Azərbaycan Respublikası adından QƏRARDAD Culfa rayon İş № 2(089)-98/2022 03.06.2022 NAXÇIVAN MR CULFA RAYON MƏHKƏMƏSİ Hakim Məmmədov Mehrab Fərmayıl oğlunun sədrliyi, X1 qızının iclas katibliyi, İddiaçı və cavabdeh Hüseynov Kamal Hüseyn oğlunun iştirakı ilə, İddiaçı Hüseynov Kamal Hüseyn oğluna qarşı borc tələbinə dair mülki işə açıq məhkəmə iclasında baxaraq müəyyən etdi İddiaçı cavabdeh Hüseynov Kamal Hüseyn oğluna qarşı borc tələbinə dair iddia ərizəsi ilə Culfa Rayon Məhkəməsinə müraciət etmişdir. 03 iyun 2022-ci il tarixdə keçirilən məhkəmə baxışı iclasında İddiaçı cavabdehlə mübahisənin aralarında barışıqla həll edildiyini bildirmiş, barışıq sazişini və iş üzrə icraata xitam verilməsi barədə ərizəsini məhkəməyə təqdim etmiş, barışıq sazişinin şərtlərinin təsdiq edilməsini, mülki iş üzrə icraata xitam verilməsini xahiş etmişdir. Müəyyən edilmişdir ki, tərəflər arasında 03 iyun 2022-ci il tarixdə barışıq sazişi imzalanmış, cavabdeh Hüseynov Kamal Hüseyn oğlu 2022-ci ilin iyun və iyul ayları, hər ay 275 manat olmaqla, 550 manat məbləğində pulu İddiaçı verəcəyini öhdəsinə götürmüşdür. Cavabdeh Hüseynov Kamal Hüseyn oğlu iddiaçı ilə aralarında mübahisənin barışıqla həll edildiyini bildirmiş, barışıq sazişinin təsdiq edilməsini, iş üzrə icraata xitam verilməsini xahiş etmişdir. Azərbaycan Respublikası Mülki-Prosessual Məcəlləsinin 52.3-ci maddəsinin tələbinə əsasən tərəflər məhkəmə işini bilavasitə özləri, yaxud mediasiya vasitəsilə barışıq sazişi bağlamaqla qurtara bilərlər. Məhkəmə iddiaçı və cavabdehin fikrini dinləyib, barışıq sazişinin şərtlərini müzakirə edib, belə nəticəyə gəlir ki, işdə barışıq sazişinin təsdiq edilməməsi üçün əsas olan Azərbaycan Respublikası Mülki-Prosessual Məcəlləsinin 52.5-ci maddəsində göstərilən hallar yoxdur. Odur ki, iddiaçının və cavabdehin imzaladıqları barışıq sazişi məhkəmə tərəfindən təsdiq edilməli və iş üzrə icraata xitam verilməlidir Azərbaycan Respublikası Mülki Prosessual Məcəlləsinin 261.0.5-ci maddəsinə əsasən tərəflər barışıq sazişi bağlamışlarsa və bu saziş məhkəmə tərəfindən təsdiq edilmişsə hakim iş üzrə icraata xitam verir. Həmin Məcəllənin 262.4-cü maddəsinə əsasən işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə təkrar müraciət edilməsinə yol verilmir. Həmin Məcəllənin 114.1.4-cü maddəsinə əsasən bu Məcəllə ilə nəzərdə tutulmuş əsaslarla iş üzrə icraata xitam verilərsə ödənilmiş dövlət rüsumu geri qaytarılır. Məhkəmə hesab edir ki, barışıq sazişinin şərtləri təsdiq edilməli, iş üzrə icraata xitam verilməli və iddiaçı tərəfindən ödənilmiş dövlət rüsumu ona geri qaytarılmalıdır. Məhkəmə göstərilənlərə əsasən və Azərbaycan Respublikası MPM-nin 52, 191, 263- 264-cü maddələrini rəhbər tutaraq qərara aldı İddiaçı Cavabdeh qarşı borc tələbinə dair mülki iş üzrə tərəflərin imzaladıqları barışıq sazişi təsdiq edilsin. İddiaçı Cavabdeh qarşı borc tələbinə dair mülki iş üzrə icraata xitam verilsin.
1. Cavabdeh 2022-ci ilin iyun və iyul aylarında, hər ay 275 manat olmaqla 550 manat məbləğində pulu İddiaçı verməyi öhdəsinə götürmüşdür.
2. İddiaçı iddiadan imtina etmiş, barışıq sazişi ilə razılaşmışdır.
3. Cavabdeh 2022-ci ilin iyun və iyul aylarında, hər ay 275 manat olmaqla 550 manat məbləğində pulu İddiaçı ödəmədikdə məhkəmə qərarı icraya yönəldiləcək. İddiaçıya izah olunsun ki, işin icraatına xitam verildikdə, eyni tərəflər arasında eyni predmet haqqında və eyni əsaslar üzrə mübahisə barəsində məhkəməyə təkrar müraciət edilməsinə yol verilmir. 25 aprel 2022-ci il tarixdə 18007 nömrəli qəbzlə İddiaçı tərəfindən Naxçıvan MR Maliyyə nazirliyinin hesabına ödənilmiş 30 manat məbləğində ödənilmiş dövlət rüsumu ona qaytarılsın. Qərardaddan şikayət, qərardad tərəfə rəsmi qaydada verildikdən sonra 10 gün müddətində Culfa Rayon Məhkəməsinə verilə bilər.
Sədrlik edən Mehrab Məmmədov