Naxçıvan MR Naxçıvan Şəhər Məhkəməsi Qətnamə — İş №2(078)-972/2021

Azərbaycan Respublikası adından QƏTNAMƏ Naxçıvan şəhəri İş № 2(078)-972/2021 23.09.2021 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Məmmədov Qabil Neymət oğlu, ünvan 1 ünvanında yerləşən iddiaçı "xxxx" KB Açıq Səhmdar Cəmiyyətinin Cavabdeh qarşı borcun tutulması tələbi barədə kiçik iddialara dair işlər üzrə iddia ərizəsini və iddia ərizəsinə əlavə olunmuş sənədləri nəzərdən keçirərək müəyyə n e t d i m: "xxxx" KB Açıq Səhmdar Cəmiyyəti Cavabdeh qarşı iddia ərizəsi ilə məhkəməyə müraciət edərək, cavabdehdən xeyirlərinə 894 manat əsas, 169.87 manat faiz və 1.56 manat cərimə olmaqla, cəmi 1065.43 manat borcun və dövlət rüsumu olaraq ödənilmiş 30 manat məbləğində vəsaitin tutulması barədə qətnamə çıxarılmasını xahiş etmişdir. "xxxx" KB Açıq Səhmdar Cəmiyyəti iddia ərizəsini onunla əsaslandırmışdır ki, iddiaçı "xxxx" KB ASC ilə cavabdeh arasında 04 sentyabr 2020-ci il tarixli kredit müqaviləsi bağlandığını, həmin müqaviləyə əsasən borcluya istehlak məqsədləri üçün 24 ay müddətinə illik 25% ödəmək şərtilə, 894 manat məbləğində kredit verildiyini, "xxxx" KB ASC ilə Cavabdeh arasında bir neçə kredit müqaviləsinin mövcud olduğunu, müştərinin 15 yanvar 2020-ci il tarixli, 16787sGNDJ/19 saylı və 25 fevral 2020-ci il tarixli, 568nkKPZ/20 saylı kreditlərinin ödənilməsində maddi çətinliyinin yarandığını, banka müraciət edərək ona yeni kredit verilməsini və bu kredit hesabına gecikmədə olduğu kreditin bağlanılmasını xahiş etdiyini, müştərinin xahişinə uyğun olaraq ona 04 sentyabr 2020-ci il tarixli, 2137nkAHM/20 saylı müqavilə üzrə yeni kredit verildiyini və verilmiş yeni kredit hesabına müştərinin gecikmədə olan kreditinin bağlandığını, yəni, bankın pulu hesabına cavabdehin digər kreditinin bağlanıldığını və bu əməliyyatın bir hesabda olan pulun digər hesaba köçürülməsi ilə baş verdiyini, qeyd edilən prosedurun, yəni əvvəlki kreditin yeni öhdəlik hesabına bağlanmasının müvafiq qanunvericiliyə əsasən həyata keçirildiyini, 04 sentyabr 2020-ci il tarixli, 2137nkAHM/20 saylı kredit müqaviləsinin 15 yanvar 2020-ci il tarixli, 16787sGNDJ/19 saylı və 25 fevral 2020-ci il tarixli, 568nkKPZ/20 saylı kredit müqavilələrinin bağlanılması (xitam olunması) şərtilə rəsmiləşdirildiyini, bunları nəzərə alaraq, cavabdehdən xeyirlərinə 894 manat əsas, 169.87 manat faiz və 1.56 manat cərimə olmaqla, cəmi 1065.43 manat borcun və dövlət rüsumu olaraq ödənilmiş 30 manat məbləğində vəsaitin tutulması barədə qətnamə çıxarılmasını xahiş etmişdir. İş materiallarına əlavə edilmiş: Tərəflər arasında bağlanmış 04 sentyabr 2020-ci il tarixli, 2137nkAHM/20 nömrəli Kredit və X2 1.1-ci bəndinin tələbinə əsasən, bank 24 (iyirmi dörd) ay müddətinə 04 sentyabr 2022-ci il tarixədək illik 25% ödəmək şərtilə, 894 (səkkiz yüz doxsan dörd) AZN məbləğində krediti borcalanın mülkiyyətinə verir və ona bank hesabı (cari, ssuda) açır. Borcalan isə, həmin kreditdən məqsədli təyinatına uyğun istifadə etməyi və müəyyən olunmuş müddətdə onu faizi ilə birlikdə banka qaytarmağı öhdəsinə götürür. Ödəniş cədvəlinə əsasən, Cavabdeh "xxxx" KB Açıq Səhmdar Cəmiyyətinə olan borcunu 04 oktyabr 2020-04 avqust 2022-ci il tarixləri aralığında 61.00 AZN, 04 sentyabr 2022-ci il tarixdə isə 45.10 AZN olmaqla, cəmi 1195.5 AZN ödəməyi öhdəsinə götürmüşdür. 05 iyun 2021-ci il tarixli arayışa əsasən, Cavabdeh "xxxx" KB Açıq Səhmdar Cəmiyyətinə borcu aşağıdakı kimidir: Əsas məbləğ üzrə borcu: 894 (səkkiz yüz doxsan dörd) AZN; Faiz üzrə borcu: 169.87 (yüz altmış doqquz manat səksən yeddi qəpik) AZN; Cərimə faizləri: 1.56 (bir manat əlli altı qəpik) AZN; Komisyon haqqı: 0 (sıfır) AZN; Cəmi: 1065.43 (min altmış beş manat qırx üç qəpik) AZN. Məhkəmə sübutları obyektiv, qərəzsiz, qanuna uyğun olaraq araşdırıb aşağıdakı nəticəyə gəlir. Azərbaycan Respublikası Mülki Məcəlləsinin: 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi başa düşülür. 443.1-ci maddəsinə əsasən, öhdəliyi icra etməyən borclu kreditora dəymiş zərərin əvəzini ödəməyə borcludur. 448.1-ci maddəsinə əsasən, əgər bu Məcəllə ilə və ya müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikası Mülki-Prosessual Məcəlləsinin: 284-1-ci maddəsinə əsasən, mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. 284-5.2-ci maddəsinə əsasən, cavabdeh bildirişi rəsmi qaydada aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə 16 avqust 2021-ci il tarixdə daxil olmuş iddia ərizəsi üzrə 16 avqust 2021ci il tarixdə cavabdehə bildiriş göndərmişdir. Lakin cavabdeh 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərməmişdir. Azərbaycan Respublikası Mülki-Prosessual Məcəlləsinin: 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.1-ci maddəsinə əsasən, işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Məhkəmə hesab edir ki, təqdim edilmiş sənədlər iş üzrə yekun qərarın çıxarılması üçün kifayət etdiyindən, əlavə araşdırma aparılmasına zərurət yaranmadığından işə mahiyyəti üzrə baxılaraq qərar verilməlidir. İddia ərizəsini və ona əlavə olunmuş sənədləri nəzərdən keçirərək belə nəticəyə gəlirəm ki, iddia təmin edilməklə, Cavabdeh 894 (səkkiz yüz doxsan dörd) manat əsas borc, 169.87 (yüz altmış doqquz manat səksən yeddi qəpik) manat faiz borcu və 1.56 (bir manat əlli altı qəpik) manat cərimə borcu olmaqla, cəmi 1065.43 (min altmış beş manat qırx üç qəpik) manat məbləğində borc və ödənilmiş 30 (otuz) manat məbləğində dövlət rüsumunun əvəzi iddiaçı "xxxx" KB Açıq Səhmdar Cəmiyyətinin xeyrinə tutulmalıdır. Belə ki, 04 sentyabr 2020-ci il tarixli, 2137nkAHM/20 nömrəli Kredit və X1 görünür ki, borcverən "xxxx" KB Açıq Səhmdar Cəmiyyəti ilə borcalan Cavabdeh aralarında kredit müqaviləsi bağlanmış, borcalan kredit müqaviləsindən irəli gələn, yəni krediti və ondan istifadəyə görə faizləri razılaşdırılmış müddətdə banka qaytarmamış, nəticədə öhdəliyi lazımınca icra etməmişdir. Ona görə də, iddia təmin edilməlidir. Azərbaycan Respublikası Mülki-Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq, işdə iştirak edən şəxslərə aid edilir. Məhkəmə yuxarıda göstərilənlərə əsasən və Azərbaycan Respublikası Mülki- Prosessual Məcəlləsinin 216-220, 284-1, 284-5, 284-6, 358.0.3 və 360-cı maddələrini rəhbər tutaraq qət e t d i: İddia təmin edilsin. Cavabdeh 894 (səkkiz yüz doxsan dörd) manat əsas borc, 169.87 (yüz altmış doqquz manat səksən yeddi qəpik) manat faiz borcu və 1.56 (bir manat əlli altı qəpik) manat cərimə borcu olmaqla, cəmi 1065.43 (min altmış beş manat qırx üç qəpik) manat məbləğində borc və ödənilmiş 30 (otuz) manat məbləğində dövlət rüsumunun əvəzi "xxxx" KB Açıq Səhmdar Cəmiyyətinin xeyrinə tutulsun. Tərəflər qətnamədən rəsmi qaydada verildiyi gündən 1 ay müddətində Naxçıvan Şəhər Məhkəməsi vasitəsilə Naxçıvan Muxtar Respublikası Ali Məhkəməsinin mülki kollegiyasına apellyasiya şikayəti verə bilərlər. Hakim Qabil Məmmədov.