Naxçıvan MR Şərur Rayon Məhkəməsi Qərardad — İş №2(110)-219/2021

Azərbaycan Respublikası adından QƏRARDAD Şərur şəhəri İş № 2(110)-219/2021 09.02.2021 NAXÇIVAN MR ŞƏRUR RAYON MƏHKƏMƏSİ Mən, Şərur Rayon Məhkəməsinin hakimi Əliyev Mehdi Ədalət oğlu İddiaçı ASC-nin Cavabdeh Muxtər oğluna qarşı kiçik iddialara dair sadələşdirilmiş icraat qaydasında pul tələbinə dair iddia ərizəsinə və ərizəyə əlavə edilmiş sənədlərə baxaraq, müəyyən etdim : İddiaçı iddia ərizəsi ilə Şərur Rayon Məhkəməsinə müraciət edərək Cavabdeh Muxtər oğlundan 368,59 manat əsas borc, 86,27 manat faz borcu olmaqla, ümumilikdə 454,86 manat borcun və 30 manat ödənilmiş dövlət rüsumunun onun xeyrinə məcburi qaydada tutulması barədə qətnamə çıxarılmasını xahiş etmişdir. İddia ərizəsini, ərizəyə əlavə edilmiş sənədləri nəzərdən keçirib müəyyən etdim ki, iddia ərizəsi Azərbaycan Respublikasının Mülki-Prosessual Məcəlləsinin tələblərinə əməl olunmadan verilmişdir. Belə ki, iddia ərizəsi iş materillarında səlahiyyəti göstərilməyən şəxs tərəfindən imzalanmışdır. İş materiallarından görünür ki, iddiaçı bankın İdarə Heyətinin sədri Nikoloz Şurqaianın iş üzrə xx.xx.2020-ci il tarixdə etibarnamə üzrə səlahiyyət müddəti bitmiş nümayəndəyə etibarnamədə nəzərdə tutulan səlahiyyətləri etibar etmiş, lakin Kommersiya qurumların dövlət reyesteri məlumatları haqqında sorğu üzrə çıxarışdan İddiaçı ASC-nin qanuni təmsilçisinin X1 olduğu məlum olur. İş materiallarına isə Nikoloz Şurqaianın etibarnamə verməklə bağlı səlahiyyətlərini təsdiq edən heç bir sübut əlavə edilməmişdir. Azərbaycan Respublikasının Mülki-Prosessual Məcəlləsinin 152.1.2-ci maddəsinə əsasən iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda hakim iddia ərizəsini və ona əlavə olunmuş sənədləri geri qaytarır. Azərbaycan Respublikası Mülki-Prosessual Məcəlləsinin 69.2-ci maddəsinə əsasən hüquqi şəxsi məhkəmədə qanunlarla, digər hüquqi aktlarla və ya hüquqi şəxsin təsis sənədləri ilə müəyyən edilmiş səlahiyyətli şəxsləri, yaxud müvafiq qaydada səlahiyyət verilmiş və əsas iş yeri həmin hüquqi şəxs olan işçiləri və ya vəkillər təmsil edir. Azərbaycan Respublikası Mülki-Prosessual Məcəlləsinin 152.4-cü maddəsinə görə iddia ərizəsinin qaytarılması nöqsanlar aradan qaldırıldıqdan sonra ümumi qaydada yenidən məhkəməyə müraciət etməyə mane olmur. Yuxarıda qeyd olunanları nəzərə alaraq belə hesab edirəm ki, Azərbaycan Respublikasının Mülki-Prosessual Məcəlləsinin 152.1.2-ci maddəsinin tələbinə əsasən iddia ərizəsi geri qaytarılmalıdır. Bununla yanaşı hesab edirəm ki, iddia ərizəsi geri qaytarılarkən Azərbaycam Respublikası MPM-in 114-cü maddəsinə uyğun olaraq, iddiaçı tərəfindən ödənilmiş 30 (otuz) manat dövlət rüsumu da geri ödənilməlidir. Göstərilənlərə əsasən və Azərbaycan Respublikasının Mülki-Prosessual Məcəlləsinin 152.2, 152.3, 267-268-ci maddələrini rəhbər tutaraq, qərara aldım: İddia ərizəsi və ərizəyə əlavə edilmiş sənədlər İddiaçı ASC-yə geri qaytarılsın. İddiaçı tərəfindən “AsanPay” Hökümət Ödəniş Portalından xx.xx.2020-ci il tarixli ********* nömrəli qəbzlə ödənmiş 30 (otuz) manat dövlət rüsumu İddiaçı ASC-yə geri ödənilsin. Qərardad rəsmi qaydada verildikdən sonra 10 gün müddətində Şərur Rayon Məhkəməsinə şikayət verilə bilər. Hakim: Mehdi Əliyev