Şəki Apellyasiya Məhkəməsi Qərardad — İş №2(107)-675/2021

Azərbaycan Respublikası adından QƏRARDAD Şəki şəhəri İş № 2(107)-675/2021 16.03.2021 ŞƏKİ APELLYASİYA MƏHKƏMƏSİ Sədrlik edən (məruzəçi) - Hüseynov Elçin Şirin oğlundan, Hakimlər–Hüseynov Mirbahəddin Mirdamət oğlu və Abbasov Gündüz Qasım oğlundan ibarət tərkibdə; Məhkəmə iclas katibi - Əhmədli Mətin Əsgər oğlunun katibliyi; İddiaçı - İddiaçı; Cavabdeh - Cavabdeh iştirakı ilə Göyçay Rayon Məhkəməsinin xx xxxxxx 2020-ci il tarixli, 2(046)-1132/2020 saylı qətnaməsindən Cavabdeh tərəfindən verilmiş apellyasiya şikayətinə Şəki Apellyasiya Məhkəməsinin binasında, açıq məhkəmə iclasında baxaraq məhkəmə kollegiyası Müəyyən etdi: İddiaçı iddia ərizəsi ilə məhkəməyə müraciət edərək, Cavabdeh 30000 ABŞ dolları məbləğində əsas borcun, 9000 ABŞ dolları məbləğində əldən çıxmış faydanın, eyni zamanda vurulmuş mənəvi ziyanın kompensasiyası kimi 10000 manatın alınaraq ona verilməsi barədə qətnamə qəbul edilməsini xahiş etmişdir. Cavabdeh qarşılıqlı iddia ərizəsi ilə məhkəməyə müraciət edərək onunla İddiaçı arasında Bakı şəhəri 14 X1 bağlanılmış xx.xx.2018-ci il tarixli 3M-447 saylı Kredit Müqaviləsini etibarsız hesab edilməsi barədə qətnamə qəbul edilməsini xahiş etmişdir. Göyçay Rayon Məhkəməsinin xx xxxxxx 2020-ci il tаrixli, 2(046)-1132/2020 saylı qətnaməsi ilə (hakim İbrahim Fəttahov) ilk iddia qismən təmin edilmiş, Cavabdeh 30000 ABŞ dolları məbləğində borc ödəniş gününə Azərbaycan manatı məzənnəsi ilə alınaraq İddiaçı verilməsi, ilk iddianın qalan hissədə təmin edilməməsi, Cavabdeh İddiaçı qarşı aralarında Bakı şəhəri 14 X1 bağlanılmış xx.xx.2018-ci il tarixli 3M447 saylı kredit müqaviləsinin etibarsız hesab edilməsi barədə qarşılıqlı iddia tələbinin təmin edilməməsi qət edilmişdir. Birinci instansiya məhkəməsinin həmin qətnaməsindən Cavabdeh tərəfindən apellyasiya şikayəti verilmişdir. İşə apellyasiya qaydasında baxılarkən İddiaçı və qarşılıqlı iddiaçı (cavabdeh) Cavabdeh məhkəmə kollegiyasına ərizə təqdim edərək qarşı tərəflə barışıq əldə etdiklərindən iddia tələblərindən imtina etdiklərini, bu səbəbdən də iş üzrə icraata xitam verilməsini xahiş etmişlər. Məhkəmə kollegiyası iş materiallarını araşdırıb hesab edir ki, İddiaçı və qarşılıqlı iddiaçı (cavabdeh) Cavabdeh iddia tələblərindən imtinaları qəbul edilməli, Göyçay Rayon Məhkəməsinin xx xxxxxx 2020-ci il tаrixli, 2(046)-1132/2020 saylı qətnaməsi ləğv edilməli və işin icraatına xitam verilməlidir. Azərbaycan Respublikası Mülki Prosessual Məcəlləsinin 52.1-ci maddəsinə əsasən iddiaçı iddiadan imtina edə bilər. İddiadan imtina etmə yazılı formada ifadə edilməlidir. Həmin Məcəllənin 191-ci maddəsinə əsasən iddiaçının iddiadan imtina etməsi məhkəmə iclas protokoluna yazılır və protokolu müvafiq olaraq iddiaçı, cavabdeh və ya hər iki tərəf imzalayır. İddiadan imtina etmə, iddianın dəyişdirilməsi, cavabdehin iddianı etiraf etməsi və ya tərəflərin barışıq sazişi, bu hərəkətlərin nəticəsi aydın surətdə şərh olunan, məhkəməyə göndərilən yazılı ərizələrdə də ifadə oluna bilər. Həmin Məcəllənin 261.0.4-cü maddəsinə əsasən iddiaçı iddiadan imtina etmişsə və bu imtina məhkəmə tərəfindən qəbul olunmuşsa işin icraatına xitam verilir. Həmin Məcəllənin 391-ci maddəsinə əsasən bu Məcəllənin 19-cu və 20-ci fəsillərində göstərilən əsaslar olduqda işin icraatına xitam verilməklə və ya ərizə baxılmamış saxlanılmaqla məhkəmənin qətnaməsi ləğv edilməlidir. Məhkəmə kollegiyası hesab edir ki, tərəflərin iddiadan imtina etməsi qanunun tələblərinə uyğundur. Hazırkı iş üzrə iddiadan imtina qanunauyğun şəkildə edilmiş və məhkəmə kollegiyası tərəfindən qəbul edilməsinə mane olan hallar mövcud deyildir. Göstərilənlərə əsasən və Azərbaycan Respublikası Mülki Prosessual Məcəlləsinin 52, 191, 261, 391, 400 və 404-407-ci maddələrini rəhbər tutaraq, məhkəmə kollegiyası Qərara aldı: İddiaçı Cavabdeh qarşı borc, əldən çıxmış fayda və mənəvi ziyanın əvəzinin ödənilməsinə dair iddia tələbindən imtinası qəbul edilsin. Qarşılıqlı iddiaçı (cavabdeh) Cavabdeh iddiaçı (qarşılıqlı cavabdeh) İddiaçı qarşı aralarında Bakı şəhəri 14 X1 bağlanılmış xx.xx.2018-ci il tarixli 3M447 saylı kredit müqaviləsinin etibarsız hesab edilməsinə dair iddia tələbindən imtinası qəbul edilsin. Göyçay Rayon Məhkəməsinin xx xxxxxx 2020-ci il tаrixli, 2(046)-1132/2020 saylı qətnaməsi ləğv edilsin və ilk və qarşılıqlı iddialar üzrə icraata xitam verilsin. Qərardad, işdə iştirak edən şəxslərə rəsmi qaydada verildiyi gündən 10 gün sonra qаnuni qüvvəyə minir. Qərаrdаddаn, tərəflər tələbləri təmin olunmadığı hallarda rəsmi qаydаdа verildiyi gündən 10 gün müddətində Şəki Apellyasiya Məhkəməsinin Mülki kollegiyаsı vasitəsi ilə Azərbaycan Respublikası Ali Məhkəməsinin Mülki kollegiyаsına kassasiya şikayəti verə bilər.