Naxçıvan MR Kəngərli Rayon Məhkəməsi Qərardad — İş №2(111)-179/2021

Azərbaycan Respublikası adından QƏRARDAD Qıvraq qəsəbəsi İş № 2(111)-179/2021 27.09.2021 NAXÇIVAN MR KƏNGƏRLİ RAYON MƏHKƏMƏSİ Mən, Kəngərli Rayon Məhkəməsinin hakimi əvəzi X1, "xxxx" KB ASC-nin Cavabdeh kredit müqaviləsi üzrə borcun tutulması tələbinin təmin edilməsi tələbi barədə iddia ərizəsini və ona əlavə edilmiş sənədləri nəzərdən keçirərək müəyyən etdim: "xxxx" KB ASC nümayəndə vasitəsilə Cavabdeh qarşı iddia ərizəsi ilə məhkəməyə müraciət edərək Cavabdeh 378.73 manat əsas, 101.15 manat faiz və 0.09 manat cərimə olmaqla, cəmi 479.97 manat borcun və dövlət rüsumu olaraq ödənilmiş 20 manat məbləğində vəsaitin tutularaq "xxxx" KB ASC-yə ödənilməsi barədə qətnamə çıxarılmasını xahiş etmişdir. İddia ərizəsi və ona əlavə olunmuş sənədlər nəzərdən keçirilərkən məlum oldu ki, iddia ərizəsinin birinci nüsxəsi nümayəndə-X2 tərəfindən imzalanmış, lakin cavabdehə göndəriləcək iddia ərizəsinin ikinci nüsxəsi imzalanmamış, nümayəndənin səlahiyyətini təsdiq edən sənəd, iddia cavabdehin rəsmi qeydiyyatda durduğu yerin məhkəməsinə verildiyindən cavabdehin harda qeydiyyatda durması barədə DİN-in BPQMİ-nin MAPS şöbəsinin arayışı və bankın dövlət qeydiyyatının və dövlət reyestrinin aparılması barədə sənədlər iddia ərizəsinə əlavə olunmamışdır. Ona görə də iddia ərizəsinin icraata qəbul edilməsindən imtina edilərək iddia ərizəsi və ona əlavə edilmiş sənədlər geri qaytarılmalıdır. Azərbaycan Respublikası MPM-nin 35.1-ci maddəsinin tələbinə əsasən iddia cavabdehin rəsmi qeydə alındığı yerin məhkəməsinə verilir. Azərbaycan Respublikası MPM-nin 69.2-ci maddəsinin tələbinə əsasən hüquqi şəxsi məhkəmədə qanunlarla, digər hüquqi aktlarla və ya hüquqi şəxsin təsis sənədləri ilə müəyyən edilmiş səlahiyyətli şəxsləri, yaxud müvafiq qaydada səlahiyyət verilmiş və əsas iş yeri həmin hüquqi şəxs olan işçiləri və ya vəkillər təmsil edir. İş materiallarını nəzərdən keçirərkən etibarnamə üzrə səlahiyyət verilmiş şəxsin əmək müqaviləsinin, əmrdən çıxarışın, orderin olmaması və xidməti vəziyyəti göstərilmədiyindən iddia ərizəsi hüququ olmayan şəxs tərəfindən imzalanması müəyyən edilmişdir. Həmin Məcəllənin 150.0.3-cü maddəsinə əsasən iddia ərizəsinin səlahiyyətli şəxs tərəfindən imzalanmasını təsdiq edən sənəd iddia ərizəsinə əlavə edilməlidir. Həmin Məcəllənin 152.1.2-ci maddəsinə əsasən iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda hakim iddia ərizəsini və ona əlavə edilmiş sənədləri geri qaytarır. Həmin Məcəllənin 284-4.1.4-ci maddəsinə əsasən verilmiş tələbi təsdiq edən sənədlər təqdim olunmamışdırsa iddia ərizəsinin icraata qəbul edilməsindən imtina edilir. İddia ərizəsi qaytarıldığına görə X2 tərəfindən 14 sentyabr 2021-ci il tarixli, ********* №-li qəbzlə ödənilmiş 20 manat dövlət rüsumu da qaytarılmalıdır. Belə ki Azərbaycan Respublikasının MPM-in 114.1 və 114.1.2-cü maddələrinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. "xxxx" KB ASC-yə izah olunmalıdır ki, iddia ərizəsinin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Göstərilənləri və Azərbaycan Respublikası MPM-in 152.2, 263, 264 və 284-4.3-cü maddələrini rəhbər tutaraq qərar verdim: "xxxx" KB ASC-nin Cavabdeh kredit müqaviləsi üzrə borcun tutulması tələbinin təmin edilməsi barədə iddia ərizəsi icraata qəbul edilməsindən imtina edilsin və ərizəyə əlavə edilmiş sənədlər geri qaytarılsın. X2 tərəfindən 14 sentyabr 2021-ci il tarixli, ********* №-li qəbzlə ödənilmiş 20 manat dövlət rüsumu geri qaytarılsın. "xxxx" KB ASC-yə izah olunsun ki, iddia ərizəsinin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Hakim: Hüseyn Zülfüqarov