyrinə ödənilməsi barədə qətnamə qəbul edilməsini xahiş etmişdir. İddia tələbi onunla əsaslandırılmışdır ki, «xxxxxxxxxxx» MMC ilə Cavabdeh arasında bağlanmış xx.xx.2019-cu il tarixli 00593090 saylımüqaviləyə əsasən alqı-satqı qiyməti 819(səkkiz yüz on doqquz) manat (12 ay x 66 manat + 27 manat ilkin ödəniş) olan İMEİ Kodu **********01458 olan “Samsung Galaxy A7” markalı telefon üçün ümumilikdə 461(dörd yüz altmış bir) manat ödənilməmiş əsas hissə və 138(yüz otuz səkkiz) manat cərimə(210 gün x 0,66 manat) (hər gün üçün ödənilməmiş məbləğin 1 % miqdarında cərimə pulu) hesablanmalı olmasına baxmayaraq, müştəriyə güzəşt olunaraq 46(qırx altı) manat cərimə borcu hesablanmışdır. Tərəflər arasında bağlanmış xx.xx.2019-cu il tarixli 00688327 saylı müqaviləyə əsasən alqısatqı qiyməti 750(yeddi yüz əlli) manat (15 ay x 50 manat+ 0 manat ilkin ödəniş) olan İMEİ kodu **********62852 olan “Samsung Galaxy A30” markalı telefon,Samsung Headphones ulaqcıq,4D X1 case qoruyucu örtüklər üçün ümumilikdə 400(dörd yüz) manat ödənilməmiş əsas hissə və 75(yetmiş beş) manat cərimə (150 gün x 0,50 manat), (hər gün üçün ödənilməmiş məbləğin 1 % miqdarında cərimə pulu) hesablanmalı olmasına baxmayaraq, müştəriyə güzəşt olunaraq 40(qırx) manat cərimə borcu hesablanmışdır. Tərəflər arasında bağlanmış xx.xx.2019-cu il tarixli 00717975 saylı müqaviləyə əsasən alqısatqı qiyməti 911(doqquz yüz on bir) manat (12 ay x 60 manat+191 manat ilkin ödəniş) olan İMEİ kodu **********68076 olan “İphone 6s” markalı telefon üçün ümumilikdə 300(üç yüz) manat ödənilməmiş əsas hissə və 90(doxsan) manat cərimə (150 gün x 0,60 manat), (hər gün üçün ödənilməmiş məbləğin 1 % miqdarında cərimə pulu) hesablanmalı olmasına baxmayaraq, müştəriyə güzəşt olunaraq 30(otuz) manat cərimə borcu hesablanmışdır. Cavabdehin bu müqavilə üzrə cəmi ödədiyi məbləğ 1319 manat təşkil edir. Ona görə də hazırkı tələblə bağlı məhkəməyə müraciət edilmişdir. Məhkəmə hazırkı iddianın qiymətinin iki min manatdan az olmasını nəzərə alaraq mülki işə sadələşdirilmiş icraat qaydasında baxılmasını mümkün hesab etmişdir. Belə ki, Azərbaycan Respublikası Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. İş materiallarından görünür ki, iddia ərizəsi xx xxxx 2020-ci il tarixdə məhkəməyə daxil olmuş və həmin tarixdə məhkəmə Cavabdeh prosessual hüquq və vəzifələrinin izahı barədə rəsmi qaydada bildiriş göndərmişdir. Azərbaycan Respublikası Mülki Prosessual Məcəlləsinin 284-5.2-ci maddəsinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə Cavabdeh qanunla müəyyən olunmuş qaydada prosessual hüquq və vəzifələrinin izah olunduğunu, iddiaya qarşı etirazının olmamasını və iddia tələbinin kiçik iddialar kateqoriyasına aid edilməklə yanaşı mübahisə doğurmayan tələb olduğunu nəzərə alaraq hesab edir ki, mülki işin iddia icraatına keçirilməklə iş üzrə əlavə araşdırma aparılmasına, ekspertiza təyin olunmasına və ya tərəflərin məhkəməyə çağırılmaqla dinlənilmələrinə lüzum yoxdur, mülki işin prosessual vəziyyəti işə sadələşdirilmiş icraat qaydasında baxılmasına mane olmur. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən, kiçik iddialar üzrə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı, həmin işin həllinə dair qətnamə çıxarılmalıdır. Məhkəmə iddiaçının təqdim etdiyi sənədləri tədqiq edərək toplanmış sübutlara Azərbaycan Respublikası Mülki Prosessual Məcəlləsinin 88-ci maddəsinə əsasən məcmusu halında qiymət verərək hesab edir ki, iddia tələbi təmin olunmalıdır. Məhkəmə gəldiyi nəticəni aşağıda qeyd olunanlarla əsaslandırır. Azərbaycan Respublikası Konstitusiyasının 60-cı maddəsinin birinci hissəsinə görə hər kəsin hüquq və azadlıqlarının məhkəmədə müdafiəsinə təminat verilir. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənnin 77-ci maddəsinin tələblərinə görə hər bir tərəf öz tələblərinin və etirazlarının əsası kimi istinad etdikləri halları sübut etməlidir. Həmin Məcəllənin 88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Həmin Məcəllənin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. İş materiallarında olan : - iddiaçı «xxxxxxxxxxx» MMC ilə Cavabdeh arasında bağlanmış xx.xx.2019-cu il tarixli 00593090 saylı müqaviləyə əsasən satıcı 819 manat məbləğində “Samsung Galaxy A7” markalı telefonu alıcıya vermiş, alıcı isə onları qəbul edərək avadanlıqların qiymətini satıcıya ödəməyi öhdəsinə götürmüşdür. - kredit müqaviləsinin ayrılmaz hissəsi olan kredit ödəniş cədvəlindən görünür ki, Cavabdeh xx.xx.2019-cu il tarixli 00593090 saylı müqavilə üzrə almış olduğu avadanlığın pulunu xx.xx.2019cu il tarixdən başlayaraq hər ay 66 manat ödəniş etməklə xx.xx.2020-ci il tarixədək ödəməli idi. - iddiaçı «xxxxxxxxxxx» MMC ilə Cavabdeh arasında bağlanmış xx.xx.2019-cu il tarixli 00688327 saylı müqaviləyə əsasən satıcı 750 manat məbləğində “Samsung Galaxy A30” markalı telefon,Samsung Headphones qulaqcıq,4D X1,TPU Case qoruyucu örtüklər alıcıya vermiş, alıcı isə onları qəbul edərək avadanlıqların qiymətini satıcıya ödəməyi öhdəsinə götürmüşdür. - kredit müqaviləsinin ayrılmaz hissəsi olan kredit ödəniş cədvəlindən görünür ki, Cavabdeh xx.xx.2019-cu il tarixli 00688327 saylı müqavilə üzrə almış olduğu avadanlığın pulunu xx.xx.2019cu il tarixdən başlayaraq hər ay 50 manat ödəniş etməklə xx.xx.2020-ci il tarixədək ödəməli idi. - iddiaçı «xxxxxxxxxxx» MMC ilə Cavabdeh arasında bağlanmış xx.xx.2019-cu il tarixli 00717975 saylı müqaviləyə əsasən satıcı 911 manat məbləğində “İphone 6s” markalı telefon alıcıya vermiş, alıcı isə onları qəbul edərək avadanlıqların qiymətini satıcıya ödəməyi öhdəsinə götürmüşdür. - kredit müqaviləsinin ayrılmaz hissəsi olan kredit ödəniş cədvəlindən görünür ki, Cavabdeh xx.xx.2019-cu il tarixli ********* saylı müqavilə üzrə almış olduğu avadanlığın pulunu xx.xx.2019cu il tarixdən başlayaraq hər ay 60 manat ödəniş etməklə xx.xx.2020-ci il tarixədək ödəməli idi. - iddiaçı «xxxxxxxxxxx» MMC-nin maliyyə arayışından görünür ki, cavabdehin xx.xx.2019-cu il tarixli 00593090 saylı müqaviləsinə əsasən əsas borc üzrə 461 manat və cərimə borcu üzrə 46 manat olmaqla,cəmi 507 manat borcu, xx.xx.2019-cu il tarixli 00688327 saylı müqaviləsinə əsasən əsas borc üzrə 400 manat və cərimə borcu üzrə 40 manat olmaqla,cəmi 440 manat borc,xx.xx.2019-cu il tarixli 00717975 saylı müqaviləsinə əsasən əsas borc üzrə 300 manat və cərimə borcu üzrə 30 manat olmaqla, cəmi 330 manat borcu olmaqla ümumilikdə hər üç müqavilə üzrə 1277 manat borcu vardır. - iddiaçı «xxxxxxxxxxx» MMC tərəfindən cavabdehə göndərilmiş xx.xx.2019-cu il ,xx.xx.2019-cu il,xx.xx.2019-cu il tarixli bildirişlərdən görünür ki, cavabdehə yaranmış borcla əlaqədar rəsmi məlumat verilməklə, öhdəliklərinin icra edilməsi tələb edilmiş və əks təqdirdə kreditin, kredit faizlərinin ödənilməsi barədə məhkəməyə iddia veriləcəyi nəzərinə çatdırılmışdır. - xx.xx.2020-ci il tarixli mədaxil qəbzindən görünür ki, iddiaçı məhkəmədə iddia qaldırılmasından ötrü 30 manat dövlət rüsumu ödəmişdir. İşin araşdırılan hallarından müəyyən olunur ki, cavabdeh müqavilə ilə üzərinə götürdüyü öhdəliyi lazımi qaydada icra etməmiş, onun iddiaçı qarşısında icra edilməmiş kredit öhdəlikləri vardır. Azərbaycan Respublikası Mülki Məcəlləsinin 279.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 425.1-ci maddəsinə görə öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. Azərbaycan Respublikası Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə yuxarıda qeyd olunan normalara əsaslanaraq hesab edir ki, iddia təmin edilməli, Cavabdeh xx.xx.2019-cu il tarixli 00593090 saylı müqaviləyə əsasən 461(dörd yüz altmış bir) manat ödənilməmiş hissə,46(qırx altı) manat cərimə borcu, xx.xx.2019-cu il tarixli 00688327 saylı müqaviləyə əsasən 400(dörd yüz) manat ödənilməmiş hissə,40(qırx) manat cərimə borcu,xx.xx.2019-cu il tarixli 00717975 saylı müqaviləyə əsasən 300(üç yüz) manat əsas borc,30(otuz) manat cərimə borcu olmaqla,ümumilikdə 1277(min iki yüz yetmiş yeddi) manat borc və 30 (otuz) manat məbləğində dövlət rüsumu tutulub iddiaçı «xxxxxxxxxxx» MMC-nin xeyrinə ödənilməlidir. Yuxarıda göstərilənlərə əsasən və MPM-in 216-220 və 222-ci maddələrinin göstərişini rəhbər tutaraq, məhkəmə QƏT ETDİ: İddia təmin edilsin. Cavabdeh xx.xx.2019-cu il tarixli 00593090 saylı müqaviləyə əsasən 461(dörd yüz altmış bir) manat ödənilməmiş hissə,46(qırx altı) manat cərimə borcu, xx.xx.2019-cu il tarixli 00688327 saylı müqaviləyə əsasən 400(dörd yüz) manat ödənilməmiş hissə,40(qırx) manat cərimə borcu,xx.xx.2019-cu il tarixli 00717975 saylı müqaviləyə əsasən 300(üç yüz) manat əsas borc,30(otuz) manat cərimə borcu olmaqla,ümumilikdə 1277(min iki yüz yetmiş yeddi) manat borc və 30 (otuz) manat məbləğində dövlət rüsumu tutulub «xxxxxxxxxxx» MMC-nin xeyrinə ödənilsin. Qətnamə rəsmi qaydada verildikdən sonra 1 (bir) ay müddətində Şuşa Rayon Məhkəməsi vasitəsilə Sumqayıt Apelyasiya Məhkəməsinə apelyasiya şikayəti verilə bilər. Kiçik iddialara dair sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir.