Gəncə Şəhər Məhkəməsi Qətnamə — İş №2(125)-1691/2024

Azərbaycan Respublikası adından QƏTNAMƏ Gəncə şəhəri İş № 2(125)-1691/2024 24.04.2024 GƏNCƏ ŞƏHƏR MƏHKƏMƏSİ X1 Tahir oğlunun sədrliyi, Səfixanova Arzu Sabir qızının katibliyi, İddiaçı və Cavabdeh iştirakı ilə, İddiaçı Cavabdeh qarşı pul tələbinə dair iddia ərizəsi üzrə mülki işə açıq məhkəmə iclasında baxaraq məhkəmə, müəyyən etdi: İddiaçı Cavabdeh qarşı pul tələbinə dair iddia ərizəsi ilə məhkəməyə müraciət edərək, Gəncə şəhəri, Atatürk prospekti 197, bina 1, mənzil 20-də qeydiyyatda olan və yaşayan Cavabdeh 634 manat məbləğində pulun və dövlət rüsumu kimi ödənilmiş 30 manat pulun alınıb ona verilməsinə dair qətnamə çıxarılmasını xahiş etmişdir. Məhkəmə iclasında İddiaçı iddianı müdafiə edərək, izahatında göstərdi ki, kiçik mağaza icarəyə götürməklə topdansatış yerlərindən ərzaq malları alıb satmaqla məşğuldur. 2023-cü ilin iyul-avqust aylarında o, Cavabdeh ərzaq məhsulları satmış, cavabdeh isə pulu hissə-hissə ödəməyi öz öhdəsinə götürmüşdür. Əvvəllər vaxtlı-vaxtında borcunu ödəsə də, son vaxtlar gecikdirmişdir. Hazırda 634 manat borcu vardır. Dəfələrlə borcunu ödəməsini tələb etsə də, cavabdeh imtina etmiş, onu get-gələ salmışdır. Buna görə də məhkəməyə müraciət etmək məcburiyyətində qalmışdır. Məhkəmə iclasında Cavabdeh iddianı qəbul edərək izahatında göstərdi ki, iddiaçıya 634 manat borcu vardır. 3 yetim saxlayır, bir otaqlı evdə yaşayır. Maddi imkanı olmadığı üçün ödəyə bilməmişdir. Hər ay 20-30 manat olmaqla hissə-hissə ödəməyə heç bir etirazı yoxdur. İşin müəyyən olunmuş hallarından görünür ki, cavabdeh iddiaçıdan müxtəlif ərzaq məhsulları almış, ancaq onların dəyəri olan 634 manat pulu ödəmədiyindən iddiaçı məhkəməyə müraciət etmişdir. Məhkəmə iclasında cavabdeh iddianı qəbul edərək, iddiaçıya 634 manat borcu olduğunu etiraf etmişdir. Məhkəmə tərəflərin izahatını dinləyib, mülki işin materiallarında olan sübutlarla birlikdə araşdırıb, belə nəticəyə gəlir ki, iddia təmin edilməlidir. Belə ki, Azərbaycan Respublikası Mülki Məcəlləsinin (bundan sonra-MM) 385.1-ci maddəsinə görə öhdəliyə əsasən bir şəxs başqa şəxsin xeyrinə müəyyən hərəkəti etməlidir və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. MM-in 427.3-cü maddəsinə əsasən əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. MM-in 567-ci maddəsinə əsasən alğı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. MPM-in 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Belə olan halda məhkəmə belə nəticəyə gəlir ki, iddia tələbi təmin olunaraq, cavabdehdən 634 manat pul alınıb iddiaçının xeyrinə ödənilməlidir. MPM-in 119.1-ci maddəsinə əsasən iş üzrə ödənilmiş 30 manat dövlət rüsumu cavabdehə aid edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 216-220, 227, 233, 358 və 360-cı maddələrini rəhbər tutaraq məhkəmə, qət etdi: İddia təmin edilsin. Cavabdeh 634 (altı yüz otuz dörd) manat pul və 30 manat dövlət rüsumu alınıb İddiaçı ödənilsin. Qətnamədən onun tərəflərə rəsmi qaydada verildiyi gündən 1(bir) ay müddətində “Elektron məhkəmə” informasiya sistemində yaradılmış elektron kabinet üzərindən Gəncə Şəhər Məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Hakim: Cavid Tağıyev