Naxçıvan MR Şərur Rayon Məhkəməsi Məhkəmə əmri — İş №2(110)-615/2021

Azərbaycan Respublikası adından MƏHKƏMƏ ƏMRİ Şərur şəhəri İş № 2(110)-615/2021 30.07.2021 NAXÇIVAN MR ŞƏRUR RAYON MƏHKƏMƏSİ Mən, Şərur Rayon Məhkəməsinin hakimi Əliyev Mehdi Ədalət oğlu Tələbkar Borclu aliment tələbinə dair məhkəmə əmrinin verilməsi ilə bağlı ərizəsinə və ona əlavə edilmiş sənədlərə baxaraq müəyyən etdim: Tələbkar Borclu qarşı aliment tələbinə dair ərizə ilə məhkəməyə müraciət edərək onların birgə nikahından 02.09.2006-cı ildə doğulmuş X1 və 19.02.2009-cu ildə doğulmuş X2 yetkinlik yaşına çatanadək saxlanılması üçün borcludan onun xeyrinə aliment tutulması barədə məhkəmə əmrinin çıxarılmasını xahiş etmişdir. Təqdim edilmiş ərizədən görünür ki, tərəflər nikahda olsalar da, faktiki olaraq ayrı yaşayırlar. Uşaqların atası ailəsinin tələbatını ödəməkdə laqeyidlik göstərir, tələbkar isə uşaqları ilə birlikdə yaşayır və onların saxlanmasında maddi çətinlik çəkir. Şərur rayon Yuxarı Aralıq kənd İƏDN tərəfindən verilmiş arayışdan görünür ki, Tələbkar Şərur rayon Yuxarı Aralıq kəndində qeydiyyatdadır. Şərur rayon Yuxarı Aralıq kənd İƏDN tərəfindən verilmiş arayışdan görünür ki, Borclu Bakı şəhərində qeydiiyatda durur, Şərur rayon Yuxarı Aralıq kəndində yaşayır. Ərizəyə əlavə edilmiş Şərur Rayon Qeydiyyat Şöbəsi tərəfindən verilmiş nikah şəhadətnaməsindən surətindən görünür ki, tərəflər arasında 02.12.2005-ci il tarixdə 06 № li akt qeydi ilə nikah bağlanmışdır. Ərizəyə əlavə edilmiş Şərur Rayon Qeydiyyat Şöbəsi tərəfindən verilmiş doğum şəhadətnamələrinin surətindən görünür ki, tərəflər 02.09.2006-cı ildə doğulmuş X1 və 19.02.2009-cu ildə doğulmuş X2 valideyinləridir. Məhkəmənin əsaslandırması Ərizəyə əlavə olunmuş sənədlərə əsasən tələb aşkar olduğundan və həmin tələb borclunun mübahisə edilməyən vəzifəsinə əsaslandığından məhkəmə əmrinin verilməsi mümkündür. Belə ki, Azərbaycan Respublikası Mülki-Prosessual Məcəlləsinin 276.1-ci maddəsinə görə kreditorun tələbi aşkardırsa və ya həmin tələb borclunun barəsində mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Azərbaycan Respublikası Mülki-Prosessual Məcəlləsinin 276.2.4-cü maddəsinə görə tələb alimentin alınması, o cümlədən atalığın müəyyən edilməsi və ya üçüncü şəxslərin cəlb edilməsi ilə bağlı olmadan yetkinlik yaşına çatmayan şəxslərə alimentin alınması haqqında verilmişdirsə həmin tələb üzrə məhkəmə əmri verilə bilər. Mülki Prosessual Məcəllənin 280-ci maddəsinə əsasən məhkəmə əmri irəli sürülmüş tələb məhkəməyə daxil olan gündən 3 gün ərzində, məhkəmə baxışı keçirilmədən və izahatları dinlənilmək üçün tərəflər çağırılmadan çıxarılır. Azərbaycan Respublikası Ailə Məcəlləsinin 75-ci maddəsinə əsasən valideynlər uşaqlarını saxlamağa borcludurlar və onlar uşaqlarını saxlamadıqda uşaqların saxlanması üçün vəsait (aliment) valideynlərdən məhkəmə qaydasında tutulur. Ailə Məcəlləsinin 76-cı maddəsinə əsasən aliment ödənilməsi barədə razılıq olmadıqda uşaqlar üçün, onların valideynlərindən məhkəmə tərəfindən hər ay iki uşağa görə qazancın (başqa gəlirlərin) üçdə bir hissəsi miqdarında aliment tutulur. Həmin məcəllənin 100.2-ci maddəsinə əsasən aliment məhkəməyə müraciət edildiyi vaxtdan tutulur. “Dövlət rüsumu haqqında” Azərbaycan Respublikası Qanununun 9.1.2-ci maddəsinə əsasən, aliment alınması barədə iddialar üzrə iddiaçılar dövlət rüsumu ödəməkdən azad olunduğundan məhkəmə əmrinin verilməsi üçün müəyyən edilmiş dövlət rüsumu Borclu tutulmalıdır. Yuxarıda göstərilənləri nəzərə alıb, Azərbaycan Respublikası Mülki Prosessual Məcəlləsinin 275, 276, 280 və 281-ci maddələrini rəhbər tutaraq əmr etdim: 02.09.2006-cı ildə doğulmuş X1 və 19.02.2009-cu ildə doğulmuş X2 yetkinlik yaşına çatanadək saxlanması üçün, xx.xx.1985-ci il tarixdə Şərur rayon Aralıq kəndində anadan olmuş, ünvan 1 ünvanında qeydiyyatda duran Borclu hər ay qazancının və (və ya) başqa gəlirlərinin üçdə bir hissəsi miqdarda aliment 29.07.2021-ci il tarixdən hesablanaraq Şərur rayon Yuxarı Aralıq kəndində qeydiyyatda duran Tələbkar ödənilsin. Məhkəmə əmrinin veriməsi üçün müəyyən edilmiş 20 (iyirmi) manat məbləğində dövlət rüsumu Borclu tutularaq dövlət büdcəsinə köçürülsün. Borclu məhkəmə əmrini aldığı gündən 10 gün müddətində verilmiş tələbə və onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim: Mehdi Əliyev