Naxçıvan MR Şərur Rayon Məhkəməsi Qərardad — İş №2(110)-136/2024

Azərbaycan Respublikası adından QƏRARDAD Şərur şəhəri İş № 2(110)-136/2024 15.01.2024 NAXÇIVAN MR ŞƏRUR RAYON MƏHKƏMƏSİ Hakim Qarayev Seymur Əlfəddin oğlunun sədrliyi, X1 məhkəmə iclas katibliyi, İddiaçı və Cavabdeh iştirakları ilə, İddiaçı Cavabdeh qarşı “pul tələbi barədə” mülki işə Şərur Rayon Məhkəməsinin inzibati binasında məhkəmənin hazırlıq iclasında baxaraq məhkəmə müəyyən etdi: İddiaçı iddia ərizəsi ilə məhkəməyə müraciət edərək, Şərur rayon Düdəngə kəndində qeydiyyatda olan və yaşayan Cavabdeh 5200 (beş min iki yüz) manat pulun və dövlət rüsumu olaraq ödədiyi 72 (yetmiş iki) manan pulun ümumilikdə 5272 (beş min iki yüz yetmiş iki) manat pulun alınıb ona ödənilməsi barədə qətnamə qəbul edilməsini xahiş etmişdir. Məhkəmə hazırlıq iclasında iştirak edən İddiaçı məhkəməyə ərizə təqdim edərək ərizəsində, Məhkəmədə Cavabdeh qarşı “pul tələbi barədə” iddia qaldırdığını, hal-hazırda Cavabdeh əməlində cinayət əlamətlərinin olub-olmamasının araşdırılması üçün Şərur rayon Polis İdarəsinə müraciət edəcəyini, buna görə də iddia ərizəsinin və ona əlavə edilmiş sənədlərin geri qaytarılmasını xahiş etmişdir. Məhkəmə hazırlıq iclasında iştirak edən Cavabdeh izahatında iddia ərizəsi və ona əlavə edilmiş sənədlərin geri qaytarılmasına etirazının olmamasını qeyd etmişdir. Məhkəmə iddiaçının ərizəsini nəzərdən keçirib hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikasının Mülki-Prosessual Məcəlləsinin: - 170.1-ci maddəsinə əsasən, bu Məcəllənin 254, 255, 261.0.1-261.0.3 və 261.0.6 261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər; - 170.3-cü maddəsinə əsasən, bu Məcəllənin 170.1-ci və 170.2-ci maddələrində göstərilən qaydada qəbul edilmiş qərardaddan şikayət verilə bilər. Azərbaycan Respublikasının Mülki - Prosessual Məcəlləsinin 114.1.3-cü maddəsinə uyğun olaraq iddia ərizəsi geri qaytarıldığından, İddiaçı tərəfindən Azərbaycan Respublikası Mərkəzi Bank - X2 vasitəsilə xx.xx.2023-cü il tarixli, ********** nömrəli qəbzlə dövlət büdcəsinə ödənilmiş 72 (yetmiş iki) manat məbləğində dövlət rüsumu da iddiaçıya geri qaytarılmalıdır. Yuxarıda qeyd olunanları və Azərbaycan Respublikasının Mülki - Prosessual Məcəlləsinin 170, 263-264, 267-268-ci maddələrini rəhbər tutaraq məhkəmə qərara aldı: İddiaçı Cavabdeh qarşı “pul tələbi barədə” iddia ərizəsi və ona əlavə olunmuş sənədlər geri qaytarılsın. İddiaçı tərəfindən Azərbaycan Respublikası Mərkəzi Bank - X2 vasitəsilə xx.xx.2023-cü il tarixli, ********** nömrəli qəbzlə dövlət büdcəsinə ödənilmiş 72 (yetmiş iki) manat məbləğində dövlət rüsumu iddiaçıya geri qaytarılsın. Qərardaddan, o, tərəfə rəsmi qaydada verildikdən sonra 10 gün müddətində Şərur Rayon Məhkəməsinə şikayət verilə bilər. Hakim: Seymur Qarayev