Naxçıvan MR Naxçıvan Şəhər Məhkəməsi Qərardad — İş №2(078)-832/2023

Azərbaycan Respublikası adından QƏRARDAD Naxçıvan şəhəri İş № 2(078)-832/2023 25.05.2023 NAXÇIVAN MR NAXÇIVAN ŞƏHƏR MƏHKƏMƏSİ Mən Naxçıvan Şəhər Məhkəməsinin hakimi Səfərəliyeva Gülnar Xanlar qızı, İddiaçı cavabdeh "xxxx" MMC-nin Naxçıvan filialına qarşı alqı-satqı müqaviləsinin ləğvi, əşyanın eynisi ilə əvəz olunması və ya ödənilmiş məbləğin geri qaytarılması tələbinə dair iddia ərizəsinə baxaraq müəyyənetdim: İddiaçı iddia ərizəsi ilə məhkəməyə müraciət edərək 19 iyul 2021-ci il tarixli alqı-satqı müqaviləsinin ləğv olunması, ödənilmiş 1750 manat pulun ona geri qaytarılması və ödənilmiş 38 manat dövlət rüsumunun cavabdehdən alınıb ona verilməsi barədə qətnamə çıxarılmasını məhkəmədən xahiş etmişdir. İddia ərizəsini və ona əlavə olunmuş sənədləri nəzərdən keçirib müəyyən etdim ki, iddia ərizəsi Azərbaycan Respublikası Mülki-Prosessual Məcəlləsinin 149-cu maddəsinin tələblərinə riayət edilmədən verilmişdir. Belə ki, İddiaçı tərəfindən məhkəməyə ünvanlanmış iddia ərizəsinin forma və məzmununa düzgün riayət olunmayaraq iddia tələbini alqı-satqı müqaviləsinin ləğvi, əşyanın eynisi ilə əvəz olunması və ya ödənilmiş məbləğin geri qaytarılması kimi qoysa da, ərizənin xahiş etdi hissəsini alqı-satqı müqaviləsinin ləğv olunması, ödənilmiş 1750 manat pulun ona geri qaytarılması kimi qeyd etmişdir. Digər tərəfdən Azərbaycan Respublikasının Mülki-Prosessual Məcəlləsinin 35.1-ci maddəsinə əsasən Qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. İddiaçının tələbi cavabdeh təşkilatın filialına qarşı qaldırılmalı deyil, iddiaçı Optimal Elektronika MMC-nin yerləşdiyi Bakı şəhəri üzrə hüquqi ünvana münasibətdə verilməli idi.. Göstərilən Məcəllənin 152.1.1-ci maddəsinə müvafiq olaraq iddia ərizəsinin həmin Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilən sənədləri geri qaytarır. Buna görə də hesab edirəm ki, yuxarıda göstərilən hüquq normaları baxımından iddia ərizəsi ona əlavə olunmuş sənədlərlə birlikdə geri qaytarılmalıdır. Azərbaycan Respublikası Mülki Prosessual Məcəlləsinin 152.4-cü maddəsinin tələbinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada yenidən müvafiq məhkəməyə müraciət etməyə mane olmur. Azərbaycan Respublikası Mülki-Prosessual Məcəlləsinin 114.1.3-cü maddəsinin tələbinə görə bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu geri qaytarılır. Buna görə də İddiaçı tərəfindən "xxxx" ASC Naxçıvan filialına xx.xx.2023-cü il tarixli 12675 nömrəli qəbzlə ödənilmiş 38 (otuz səkkiz) manat dövlət rüsumu geri qaytarılmalıdır. Qeyd olunanlara əsasən və Azərbaycan Respublikası Mülki-Prosessual Məcəlləsinin 151, 152.2, 263-264, 267-268-ci maddələrini rəhbər tutaraq qəraraaldım: İddiaçı cavabdeh "xxxx" MMC-nin Naxçıvan filialına qarşı alqı-satqı müqaviləsinin ləğvi, əşyanın eynisi ilə əvəz olunması və ya ödənilmiş məbləğin geri qaytarılması tələbinə dair iddia ərizəsi geri qaytarılsın. İddiaçı tərəfindən "xxxx" ASC Naxçıvan filialına xx.xx.2023-cü il tarixli 12675 nömrəli qəbzlə ödənilmiş 38 (otuz səkkiz) manat dövlət rüsumu iddiaçıya geri qaytarılsın. İddia ərizəsinin geri qaytarılması nöqsanlar aradan qaldırıldıqdan sonra ümumi qaydada yenidən müvafiq məhkəməyə müraciət etməyə mane olmur. Qərardaddan şikayət, qərardad tərəfə rəsmi qaydada verildikdən sonra 10 (on) gün müddətində verilə bilər. Hakim: Gülnar Səfərəliyeva.