Bakı Apellyasiya Məhkəməsi Qətnamə — İş №2(103)-4657/2022

Azərbaycan Respublikası adından QƏTNAMƏ Bakı şəhəri İş № 2(103)-4657/2022 08.07.2022 BAKI APELLYASİYA MƏHKƏMƏSİ Bakı Apellyasiya Məhkəməsinin Mülki Kollegiyası, hakimlər Namiq Cəfərov (sədrlik edən), Emin Mehdiyev və Xəyal Sarıyevdən ibarət tərkibdə, Nərgiz Qasımovanın katibliyi, iddiaçının vəkili və nümayəndəsi Vəkil iştirakı ilə, İddiaçı Cavabdeh qarşı “maddi zərərin əvəzinin ödənilməsi barədə” iddiasına dair mülki iş üzrə Nəsimi Rayon Məhkəməsinin xx.xx.2022-ci il tarixli qətnaməsindən iddiaçının apellyasiya şikayətinə açıq məhkəmə iclasında baxaraq müəyyən etdi: İddia ərizəsində tələb olunub ki, iddiaçıya aid olan, Xəzər rayonu, Şüvəlan qəsəbəsi, Yusif Qasımov küçəsi, ev № 2-də yerləşən 2“A” nömrəli mənzildə təbii qazdan qeyri-qanuni istifadəyə görə hesablanmış zərərin əvəzin kimi kimi 2.628 manat cavabdehdən iddiaçının xeyrinə tutulsun. İddia ərizəsində məhkəmə xərclərinin əvəzinin də ödənilməsi tələb olunub. Qətnamə ilə qət olunub ki, iddia təmin edilməsin, məhkəmə xərcləri iddiaçının özünə aid edilsin. Apellyasiya şikayətində tələb olunub ki, qətnamə ləğv edilsin və iddia təmin olunsun. Məhkəmə iclasında iştirak edən İddiaçı İB-nin vəkili və nümayəndəsi Vəkil apellyasiya şikayətinin əsaslı olduğunu bildirdi. Cavbadeh Cavabdeh məhkəmə iclasında iştirak etməmişdir. Məhkəmə işin həlli ilə bağlı aşağıdakıları qeyd edir. İddiaçının tələb etdiyi məbləğ iddiaçının əməkdaşları tərəfindən tərtib olunmuş xx.xx.2017-ci il (iş v. 22) xx.xx.2018-ci il (iş v. 19) tarixli aktlara əsaslanır. Hər iki aktda qeyd olunub ki, cavabdehə aid ünvandakı qaz sayğacının çıxış plastmas borusu deşilib. İddiaçı hesab edir ki, plastmas borunun deşilməsi qaz itkisinə səbəb olub. Daha sonra hesabat aparılıb, dəymiş zərərin əvəzi kimi cavabdehə borc hesablanıb. Lakin cavabdehin sayğaca müdaxilə etdiyini təsdiq edən sübut yoxdur, o, sayğacın mühafizəsinə görə məsuliyyət daşımır. Ona görə də məhkəmə Mülki Məcəllənin 21, 1096 və 1097-ci maddələrinin göstərişlərinə, habelə Nazirlər Kabinetinin xx.xx.2011-ci il tarixli, 80 nömrəli qərarı ilə təsdiq edilmiş “Qazdan istifadə Qaydaları”na və “Qaz təchizatı haqqında” Qanunun 13-cü maddəsinin göstərişinə əsaslanaraq hesab edir ki, birinci instansiya məhkəməsi iddianı rədd etməklə düzgün nəticəyə gəlib. Yuxarıda göstərilənlərə əsasən və Mülki-Prosessual Məcəllənin 372, 384-392-ci maddələrinin göstərişlərini rəhbər tutaraq, məhkəmə qət etdi: Apellyasiya şikayəti təmin edilməsin. Hazırkı iş üzrə Nəsimi Rayon Məhkəməsinin xx.xx.2022-ci il tarixli qətnaməsi dəyişdirilmədən saxlanılsın. Qətnamədən kassasiya şikayəti verilə bilməz. Qətnamə çıxarıldığı andan qanuni qüvvəyə minir.