Şəki Apellyasiya Məhkəməsi Qərardad — İş №2(107)-1184/2021

Azərbaycan Respublikası adından QƏRARDAD Şəki şəhəri İş № 2(107)-1184/2021 23.09.2021 ŞƏKİ APELLYASİYA MƏHKƏMƏSİ Hakimlər Abbasov Gündüz Qasım oğlu (sədrlik edən və məruzəçi), Eyvazov Akif Məhərləm oğlu və Şükürov İmanverdi Həşimxan oğlundan ibarət tərkibdə, Hümmətov Hümmət Həmid oğlunun katibliyi ilə, Şəki Rayon Məhkəməsinin 11 mart 2021-ci il tarixli 2(075)-32/2021 nömrəli qətnaməsindən Cavabdeh tərəfindən verilmiş apellyasiya şikаyətinə açıq məhkəmə iclasında baxaraq müəyyən etdi: İddiaçı ASC Cavabdeh qarşı iddia ərizəsi ilə məhkəməyə müraciət edərək, Cavabdeh xeyrinə 6372,71 ABŞ dolları məbləğində əsas borcun, 7702,87 ABŞ dolları məbləğində faiz borcunun, 250 ABŞ dolları məbləğində cərimə borcunun və 200 manat məbləğində əlavə cərimə borcunun tutulması, tələbin Cavabdeh məxsus dövlət nömrə nişanı **-BN-*** olan “Hyundai Elantra” markalı avtomobilə yönəldilməsi, avtomobilin açıq hərracdan satılaraq satışdan əldə olunmuş vəsait hesabına banka olan borcunun ödənilməsi barədə qətnamə çıxarılmasını xahiş etmişdir. Şəki Rayon Məhkəməsinin (hakim Elçin Mehdiyev) 11 mart 2021-ci il tarixli 2(075)- 32/2021 nömrəli qətnaməsi ilə İddiaçı ASC-nin Cavabdeh qarşı kreditin, ona hesablanmış faiz və cərimənin qaytarılması, tələbin ipoteka ilə yüklü edilmiş avtomobilə yönəldilməsi tələbinə dair iddiası qismən təmin edilərək İddiaçı Açıq Səhmdar Cəmiyyəti ilə Cavabdeh arasında bağlanmış 28 sentyabr 2013-cü il tarixli kredit müqaviləsinə və həmin müqavilə üzrə 27 iyun 2015-ci il tarixli razılaşmaya əsasən 6372,71 ABŞ dolları məbləğində əsas borc, 7702,87 ABŞ dolları məbləğində faiz borcu və 30 ABŞ dolları məbləğində cərimə borcu Azərbaycan Respulikasının Mərkəzi Bankının borcun icra edildiyi günə Azərbaycan manatına olan məzənnəsi ilə hesablanmaqla və 30 manat dövlət rüsumu Cavabdeh İddiaçı Açıq Səhmdar Cəmiyyətinin xeyrinə tutulması, tələb Cavabdeh məxsus olan və ipoteka ilə yüklü edilmiş dövlət nömrə nişanı **-BN-*** olan “Hyundai Elantra” markalı avtomobilə yönəldilməsi, Cavabdeh məxsus olan və ipoteka ilə yüklü edilmiş dövlət nömrə nişanı **-BN- *** olan “Hyundai Elantra” markalı avtomobilin açıq hərracda satış yolu ilə realizə edilməsi və satışdan əldə edilən vəsait hesabına Cavabdeh İddiaçı Açıq Səhmdar Cəmiyyətinə olan borcunun ödənilməsi, Cavabdeh tam mülkiyyət hüququ üzrə məxsus olan və ipoteka ilə yüklü edilmiş dövlət nömrə nişanı **-BN-*** olan “Hyundai Elantra” markalı avtomobilin hərracda ilkin satış qismətinin 13000 manat müəyyən edilməsi qət edilmiş, iddia tələbinin qalan hissəsi təmin edilməmişdir. Birinci instаnsiyа məhkəməsinin iş üzrə qətnаməsindən Cavabdeh apellyasiya şikayəti verərək Şəki Rayon Məhkəməsinin 11 mart 2021-ci il tarixli 2(075)-32/2021 nömrəli qətnaməsinin əsas, faiz borcu və ipoteka predmetinə yönəldilməsi ilə bağlı hissədə ləğv edərək yeni qanuni və ədalətli qətnamə qəbul edilməsini xahiş etmişdir. Şəki Apellyasiya Məhkəməsinin 10 iyun 2021-ci il tarixli 2(107)-1184/2021 nömrəli qərardadı ilə məhkəmə-mühasibatlıq ekspertizası təyin edilmiş, ekspertizanın keçirilməsi Azərbaycan Respublikası Ədliyyə Nazirliyi Məhkəmə Ekspertizası Mərkəzinə həvalə edilmişdir. Rəy аlınаnаdək işin icrааtı dаyаndırılmışdır. 18 avqust 2021-ci il tarixdə Məhkəmə Ekspertizası Mərkəzinin ekspert rəyi məhkəmə kollegiyasına daxil olmuş, məhkəmə kollegiyasının 19 avqust 2021-ci tarixli qərardadı ilə işin icraatının dayandırılmasına səbəb olan hallar aradan qalxdığından iş üzrə icraat təzələnmiş və məhkəmə kollegiyasının iclası 23 sentyabr 2021-ci il tarixə təyin edilmişdir. Apellyasiya şikayətinə baxılan zaman məhkəmə kollegiyasının iclasında Cavabdeh məhkəmə kollegiyasına ərizə təqdim edərək hal-hazırda bankla razılaşdıqlarını, qətnamədən vermiş olduğu apellyasiya şikayətindən imtina etdiyini və apellyasiya şikayəti üzrə icraata xitam verilməsini xahiş etdi. Məhkəmə kollegiyasının iclasının keçirilməsinin vaxtı və yeri barədə lazımi qaydada xəbərdar edilmələrinə baxmayaraq İddiaçı ASC nümayəndəsinin iştirakını təmin etməmişdir. Məhkəmə kollegiyası İddiaçı ASC-in nümayəndəsinin iştirakı olmadan işə baxılmasını mümkün hesab etmişdir. Azərbаycаn Respublikаsı Mülki Prosessual Məcəlləsinin: 369.2-ci mаddəsinə əsаsən, аpellyаsiyа şikаyəti verən şəxs аpellyаsiyа instаnsiyаsı məhkəməsində qətnаmə qəbul edilənə kimi yаzılı formаdа ondаn imtinа edə bilər. 369.1-ci mаddəsinə əsаsən, işdə iştirаk edən şəxsin аpellyаsiyа şikаyətindən imtinа etməsi birinci instаnsiyа məhkəməsinin qətnаməsinin tаnınmаsınа səbəb olur. 369.4-cü maddəsinə görə, şikayətdən imtinanın qəbul edilməsi haqqında məhkəmə qərardad qəbul edir və bu qərardadla apellyasiya şikayətindən imtina etmiş şəxslərə münasibətdə apellyasiya icraatına xitam verir. İş materiallarından görünür ki, Cavabdeh apellyasiya şikayətindən imtina etməsi iş üzrə digər şəxslərin hüquq və maraqlarına toxunmur. Yuxarıda göstərilənlərə əsasən məhkəmə kollegiyası hesab edir ki, hazırkı iş üzrə Cavabdeh Şəki Rayon Məhkəməsinin 11 mart 2021-ci il tarixli 2(075)-32/2021 nömrəli qətnaməsindən vermiş olduğu apellyasiya şikayətindən imtinaya dair ərizəsi qəbul edilməli və iş üzrə apellyasiya icraatına xitam verilməlidir. MPM-in 107-ci mаddəsinə əsаsən, məhkəmə xərcləri dövlət rüsumundаn və işə bаxılmаsı ilə əlаqədаr оlаn məsrəflərdən ibаrətdir. MPM-in 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilməlidir. İş üzrə keçirilmiş Azərbaycan Respublikası Ədliyyə Nazirliyi Məhkəmə Ekspertiza Mərkəzinin 14.07.2021-ci il tarixli 9/4394 nömrəli məhkəmə-mühasibatlıq ekspertizasının dəyəri olan 150 (bir yüz əlli) manat məbləğində məhkəmə xərci Cavabdeh tutularaq, Məhkəmə Ekspertizası Mərkəzinin hesabına ödənilməlidir. Göstərilənlərə əsasən və Azərbaycan Respublikasının Mülki Prosessual Məcəlləsinin 369, 384.0.4, 400 və 405-ci maddələrini rəhbər tutaraq məhkəmə kollegiyası qərara aldı: Cavabdeh Şəki Rayon Məhkəməsinin 11 mart 2021-ci il tarixli 2(075)-32/2021 nömrəli qətnaməsindən vеrmiş olduğu apellyasiya şikayətindən imtinaya dаir ərizəsi qəbul еdilsin. İddiaçı ASC-nin Cavabdeh qarşı “kreditin, ona hesablanmış faiz və cərimənin qaytarılması, tələbin ipoteka ilə yüklü edilmiş avtomobilə yönəldilməsi” tələbinə dair mülki iş üzrə apellyasiya icraatına xitam verilsin. İş üzrə keçirilmiş 14.07.2021-ci il tarixli 9/4394 nömrəli məhkəmə-mühasibatlıq ekspertizasının dəyəri olan 150 (bir yüz əlli) manat məbləğində məhkəmə xərci Cavabdeh tutularaq Ədliyyə Nazirliyi Məhkəmə Ekspertizası Mərkəzinin VÖEN **********1; Hesab AZ34CTRE********************, X1, KOD 210005 VÖEN **********, Müxbir hesab AZ41NABZ013601**********3944 SWİFT BİK CTREAZ 22 hesabına keçirilsin. Qərаrdаd çıxarıldığı andan qаnuni qüvvəyə minir. Qərаrdаddаn kassasiya şikаyəti verilə bilməz.