Naxçıvan MR Şərur Rayon Məhkəməsi Qərardad — İş №2(110)-779/2021

Azərbaycan Respublikası adından QƏRARDAD Şərur şəhəri İş № 2(110)-779/2021 13.12.2021 NAXÇIVAN MR ŞƏRUR RAYON MƏHKƏMƏSİ Hakim Qarayev Seymur Əlfəddin oğlunun sədrliyi, X1 məhkəmə iclas katibliyi ilə, İddiaçı Açıq Səhmdar Cəmiyyətinin Cavabdeh qarşı “pulun tutulmasına, tələbin girov predmetinə yönəldilməsinə, girov predmetinin açıq hərracda satılması tələbinə dair” mülki işə Şərur Rayon Məhkəməsinin inzibati binasında açıq məhkəmə iclasında baxaraq, məhkəmə müəyyən etdi: İddiaçı ASC-nin nümayəndəsi iddia ərizəsi ilə məhkəməyə ilə müraciət edərək, Cavabdeh 17.03.2021-ci il tarixli, YSLMB-07161 saylı kredit müqaviləsi üzrə kreditə görə 1766.92 manat (bir min yeddi yüz altmış altı manat doxsan iki qəpik) əsas, faiz borcuna görə 96.88 manat (doxsan altı manat səksən səkkiz qəpik), cərimə borcuna görə 33.82 manat (otuz üç manat səksən iki qəpik), cəmi 1897.62 manat (bir min səkkiz yüz doxsan yeddi manat altmış iki qəpik) məbləğində pul və dövlət rüsumu kimi ödənilmiş 30 (otuz) manat məbləğində pulun tutulması; Cavabdeh məxsus olan girov qoyulmuş qızıl-zinət əşyalarına yönəldilməsi (sep (qırıq)-2 ədəd, çəkisi 10 qr, əyarı-583; qolbaq-1 ədəd, çəkisi 7.5 qr, əyarı-583; sırğa 1 ədəd, çəkisi 3.5 qr, əyarı-583; tək sırğa-1 ədəd, çəkisi 1.6 qr, əyarı-583; üzük-3 ədəd, çəkisi 12.5 qr, əyarı-583; klon-1 ədəd, çəkisi 3.5 qr, əyarı-583; sep-1 ədəd, çəkisi 10.5 qr, əyarı-500, cəmi 49.1 qr), bu əmlakların hərracda satılması, onun satışından əldə olunan pul vəsaiti hesabına Cavabdeh 17.03.2021-ci il tarixli, YSLMB-07161 saylı kredit müqaviləsi üzrə kreditə görə cəmi 1897.62 (bir min səkkiz yüz doxsan yeddi manat altmış iki qəpik) manat məbləğində pul və dövlət rüsumu kimi ödənilmiş 30 (otuz) manat məbləğində pulun ödənilməsi, girov predmetlərinin açıq hərracda satılmasından əldə edilmiş vəsait qeyd olunan 17.03.2021-ci il tarixli, YSLMB-07161 saylı kredit müqaviləsi üzrə borcun ödənilməsi üçün yetərli olmazsa, Cavabdeh digər əmlakına yönəldilməsi barədə qətnamə qəbul edilməsini xahiş etmişdir. İddiaçı ASC-nin idarə heyətinin sədri Aydın Hüseynovun 10.12.2021-ci il tarixdə ”Elektron Məhkəmə” informasiya sisteminə daxil olmuş ərizəsində məhkəmənin icraatında olan İddiaçı Açıq Səhmdar Cəmiyyətinin Cavabdeh qarşı “pulun tutulması, tələbin girov predmetinə yönəldilməsi, girov predmetinin açıq hərracda satılması və s.tələbinə” əsasən e-2(110)-779/2021 saylı mülki işin olduğunu, Mülki-Prosessual Məcəlləsinin 259.0.11-ci maddəsinə istinadən iddia ərizəsi və ona əlavə edilmiş sənədlərin geri qaytarılmasını və iddia ərizəsinin baxılmamış saxlanılmasına dair qərardad qəbul edilməsini xahiş etmişdir. Cavabdeh məhkəmə iclasının yeri və vaxtı barədə əvvəlcədən rəsmi qaydada məlumat verilməsinə baxmayaraq o məhkəmə baxış iclasında iştirak etməmiş və bu barədə məhkəməyə məlumat verməmişdir. Azərbaycan Respublikasının MPM-in 185.5-ci maddəsinə müvafiq olaraq məhkəmə iclası iş üzrə cavabdehin iştirakı olmadan keçirilmişdir. Məhkəmə yuxarıda göstərilənlərə əsasən belə nəticəyə gəlir ki, iddiaçı iddia ərizəsinin baxılmamış saxlanması və iddia ərizəsi və ona əlavə edilmiş sənədlərin geri qaytarılmasını xahiş etmiş, cavabdeh isə məhkəmə baxışında iştirak etməməklə işin mahiyyəti üzrə həll olunmasını tələb etmədiyinə görə iddia ərizəsi baxılmamış saxlanmalıdır. Azərbaycan Respublikası Mülki-Prosessual Məcəlləsinin: - 259.0.11-ci maddəsinə əsasən qərardadda iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə, məhkəmə ərizəni baxılmamış saxlayır; - 260.3-cü maddəsinə əsasən qərardadda işdə iştirak edən şəxslərin arasında məhkəmə xərclərinin bölünməsi, büdcədən dövlət rüsumunun qaytarılması məsələləri həll edilə bilər; - 114.1.5-ci maddəsinə əsasən, bu Məcəllədə nəzərdə tutulmuş əsaslarla ərizə baxılmamış saxlanılarsa, dövlət rüsumu qaytarılır. Məhkəmə büdcədən dövlət rüsumunun qaytarılması məsələsini müzakirə edərək, belə nəticəyə gəlir ki, iddiaçı bank tərəfindən Hökümət ödəniş portalı vasitəsi ilə 22.09.2021-ci il tarixdə ********* nömrəli qəbzlə dövlət büdcəsinə ödənilmiş 30 (otuz) manat dövlət rüsumu geri qaytarılmalıdır. İddiaçıya izah olunmalıdır ki, Azərbaycan Respublikasının MPM-in 260.4-cü maddəsinə müvafiq olaraq iddianın baxılmamış saxlanması üçün səbəb olan şərait aradan qaldırıldıqdan sonra ümumi qaydada ərizə ilə məhkəməyə yenidən müraciət etməyə haqlıdır. Yuxarıda qeyd edilənləri və Azərbaycan Respublikasının Mülki-Prosessual Məcəlləsinin 260, 263- 264, 267-268-ci maddələrini rəhbər tutaraq məhkəmə qərara aldı: İddiaçı ASC-nin Cavabdeh qarşı “pulun tutulmasına, tələbin girov predmetinə yönəldilməsinə, girov predmetinin açıq hərracda satılması tələbinə dair” mülki iş üzrə iddia ərizəsi baxılmamış saxlanılsın. İddiaçı ASC tərəfindən Hökümət ödəniş portalı vasitəsi ilə 22.09.2021-ci il tarixdə ********* nömrəli qəbzlə dövlət büdcəsinə ödənilmiş 30 (otuz) manat dövlət rüsumu iddiaçıya qaytarılsın. İddiaçı ASC-nə izah olunur ki, iddianın baxılmamış saxlanması üçün səbəb olan şərait aradan qaldırıldıqdan sonra ümumi qaydada ərizə ilə məhkəməyə yenidən müraciət etməyə haqlıdır. Qərardaddan, o, tərəfə rəsmi qaydada verildikdən sonra 10 gün müddətində Şərur Rayon Məhkəməsinə şikayət verilə bilər. Sədrlik edən: Seymur Qarayev