Bakı Apellyasiya Məhkəməsi Qərardad — İş №2(103)-7885/2022

Azərbaycan Respublikası adından QƏRARDAD Bakı şəhəri İş № 2(103)-7885/2022 14.12.2022 BAKI APELLYASİYA MƏHKƏMƏSİ Hakimlər Babayev Fuad Fikrət oğlunun sədrliyi ilə, Məmmədova Şərafət Asif qızı və Eyvazov Rafael Əmir oğlundan ibarət tərkibdə, Şirinov Gülyar Elman qızının katibliyi ilə, İddiaçı, Cavabdeh1 vəkili X1 iştirakı ilə, Bakı şəhəri Binəqədi Rayon Məhkəməsinin 2(001)-884/2022 saylı, xx.xx.2022-ci il tarixli qətnaməsindən Cavabdeh1 tərəfindən verilmiş apelyasiya şikayətinə əsasən mülki işə Bakı Apellyasiya Məhkəməsinin binasında açıq məhkəmə iclasında baxaraq Müəyyən etdi: Bakı şəhəri Binəqədi Rayon Məhkəməsinin 2(001)-884/2022 saylı, xx.xx.2022-ci il tarixli qətnaməsi ilə İddiaçı cavabdehlər Cavabdeh1 və Cavabdeh2 qarşı maddi ziyan tələbinə dair iddiası qismən təmin edilmişdir. Həmin qətnamədən Cavabdeh1 verilmiş apellyasiya şikayəti baxılması üçün mülki iş materialları ilə birlikdə Bakı Apellyasiya Məhkəməsinə göndərilmiş, şikayət icraata qəbul edilmişdir. Bundan sonra Binəqədi Rayon Məhkəməsindən qeyd edilən qətnamədən həmçinin iddiaçı tərəfindən verilən apellyasiya şikayəti digər şikayətlə birlikdə baxılması üçün məktubla Bakı Apellyasiya Məhkəməsinə göndərilmişdir. Məhkəmə kollegiyasının iclasında İddiaçı qətnamədən şikayət verdiyini, apellyasiya şikayətinin mümkünlüyünün yoxlanılması üçün mülki işin baxışdan çıxarılmasına etiraz etmədi. Cavabdeh1 vəkili A.İsgəndərov da iddiaçının apellyasiya şikayətinin mümkünlüyünün yoxlanılması üçün mülki işin baxışdan çıxarılmasına etiraz etmədi. Məhkəmə kollegiyası hesab edir ki, sözügedən şikayətə münasibət bildirilməsi üçün qətnamədən cavabdeh tərəfindən verilmiş apellyasiya şikayətinin icraata qəbul qərardadı ləğv olunmalı və İddiaçı tərəfindən verilmiş apellyasiya şikayətinin Mülki- Prosessual Məcəllənin 361-ci maddəsinin tələblərinə uyğunluğunun yoxlanılması birinci instansiya məhkəməsinin səlahiyyətlərinə aid olduğundan, iş həmin məhkəməyə qaytarılmalıdır. Azərbaycan Respublikası Mülki-Prosessual Məcəllənin 384.0.6-cı maddəsinə görə apellyasiya şikayətinin icraata qəbul olunmasından sonra digər şəxslərin apellyasiya şikayəti ilə birinci instansiya məhkəməsinə müraciət etməsi müəyyən edilərsə, apellyasiya instansiyası məhkəməsi icraata qəbul qərardadını ləğv edərək işi apellyasiya baxışından çıxarmaqla birinci instansiya məhkəməsinə qaytara bilər. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 263, 384 və 400-cü maddələrini rəhbər tutaraq məhkəmə kollegiyası Qərara aldı: Bakı şəhəri Binəqədi Rayon Məhkəməsinin 2(001)-884/2022 saylı, xx.xx.2022-ci il tarixli qətnaməsindən Cavabdeh1 tərəfindən verilmiş apelyasiya mümkün hesab edilməsi barədə Bakı Apellyasiya Məhkəməsinin 2(103)-7885/2022 saylı, xx.xx.2022-ci il tarixli qərardadı ləğv olunsun və mülki iş apellyasiya baxışından çıxarılaraq Bakı şəhəri Binəqədi Rayon Məhkəməsinin 2(001)-884/2022 saylı, xx.xx.2022-ci il tarixli qətnaməsindən İddiaçı tərəfindən verilmiş apellyasiya şikayətinin Mülki Prosessual Məcəllənin 361-ci maddəsinin tələblərinə uyğunluğunun yoxlanılması məqsədilə birinci instansiya məhkəməsinə qaytarılsın. Qərardad çıxarıldığı andan qanuni qüvvəyə minir. Sədrlik edən: Fuad Babayev Hakimlər: Şərafət Məmmədova Rafael Eyvazov