Naxçıvan MR Şərur Rayon Məhkəməsi Qərardad — İş №2(110)-655/2023

Azərbaycan Respublikası adından QƏRARDAD Şərur şəhəri İş № 2(110)-655/2023 28.09.2023 NAXÇIVAN MR ŞƏRUR RAYON MƏHKƏMƏSİ Hakim Əliyev Mehdi Ədalət oğlunun sədrliyi, Ceyranova Aytac Ramiz qızının katibliyi, İddiaçı, Cavabdeh və cavabdeh tərəfindən müstəqil tələb irəli sürməyən üçüncü şəxs X1 iştirakı ilə, İddiaçı Cavabdeh qarşı maddi ziyanın ödənilməsi tələbinə dair mülki işə açıq məhkəmə iclasında baxaraq, məhkəmə müəyyən etdi: İddiaçı iddia ərizəsi ilə məhkəməyə müraciət edərək Cavabdeh vurduğu ziyana görə 10000 manat məbləğində pulun alınıb ona ödənilməsi barədə qətnamə qəbul olunmasını xahiş etmişdir. İddiaçı məhkəməyə ərizə təqdim edərək Şərur Rayon Polis İdarəsinə müraciət etmək üçün mülki işin baxılmamış saxlanılmasını, iddia ərizəsini və ona əlavə edilmiş sənədlərin geri qaytarılmasını xahiş etmişdir. Cavabdeh və cavabdeh tərəfindən müstəqil tələb irəli sürməyən üçüncü şəxs ərizənin baxılmamış saxlanılmasına heç bir etirazı olmadığını bildirmişdirlər. Məhkəmənin əsaslandırması Məhkəmə iddiaçının ərizəsini, cavabdehin və digər cavabdeh tərəfindən müstəqil tələb irəli sürməyən üçüncü şəxsin işin mahiyyəti üzrə həll olunmasını tələb etmədiyini nəzərə alaraq iş üzrə ərizənin baxılmamış saxlanılmasını məqsədə müvafiq hesab edir. Belə ki, Azərbaycan Respublikası Mülki-Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanılmalıdır. Məhkəmə onu da qeyd etməyi zəruri hesab edir ki, ərizənin baxılmamış saxlanılması iddiaçı tərəfindən eyni məsələ ilə bağlı yenidən məhkəmədə iddia qaldırılmasına mane olmur. Məhkəmə ərizəni baxılmamış saxlayarkən iddiaçı tərəfindən ödənilmiş dövlət rüsumunun qaytarılması məsələsini də müzakirə edərək belə nəticəyə gəlir ki, Azərbaycan Respublikasının Mülki-Prosessual Məcəlləsinin 114.1.5-ci maddəsinə əsasən, iddiaçı tərəfindən "xxxx" ASC-in Şərur filialı vasitəsilə X2 xx.xx.2023-cü il tarixli ********** nömrəli qəbzə əsasən 39 manat və xx.xx.2023-cü il tarixli ********** nömrəli qəbzə əsasən 80 manat olmaqla, ümumilikdə ödədiyi 119 manat dövlət rüsumu özünə qaytarılmalıdır. Göstərilənləri və Azərbaycan Respublikası Mülki-Prosessual Məcəlləsinin 259.0.11, 263-264 və 268-ci maddələrini rəhbər tutaraq məhkəmə qərar verdi: İddiaçı Cavabdeh qarşı maddi ziyanın ödənilməsi tələbinə dair iddia ərizəsi baxılmamış saxlanılsın, iddia ərizəsi və ona əlavə edilmiş sənədlər iddiaçıya geri qaytarılsın. İddiaçı tərəfindən "xxxx" ASC-in Şərur filialı vasitəsilə X2 xx.xx.2023-cü il tarixli ********** nömrəli qəbzə əsasən 39 manat və xx.xx.2023-cü il tarixli ********** nömrəli qəbzə əsasən 80 manat olmaqla, ümumilikdə ödədiyi 119 manat (bir yüz on doqquz) manat dövlət rüsumu geri qaytarılsın. Qərardaddan işdə iştirak edən şəxslərə rəsmi qaydada verildikdən sonra 10 gün müddətinə Şərur Rayon məhkəməsinə şikayət vermək olar. Hakim: Mehdi Əliyev